Hebreos 3:10 - New Testament Psalms and Proverbs in Mixtec Magdalena Peñasco

¹⁰ Te kuechi ja sukan ni ka sa'a ña'a de ma, te ni ndakiti ini sa nuu ndaka ñayii yukan, te ni ka'an sa: Ndimaa ka ñu'u ya'a ka ñu'u yukan‑ni ini ñayii ya'a, te ni ñatuu ka jini i ichi ndaa káxtnu'u o ya.

Hebreos 3:10 ပူးပေါင်းရင်းမြစ်များ

Salmos 147:20

Kovaa masu sukan ni sa'a ya ji'in ndaka‑ka ñuu ma, te ñuu yukan, másu ni ka jini i tnu'u ni tatnuni ya ma. ¡Aleluya! ¡Jayiñu'u kóo nuu ya!

Salmos 67:2

sukan‑va'a jin kuni ndaka ñayii ñuu ñayivi ya ichi káxtnu'u ni ma, te jin kuni i sukan sa'a ni ja jin kaku ñayii ma nuu ja u'vi ma.

Salmos 78:40

¡Na saa‑nka jichi ni ka yo sa'a so'o i te ñatuu ni ka yo kandija i, te ni yo kuxii ini ya, vaa ñatuu ni ka yo sa'a i sukan ká'an ya ma nani ka jika i kuan koo i ichi nuu ñatuu kuiti nawa iyo ma!

Salmos 78:8

te máko jin ko kuu i sukan ni ka yo kuu yuva i ma ja ni ka yo kuu de in jichi ñayii inuso'o ma, te ñatuu ni ka yo kandija de ja ni ka'an Su'si ma, vaa ñatuu ni ka yo ñu'u ini de ja maa in‑ni Su'si o ma jin kondikin de.

Salmos 95:10

Te kuechi ja sukan ni ka sa'a ña'a de ma, te uu xiko kuiya ni ndakiti ini sa nuu ndaka ñayii yukan, te ni ka'an sa: Ndimaa ka ñu'u ya'a ka ñu'u yukan‑ni ini ñayii ya'a, te ni ñatuu ka jini i ichi ndaa káxtnu'u o ya.

Mateo 20:24

Nuu ni ka jiniso'o uxi‑ka tee ka ndikin ya ma, te ni ka ndakiti ini de nuu nduu tee ndi‑tna'a ñani de ma.

Marcos 3:5

Jesús ma chi nde'ya ya, te ni ndakiti ini ya nuu tee ka iyo ma. Te ni kuxii ini ya, ja ñatuu ka kuni de ja jin jaku'ni ini de ma. Te jiña'a ya tee ni yichi nda'a ma: ―‍Ndaskuili ni nda'a ni a ―‍kúu ya jiña'a ya. Te tee yukan chi ni ndaskuili de nda'a de ma, te ni nduva'a.

Juan 8:45

Kovaa saña chi ká'an sa ja ndaa, te chukan kúu ja ndijin, masu ka kandija ni.

Romanos 1:28

Te kuechi ja ñatuu ka kandija i Su'si ma, te ni sa'a ya ja janitnuni i ma ni ka nduneé, ni ka ndu‑uun‑nka, te ñatuu nde ka ndasa'a i kuenda ja masu nde jiniñu'u ndaka ja ka sa'a i ma.

Romanos 3:7

Te in‑ka tnu'u ja ka ka'an ñayii yukan kúu ja ndaka tnu'u ka ka'an i ja masu ja ndaa kúu ma, kovaa sa'a tnu'u ka ka'an i ma ja ka ndasa'a jaku‑ka ñayii ma kuenda ja maa in‑ni Su'si ma ká'an tnu'u ndaa tnu'u ndija ma, te ka ndachiñu'u xeen‑ka ñayii ma Su'si ma. Te ka ka'an ñayii tnu'u ma: “¿Te naku ka ka'an i ja ka ndiso kuechi o?”, ka kuu i ka ka'an i.

Efesios 4:30

Te másu ko jin sa'a ni ja ko kuxii ini Xtumani Ndios ma, vaa suu ya kaxtnu'u na in ka kuu o nuu Su'si ma, te kivi ndenda koo o nuu Su'si ma, te ndakuni ña'a Su'si ma ja sa'ya maa ya ka kuu o.

Hebreos 3:12

Chukan kúu ja ndijin ja ni ka nduu o sa'ya Su'si o a, jin ko koto va'a ni maa ni, te ni a in ni ko ku'un ini ja ko sa'a ni ja u'vi ma te masu kandija‑ka ni Su'si o iya teku ma te ndakakayata ni nuu ya ma chi masu va'a‑ni.