Hebreos 4:13 - New Testament Psalms and Proverbs in Mixtec Magdalena Peñasco

¹³ Vaa ñatuu ni‑in ja ni sa'a Su'si ma ko kuyu'u nuu iyo ya ma te masu kuni ya chi su'va nune nda'a, te nde'ya ndi'i kuiti ya, vaa nuu maa ya jin ndakua'a o kuenda ma.

Hebreos 4:13 ပူးပေါင်းရင်းမြစ်များ

Salmos 139:4

Vaa visi ñatuu ka'an‑ka sa, kovaa maa ni, vi Su'si, chi jâ jini ni nawa jani ini sa ja ka'an sa ma.

Salmos 44:21

kuiti kunitnuni maa ni nkuu, vaa maa ni chi jini ni nawa jani ini ñayii ma.

Salmos 7:9

Xnaa ni ñayii ka sa'a ja u'vi ma, ja ñatuu ka kandija ña'a i maa ni ma, te sunkani va'a ni ñayii ka sa'a ja va'a ja ndaa ma. Vaa maa ni chi Su'si iya sa'a ja va'a ja ndaa ma kúu ni, te jinitnuni ni nawa ka jani ini ñayii ma, vi Su'si maa sa.

Salmos 90:8

Te ndaka ja u'vi ni ka yo sa'a sa ma, masu nde ni ka kuyu'u i nuu maa ni a, vaa ndimaa nde'ya ni nawa ka sa'a ka kuu sa ma, vi Su'si.

Proverbios 15:11

Su'si ma chi jini ya na kivi kûu ñayii ma te ndenu ki'in i ma, te suni sukan jini tna ya ja jani ini o ma.

Proverbios 15:3

Su'si Iya Tátnuni ma chi nde'ya nde'ya‑ni ya ni‑ka'nu ñuu ñayivi a, te jini ya nawa ka sa'a ñayii ka sa'a ja va'a ma ji'in nawa ka sa'a ñayii ka sa'a ja u'vi ma.

Proverbios 5:21

Vaa kona'a ro ja Su'si ma chi nde'ya nde'ya‑ni ya ndaka ñayii ma nawa ka sa'a ka kuu i ma, te jini ya nú ja va'a xi ja u'vi kúu ja ka sa'a ka kuu i ma.

Mateo 6:4

sukan‑va'a ñatuu na in kuni ja ni chindee ni ñayii nda'vi ma, te Yuva o iya iyo onde andivi ma ja nde'ya ya ja va'a ni sa'a ni ma visi ñatuu na ñayii nde'ya ña'a ma, chi maa ya sa'a ja jin kuni ndaka ñayii ma ja vii ja va'a ndataa ya nuu ni ma.

Juan 2:24

Kovaa Jesús ma, masu ni yo kukanu ini ya ñayii yukan, vaa jini ya sukan inu‑ini ndaka i ma.

Juan 21:17

Ja ku‑uni jichi ni jikan‑tnu'u ya de: ―‍Simón sa'ya Juan, ¿kútoo ña'a ni? ―‍kúu ya jiña'a ya. Pedro ma, ni kuxii ini de, vaa ja ku‑uni jichi kúu ja ni jikan‑tnu'u ya de nú kútoo de ya, te ni ndakone'e de: ―‍Señor, maa ni jini ndaka, te jini ni ja kútoo ña'a sa ―‍kúu de jiña'a de. Jesús ma, jiña'a ya: ―‍Ko koto va'a ni ñayii ka kuu ndikachi sa a.

Juan 4:16

Jesús ma, jiña'a ya: ―‍Kuá'an ni, te kana ni yii ni ma, te kii ni ji'in de ―‍kúu ya jiña'a ya.

Hechos 17:31

Vaa maa Su'si ma, ni kaji ya in kivi ja sa'a ndaa ya, te maa Sa'ya ya iya ni tetniñu ñayivi ya ni kii ya ñuu ñayivi ya kúu iya ndakan ndaa kuenda nuu ndaka ñayii a. Te chukan kúu ja ni kaxtnu'u ya ja sukan ko kuu, vaa ni ndaxteku ya Sa'ya ya ma ―‍kúu de jiña'a de.

Romanos 2:16

Sa'a ko kuu kivi sunkoo Yuva o Su'si ma Sa'ya ya Jesucristo ma, ja ndakan ndaa ya kuenda nuu in in o ja ka kuu o ñayii a nawa ni ka yo sa'a yu'u o ma, sukan ká'an tnu'u vii tnu'u va'a káxtnu'u sa a.

1 Corintios 4:5

Chukan kúu ja máko jin ka'an yachi‑ni ni nawa kúu. Va'a‑ka ja na jin kondetu o ja kenda kivi ndenda Iya Tátnuni ma, vaa maa ya ndakaxtnu'u tna'a ja ka iyo yu'u nuu nee ma, te maa ya ndakaxtnu'u nawa ni jani ini anua o ma ja sa'a o ma, te sani te ndi‑in ndi‑in o ja ni ka sa'a o ja va'a ma jin ndani'i jayiñu'u nuu Su'si ma.

2 Corintios 5:10

Vaa jín kona'a o ja iyo ja ndenda koo ndaka o nuu núkoo Cristo ma ja ka'nde ya tniñu ndaka o ma, sukan‑va'a ñayii ni ka yo sa'a ja va'a ma ñuu ñayivi a, jin ndani'i i ja va'a ma, te ñayii ni ka iyo sa'a ja u'vi ma ñuu ñayivi a, jin ndani'i maa i ja u'vi ma.

Apocalipsis 2:23

Te sa'ya ña ma, xtnakue'e ri i, te jin kûu i, te ndaka ñayii ka ndatna'a ndaka ñuu ma, jin kuni i ja maa ri kúu iya jinitnuni nawa ka ñu'u ini anua ñayii ma ji'in ndaka nawa ka jani ini i ja jin sa'a i ma, ndaka jini ri te maa ri ndakua'a nuu ndi‑in ndi‑in ñayii ma nawa ni ka yo sa'a ni ka yo kuu i nuu ri ma, nú ja va'a xi ja u'vi.