Hebreos 2:13 - New Testament Psalms and Proverbs in Mixtec Magdalena Peñasco

¹³ Te suni ni ka'an tna ya: Kúkanu ini sa Su'si ma. Te suni sa'a ni ka'an tna ya: Ya'a ka iyo sa ji'in ñayii ni taa ya ma, ja ni ka nduu i sa'ya ya ma, kúu ya ká'an ya.

Hebreos 2:13 ပူးပေါင်းရင်းမြစ်များ

Salmos 127:3

Sa'ya tata o ma chi in ja vii ja va'a ka kuu i nuu o, vaa maa Su'si ma ni skuta'vi ña'a.

Salmos 16:1

Su'si maa sa, ko koto va'a ña'a ni, vaa nuu maa in‑ni ni kúkanu ini sa.

Salmos 18:2

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Salmos 91:2

Kuña'a sa nuu Iya Tátnuni ma: “Maa ni kúu nuu kuu chu'u sa. Maa ni kúu ve'e sa ja núkuiñi vava'a. Maa ni kúu Su'si sa ja kúkanu ini ña'a sa”, kuña'a sa ya.

Mateo 27:43

Nú kúkanu ini de Su'si ma, te jín ko koto o nuna kii ya ki koto ya de. Vaa ni ka'an de ja Sa'ya Su'si ma kúu de ―‍ka kuu de ka ka'an de.

Juan 10:29

Yuva sa iya ni taa ti ma chi iyo‑ka tnu'u ndee tnu'u ndatnu ya sana ndaka ja iyo ñuu ñayivi a, te masu na in ndaxtandee ti nuu nda'a Yuva sa ma.

1 Corintios 4:15

Vaa visi ka neva'a ni uxi mil ñayii ka skua'a ña'a naxe jin sa'a ni ja jin kondikin ni Cristo ma, kovaa masu yuva ni ka kuu ñayii yukan. Vaa ka jini maa ni ja ja maa Cristo Jesús ma te ni kaxtnu'u sa tnu'u vii tnu'u va'a ma, te chukan kúu ja kuenda tnu'u ja yuva ni kúu sa.