Hebreos 12:7 - New Testament Psalms and Proverbs in Mixtec Magdalena Peñasco

⁷ Jin kanda ni ja ndáka'an‑so'o Su'si ma nuu ni, vaa sukan ndáka'an‑so'o ya nuu ndaka sa'ya ya ma. Vaa ka jini o ja sukan kúu tee ma ji'in sa'ya de ma, ja onde ndáka'an ndákachi de nuu i, te visi na ndonda de nuu i, kovaa sukan, te ko kuu i ñayii va'a.

Hebreos 12:7 ပူးပေါင်းရင်းမြစ်များ

Proverbios 13:24

Ñayii nde'ya ja u'vi sa'a sa'ya i ma te ñatuu na tnu'u xeen kéne'e i nuu suchi ma, sukan‑va'a ndasa'a i kuenda te ma ko sa'a‑ka i ja u'vi ni sa'a i ma chi ñatuu kútoo i sa'ya i ma, kovaa ñayii kútoo sa'ya i ma chi onde luluu suchi ma te jâ iyo tnu'u xeen nuu i ma.

Proverbios 19:18

Ndaka'an‑so'o ni'i ni nuu sa'ya ni ma vitna ja iyo‑ka i ja koniniso'o i tnu'u kuña'a ni ma, te máko ko kasiyu'u ni ja u'vi sa'a i ma, te ko kuu kuechi tna ni ja kûu i ma te skenaa i maa i ma.

Proverbios 22:15

Suchi jaa ma ûni ndikin tna'a xeen i ji'in ja sa'a ndee ini i te sa'a so'o xeen i maa i, kovaa nuna ndaka'an‑so'o o nuu i te skonduu o yutnu xii yata ka'a i chi ndatnii i kuenda te ko kuu i in ñayii va'a.

Proverbios 29:15

Nú nawa ni sa'a sa'ya o ma, te ke'en o i ji'in yutnu xii ma ja ndakani ichi o i ma, chi kutu'va i naxe ko kuu i ñayii ndichi, kovaa nú ndimaa kuji'in o ji'in i chi ndimaa ja kan‑nuu ndakua'a i si'i i ma.

Proverbios 29:17

Ka'an‑so'o ni nuu sa'ya ni ma ja na ku'un kaji ku'un va'a ini i, te sukan, te sa'a i ja ndatatu anua ni te koo sii ini ni.

Hechos 14:22

sukan‑va'a jin chindee de ñayii ni ka kandija tnu'u vii tnu'u va'a maa Jesucristo ma, te jin ndaka'an‑so'o de nuu ñayii ma ja jin kukanu ini va'a i Su'si ma. Te ka jiña'a de: ―‍Jin kona'a ni ja yo'o ja ka ndikin o Su'si o a chi kua'a xeen ja jin ndo'o jin neni o, sana kenda koo o nuu tatnuni Su'si ma ―‍ka kuu de ka jiña'a de.

1 Corintios 11:32

Jín kona'a o ja nú xndo'o xneni ña'a ya vitna ja ka iyo‑ka o ñuu ñayivi a chi ja kúni ya kúu ja jin ndasa'a o kuenda te jin kutu'va o naxe jin ko sa'a jin ko kuu o nuu ya, sukan‑va'a ma jin chunaa o sukan jin chunaa ñayii ñatuu ka kandija sukan ká'an Su'si ma kivi jin ndenda koo o nuu ya ma.