Hechos 12:9 - New Testament Psalms and Proverbs in Mixtec Magdalena Peñasco

⁹ Pedro ma, ndikin de yata ángel ma ni ndee de, kovaa masu jini de nú ja ndija kúu ja yikuu ángel ma sa'a i ma xi in ja jininuu de kúu.

Hechos 12:9 ပူးပေါင်းရင်းမြစ်များ

Salmos 126:1

Kivi ni sa'a Iya Tátnuni ma ja yo'o ja ni ka yo iyo o nuu nda'a ñayii in‑ka ñuu ma, ni ka ndakokuiñi o ñuu Sion ma, te kuenda tnu'u ja ka jani o kúu ma.

Juan 2:5

Te jiña'a ña tee ka skanduu ndute uva ma: ―‍Jin sa'a ni ndaka ja ká'an i ma ―‍kúu ña jiña'a ña.

Hechos 10:17

Te Pedro ma, ñatuu ni'i ini de nawa kúni ka'an ja ni jini de ma. Nani jani ini de ma, te tee ni tetniñu Cornelio ma, ka jikan‑tnu'u de ve koo de, ndenu kúu ve'e tee kúu Simón ma. Sani te ni ka kenda koo de maa ye'e nuu iyo de ma.

Hechos 10:3

In kivi visi nuu ka uni‑ka jañini ma kúu, te ni jininuu de ja in ángel Su'si ma, kuan tu'va ña'a i, te jiña'a i: ―‍¡Cornelio! ―‍kúu i jiña'a i.

Hechos 11:5

―‍Yikuu sa jikan‑ta'vi sa nuu Su'si ma nuu iyo sa ñuu Jope ma, te ni jininuu sa sa'a, ja onde andivi ma ve nuu in sa'ma ka'nu ka'nu, te nu'ni ndi‑kuun nuu i ma, te ni nuu i nuu iyo sa ma.

Hechos 12:8

Te suni jiña'a ángel ma: ―‍Ndinuu ni sa'ma ni a, te ndachi'i ni ndijan ni a ―‍kúu i jiña'a i. Te sukan ni sa'a de. Sani te jiña'a i: ―‍Ndakondii ni sa'ma ndii ni a, te kondikin ña'a ni ―‍kúu i jiña'a i.

Hechos 26:19

Te chukan kúu ja masu ni sa'a so'o sa ja ni jininuu sa ja vee onde sukun ma, vi rey.

Hechos 9:10

Iyo in tee ndikin Jesús ma ñuu Damasco ma nani de Ananías. Tee ya'a, ni jiniso'o de ja ni kana ña'a Iya Tátnuni ma: ―‍¡Ananías! ―‍kúu ya jiña'a ya. Te ni ndakone'e de: ―‍Ya'a iyo sa, Señor ―‍kúu de jiña'a de.

Hebreos 11:8

Vaa ja ni kukanu ini Abraham ma Su'si ma kúu ja ni kandija de, nuu ni kana ña'a ya ma te jiña'a ya ja na kee de te ki'in de ma, vaa iyo nuu ko kuu ta'vi de ma. Te visi ñatuu jini de ndenu ki'in de ma, kovaa kua'an de.