Hechos 10:4 - New Testament Psalms and Proverbs in Mixtec Magdalena Peñasco

⁴ Te ni jikan‑tnu'u Cornelio ma: ―‍¿Nawa kúni ni, Señor? ―‍kúu de jiña'a de. Te ni ndakone'e ángel ma: ―‍Su'si ma, ni jiniso'o ya ja jikan‑ta'vi ni ma, te ni jini ya ndaka ja va'a sa'a ni ma.

Hechos 10:4 ပူးပေါင်းရင်းမြစ်များ

Salmos 141:2

Te ndaka ja jikan‑ta'vi sa ma na kenda onde nuu iyo ni a sukan kénda xiko ja jáxiko asi ka ndataa ñayii ma. Te kó kuu ja ndóne'e sa nda'a sa ya ora jikan‑ta'vi sa ma nuu ni ma, sukan kúu ja va'a ka ndataa ñayii ma ora jañini ma.

Salmos 20:3

Te na kona'a ya ndaka ja ni ndakua'a ni nuu ya ma, te kuán‑ta'vi ya kiti ka'mi ndi'i kuiti ni nuu ya ma.

Mateo 26:13

Te ja ndaa ká'an sa ja ndeva'a‑ni nuu jin kaxtnu'u i tnu'u vii tnu'u va'a káxtnu'u sa a, suni jin ndaka'an jin ndakachi i tna'a ja ni sa'a ña'a ña'a ya'a, te sukan, te jin ndaka'án i ja vii ja va'a ni sa'a ña ma ―‍kúu ya jiña'a ya.

Lucas 1:29

María ma, ñatuu ni'i ini i nawa sa'a i, te ni jikan‑tnu'u i nawa kúni ka'an tnu'u ya'a.

Lucas 24:5

Te ka yu'u xeen ña, te ni ka jakindeyi ña onde nuu ñu'ú ma, kovaa tee yukan, ka jiña'a de: ―‍¿Nava'a ka ndanduku ni iya téku ma ne'un ñayii ni ka ji'i ma?

Hechos 10:31

te ká'an de: “Cornelio, Su'si ma, ni jiniso'o ya ja jikan‑ta'vi ni ma, te ni ndaka'án ya sukan chíndee ni ñayii ma.

Hechos 14:9

Ja ni jiniso'o de ja ká'an Pablo ma, te nde'ya vava'a Pablo ma de, te ni jini Pablo ma ja kúkanu ini de ja ja maa Pablo ma, te ndasava'a ña'a Su'si ma.

Hechos 22:10

Te jiña'a sa: “¿Nawa sa'a sa, Señor?” Te Iya Tátnuni ma, ni ka'an ya: “Ndakoo ni, te kivi ni ñuu Damasco a. Te yukan, te jin ka'an i ndaka nawa iyo ja sa'a ni”, kúu ya ká'an ya.

Hechos 3:4

Te ka nde'ya de tee ma, te Pedro ma, jiña'a de: ―‍Konde'ya ña'a ni ―‍kúu de jiña'a de.

Filipenses 4:18

Vaa ni ndani'i sa ndaka ja ni ka tetniñu ni ji'in ñani o Epafrodito ma, te vitna chi neva'a kua'a‑ka sa, te ñatuu nawa jiniñu'u‑ka sa, vaa ni ndani'i sa ja ni ka tetniñu ni ji'in de ma, tna'a ja vii ja va'a ni ka ndakua'a ni nuu Su'si ma, ja jáxiko asi ma, tna'a ja játna ini Su'si ma.

Filipenses 4:6

Masu nawa jin ko ndi ini ni, su'va jin kakan‑ta'vi xen‑xeen ni nuu Su'si ma nawa ka jiniñu'u ni ndaka jichi ka ndakuan‑ta'vi ni nuu ya ma.

Hebreos 13:16

Te másu ko jin ndunaa ni ja jin sa'a ni ja va'a ma, ji'in ja jin chindee ni tna'a ni ma, vaa sukan játna ini Su'si ma, vaa ja va'a‑ka kuu ja sa'a o sukan sana ja ndakua'a ni in kiti nuu ya ma.

Hebreos 6:10

Vaa Su'si o a chi ndimaa sa'a ndaa ya, te masu ndunaa ya ja ka sa'a ka kuu ni a, sukan ni ka keja'a ni ka kutoo ni ñayii ni ka nduu sa'ya Su'si o a, te ka jinukuechi ni nuu i ma, te sukan tna ka sa'a ka kuu ni onde vitna.

Apocalipsis 8:4

Te ángel ma, ni tnaa, ni tnaa i ja jáxiko asi ma ji'in ja ka ndakuan‑ta'vi ñayii ma ora ka jikan‑ta'vi i nuu ya ma, ja ka kuu i ñayii ñatuu na ja u'vi ka sa'a‑ka ma. Te ñu'ma kána ma kénda nuu iyo ya ma. Te sa'a ka ndachiñu'u ka ndachiñu'u‑nka i ya.