Hebreos 13:6 - New Testament Psalms and Proverbs in Mixtec Magdalena Peñasco

⁶ Te chukan kúu ja ka kusaa ini o ja ka ka'an o sa'a: Iya Tátnuni ma kúu iya chíndee ña'a ma, te masu koyu'u sa nawa jin kuni ñayii ma ja sa'a ña'a i ma.

Hebreos 13:6 ပူးပေါင်းရင်းမြစ်များ

Salmos 124:8

Vaa Su'si iya ni sa'a andivi ma ji'in ñu'ú ya kúu iya ni sa'a ja ni ka kaku o nuu ñayii ñatuu ka kunimani nuu o ma.

Salmos 146:3

Máko kukanu ini ni ñayii ka ndanuu ma, vaa masu nawa jin sa'a i ja kaku ni nuu ja u'vi ma, vaa ñayii‑ni ka kuu i.

Salmos 27:9

Máko chu'u ni ja ma ndani'i ña'a sa. Máko ndakiti ini ni te xtandiyo ña'a ni nuu iyo ni a, saña ja jinukuechi sa nuu ni a. Vaa maa ni kúu iya chíndee chítuu ña'a, te máko xndoo maa in‑ni ña'a ni, vi Su'si iya sa'a ja kaku sa ma.

Salmos 33:20

Yo'o chi ka kukanu ini o Iya Tátnuni ma, vaa maa ya chindee ña'a, te maa ya kasi ndee kasi ndoso ja ñatuu nawa sa'a ña'a ja u'vi ma.

Salmos 40:17

Te saña ja kúnda'vi kúkee sa te ndó'o néni sa a, máko ndunaa ña'a ni, vi Su'si. Maa ni kúu iya chíndee ña'a, te sa'a ni ja kaku sa nuu ja u'vi ma. Máko ko kukuee ni ja ki chindee ña'a ni, vi Su'si maa sa.

Salmos 54:4

Kovaa vitna, te jin kuni i ja maa ni kúu iya chíndee ña'a te maa ni iyo ji'in ñayii ka chindee ña'a ma.

Salmos 56:4

Saña chi kúkanu ini xeen sa Su'si Iya Tátnuni ma, vaa ja vii ja va'a kúu tnu'u tátnuni ya a jini sa, te ni masu koyu'u sa, vaa masu nawa kuu sa'a ña'a ñayii ma.

Salmos 63:7

Vaa maa ni kúu iya chindee ña'a ja kaku sa nuu ja u'vi ma, te chukan kúu ja sii ini xeen kata sa nuu ni a, vaa iyo sa chii ndijin ni a.

Salmos 94:17

Nute ñatuu ni kenda Iya Tátnuni ma ja chindee ña'a ya chi nunuu‑ni, te kûu sa nkuu.

Mateo 10:28

Te má jin koyu'u ni ñayii kuu ka'ni ña'a ma, vaa yika‑ni ja yikikuñu ni a‑ni kuu ka'ni i, kovaa ini anua ni ma, masu kuu ka'ni i. Su'va jin koyu'u ni iya ndakan kuenda nuu ni ma nawa ni ka yo sa'a ni ka yo kuu ni ma, vaa maa ya chi kuu chunee ña'a ya nuu andeya ma te xnaa ya anua ni a ji'in yikikuñu ni a.

Romanos 8:31

Nú ndaka sukan sa'a ya ma, ¿naxe jin kani ini o? Nú Su'si ma ka iyo ji'in o, masu na in kundee nuu o a ja xnda'vi ña'a i.

Efesios 3:12

Te ja maa Cristo ma, te ni ndanune ja kuu jin tu'va sii ini o nuu Su'si ma, te masu nawa jin koyu'u o, vaa ka kandija o ya.

Hebreos 10:19

Chukan kúu ja ndaka ni ja ni ka nduu ni sa'ya Su'si o a, te ja maa niñi Jesucristo ma, te nune ja kuu jin kivi koo o nuu ii xen‑xeen ma.

Hebreos 4:16

Te chukan kúu ja jiniñu'u ja jín kukanu ini o ya, te jín koo o jín tu'va‑ka o nuu núkoo ya ja kúnda'vi ini ña'a ya ma, sukan‑va'a jin ni'i o ja vii ja va'a skuta'vi ña'a ya ma, vaa maa ya kúu iya kúnda'vi ini ña'a, te chindee kunu ña'a ya ora jiniñu'u o a ja chindee ña'a ya ma.