Hechos 12:7 - New Testament Psalms and Proverbs in Mixtec Magdalena Peñasco

⁷ Sani te ni kenda in ángel Iya Tátnuni ma, te ni ye'e ni'ni ini nuu yinee de ma. Te ni skaki'i ángel ma yika Pedro ma ja na ndoto de, te jiña'a i: ―‍¡Ñama ni, ndakoo ni! ―‍kúu i jiña'a i. Te yo'o kaa ma, ni ka kun‑kava i nda'a de ma.

Hechos 12:7 ပူးပေါင်းရင်းမြစ်များ

Salmos 107:14

Te ni ndene'e ya i nuu nee ni ka iyo i ma, te ni sakuechi, ni salikin ya yo'o kaa ni ka yo nu'ni i ma.

Salmos 116:16

Su'si Iya Tátnuni, saña ja jinukuechi sa nuu ni a, te suni si'i sa ma, ni yo jinukuechi ña nuu ni a, te maa ni ni ja'nde yo'o kaa ni yo nu'ni sa ma.

Salmos 146:7

Vaa sa'a ya ja ka ndayaa ñayii ka xndo'o ka xneni ña'a in‑ka ñayii ma, te wa'a tna ya ja jin kaa ñayii ka kokon ka yichi ma, te ndáxsiaa ya ñayii nda'vi ka yinee va'a ma.

Salmos 34:7

Vaa ángel jinukuechi nuu Iya Tátnuni ma chi ûni ndákonduu i jito vava'a i ñayii ka kandija ja ká'an ya ma, te ñatuu wa'a i tnu'u ja nawa sa'a ña'a suchi ñatuu kúnimani nuu ñayii ma.

Salmos 68:6

Te maa ya sa'a ja ñayii ni ka ndoo nda'vi ma, jin ni'i i in ve'e nuu jin koo i, te kuenda tnu'u ja ve'e maa i kúu. Te ñayii ka ndo'o ka neni ma, sa'a ya ja jin ndusii ini i te jin koo va'a i. Kovaa ñayii ka sa'a so'o xeen ma chi nuu jin koo i ma ko kuu in nuu ñu'ú yichi, nuu ñatuu kuiti nawa iyo ma.

Mateo 2:13

Sani te nuu ni ka ya'a de kuan nu koo de ma, te nuu ni kixi José ma, te ni kenda in ángel ni tetniñu Iya Tátnuni ma, te jiña'a i: ―‍Ndakoo ni, te kueka ni lulu a ji'in si'i ya a, te kuán koo ni ñuu Egipto ma, te jin koo ni yukan‑ni onde kaxtnu'u maa sa kivi ndi koo ni ma, vaa sa'a ko kuu ja Herodes ma chi nduku de lulu a ja ka'ni de ya ―‍kúu i jiña'a i.

Lucas 2:9

Sani te ni kenda in ángel Su'si ma, te jayiñu'u Su'si ma ni jandute nuu ka iyo de ma, te ni ka yu'u xeen de.

Lucas 24:4

Te ni ka yu'u xeen ña, te ñatuu ka ni'i ini ña nawa jin sa'a ña. Sani te ni ka jini ña kuenda tnu'u ja uu tee ka nukuiñi te ka ne'nu de sa'ma kuijin kuijin te jándute xeen.

Hechos 10:30

Te Cornelio ma, ni ndakone'e de: ―‍Vitna kúu kuun kii ja maa ora ya'a visi ka uni‑ka jañini ma yikuu sa jikan‑ta'vi sa ini ve'e a. Sani te ni jini sa ja ni kenda in tee ne'nu sa'ma jandute nuu sa ma,

Hechos 12:23

Sani te in ángel Iya Tátnuni ma, ni xtnakue'e i de, sani te ni ka ta'vi ña'a tindaku te ni ji'i de, vaa kuechi ja ñatuu ni ndakua'a de jayiñu'u nuu Su'si ndija ma.

Hechos 12:6

Kivi yutnee ma, te kene'e Herodes ma Pedro ma nuu ñayii ma nkuu. Kovaa maa jakuaa yukan, Pedro ma jâ kixi de, te nu'ni de uu yo'o kaa, te ka ndeñu'u ña'a uu soldado. Te ka iyo tee ka jito ye'e vekaa ma.

Hechos 12:8

Te suni jiña'a ángel ma: ―‍Ndinuu ni sa'ma ni a, te ndachi'i ni ndijan ni a ―‍kúu i jiña'a i. Te sukan ni sa'a de. Sani te jiña'a i: ―‍Ndakondii ni sa'ma ndii ni a, te kondikin ña'a ni ―‍kúu i jiña'a i.

Hechos 16:26

Sani te ni keja'a tnaa xen‑xeen, te ni‑ka'nu vekaa ma ni jaja ni'ni xen‑xeen. Sani te ni ka ndanune ndaka ye'e vekaa ma, te ndaka yo'o kaa ka nu'ni ñayii ka yinee vekaa ma chi ni ka kun‑ne'ne i.

Hechos 2:24

Visi ni ndo'o, ni neni ya te ni ji'i ya ma, kovaa ni ndaxteku ña'a Su'si ma, vaa masu nawa kundee nuu ya ma.

Hechos 5:19

Kovaa jakuaa ma, in ángel jinukuechi nuu Iya Tátnuni ma ni jan nu kune ye'e vekaa ma, te ni ndene'e i de, te jiña'a i:

Hechos 9:3

Kovaa ichi kua'an de ma, nuu sani te kenda de ñuu Damasco ma, sani te ni jakun‑tuu ña'a in nduva ñu'u vee ichi andivi ma.

Efesios 5:14

Chukan kúu ja ká'an tnu'u Su'si a: Ndoto ni, ndijin ja kixi ni, te ndakoo ndijin ne'un ñayii ni ka ji'i ma, te Cristo ma, sa'a ya ja ndundijin nuu ni a.

Hebreos 1:14

Te ndaka ángel ma chi ka iyo i ja jin kunukuechi i nuu Su'si ma, te ni tetniñu ya i ja jin chindee i ñayii ka iyo ja jin ndani'i ta'vi i ma, visi masu nde ka nde'ya o ángel ma.

Apocalipsis 18:1

Ni jinu sukan, te ni jini sa in‑ka ángel ja ni nuu onde andivi ma ji'in kua'a tnu'u ndee tnu'u ndatnu i ma, ji'in kua'a jayiñu'u i ma, te ni ye'e ni'ni nuu ñu'ú ya.