Hebreos 8:9 - New Testament Psalms and Proverbs in Mixtec Magdalena Peñasco

⁹ Te tnu'u jaa ya'a chi masu ko kuu i sukan ni yo kuu tnu'u ni kaxtnu'u sa onde xi'na‑ka ma nuu yuva ni tee jana'a ma, ja ni ndatnii sa nda'a de ma te ni ndene'e sa de ñuu Egipto ma. Vaa masu nde ni ka yo ndikin de tnu'u ni tatnuni sa ma, te chukan kúu ja ni xndoo sa de. Sa'a ká'an sa ja kúu sa Iya Tátnuni a.

Hebreos 8:9 ပူးပေါင်းရင်းမြစ်များ

Salmos 105:43

Te ni ndene'e sii ini ya ñayii ñuu ya ma, te sii ini xeen iyo ya, vaa ñayii ni kaji maa ya ka kuu i ma.

Salmos 77:20

Te ni sa'a ni ja Moisés ma ji'in Aarón ma ni ka skaka ñayii ñuu ni ma. Kuenda tnu'u ja sukan kúu tee jito ndikachi de ma, sukan ni ka yo kuu de nuu ñayii ma.

Salmos 78:57

Su'va sukan ni ka yo sa'a yuva i ma, sukan ni ka yo sa'a tna i, te ka kuu i sukan kúu in kuji ja nde'ya o ma chi iyo va'a i, kovaa nuna kuatniñu o ma chi tna'nu i.

Marcos 8:23

Jesús ma, ni tnii ya nda'a tee kuaa ma, te ni kene'e ya de ini ñuu ma. Te ni chi'i ya nde sii ya ma nduchinuu de ma. Te ni sonee ya nda'a ya siki de ma, te ni jikan‑tnu'u ya de: ―‍¿Nde'ya ni jaku? ―‍kúu ya jiña'a ya.

Hechos 13:11

Vitna chi nda'a Iya Tátnuni ma koo siki ni a, te ndukuaa ni jaku kivi, te ma kuu kuni‑ka ni kandii ma ―‍kúu de jiña'a de. Sani te ni kunee tnuu ni jini tee kúu Elimas ma. Sani te ni jakondee de skaka nda'a de ndúku de na in tnii nda'a de ja skaka ña'a i.

Hechos 7:36

Te Moisés ma ni yo kuu tee ni ndene'e tna'a o ñayii jana'a ma, te ja maa Su'si ma, te ni sa'a de milagru ñuu Egipto ma, ji'in nuu Mar Rojo ma, ji'in nuu ñatuu nawa iyo kuiti ma uu xiko (40) kuiya.

Hechos 9:8

Saulo ma, ni ndakoo de, te ni ndakune de nuu de ma. Kovaa masu nde kúu konde'ya‑ka de. Chukan kúu ja ni ka tnii de nda'a Saulo ma, te ni ka jan xsia'a de tee ma ini ñuu Damasco ma.

Gálatas 4:24

Kuenda tnu'u ja nduu tnu'u ni skuiso Su'si ma, sukan ka kuu uu ña'a ya'a. Vaa in tnu'u ni skuiso Su'si ma nuu ni ka'an ya yuku Sinaí ma, te kuenda tnu'u ja sukan kúu Agar ma ji'in sa'ya ña ma, vaa ñayii ka jinukuechi ka kuu ña ji'in i ma‑ni.