Hechos 1:26 - New Testament Psalms and Proverbs in Mixtec Magdalena Peñasco

²⁶ Sani te ni ka chu'un de suerte siki nduu tee yukan, te ni kani ja Matías ma ko kuu de. Te onde ora yukan, te ni ndivi de nuu ndi‑uxi in tee ni tetniñu ya ma.

Hechos 1:26 ပူးပေါင်းရင်းမြစ်များ

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 16:33

Ñayii ma chi ja ñu ini maa i‑ni te jani ini i naxe sa'a i ma, kovaa masu nde ndása'a i kuenda ja Su'si ma kúu iya ka'an nú saa xi ña'a.

Marcos 6:30

Sani te tee ni tetniñu Jesús ma, ni ka ndatna'a de ji'in ya ma, te ni ka ndakani de ndaka ja ni ka sa'a de ji'in ja ni ka kaxtnu'u de nuu ñayii ma.

Hechos 1:23

Sani te ni ka ndakaji de uu tee ma. In tee nani José Barsabás ma tee ni ka yo xnani i Justo ma, te in tee nani Matías ma.

Hechos 13:19

Sani te ni xnaa ya uja ñuu ja ka iyo nii ñuu Canaán ma, te ni ndakua'a ya tna'a o ñayii jana'a ma ñuu yukan.

Hechos 2:14

Sani te Pedro ma, ni ndokuiñi de ji'in ndi‑uxi in‑ka tee ni tetniñu Jesús ma, te ni ka'an nini'i de jiña'a de: ―‍Ndaka ni ja ka kuu ni ñayii judío a ji'in ndaka‑ka ni ja ka kuu ni ñayii ka iyo ñuu Jerusalén a, jin koniniso'o va'a ni, te jin koniniso'o ndaka ni tna'a ja ká'an sa a.

Apocalipsis 21:14

Te ka iyo uxi uu ja ka yituu yika ve'e ma ja ka ndesi i ñuu ma, te ka ndenee ja ka nani ndi‑uxi uu tee ni tetniñu iya kúu sukan kúu ndikachi jaa ma.