Hebreos 12:6 - New Testament Psalms and Proverbs in Mixtec Magdalena Peñasco

⁶ Vaa Iya Tátnuni ma chi ñayii kútoo ya ma te jâ ni nduu i sa'ya ya ma chi ndaka'an ndakachi ya nuu i, te kua'a ya tnu'u ja ndo'o neni i vala ma, sukan‑va'a ndakani ndaka'vi ini i naxe ko kuu i nuu ya ma.

Hebreos 12:6 ပူးပေါင်းရင်းမြစ်များ

Salmos 119:71

Ja vava'a kúu ja ni xndo'o, ni xneni ña'a ni ma, vaa sukan, te ni jaku'ni ini sa sukan ká'an tnu'u tátnuni ni ma.

Salmos 119:75

Iya Tátnuni, jini sa ja ja va'a ja ndaa ka kuu tnu'u tátnuni ni ma, te maa ni jini nava'a xndo'o xneni ni saña ja jinukuechi sa nuu ni a.

Salmos 94:12

¡Kovaa naka vii naka va'a kúu ñayii ja maa ni ndáka'an‑so'o nuu i ma, vi Iya Tátnuni! Te káxtnu'u ni tnu'u tátnuni ni a nuu i ma.

Proverbios 13:24

Ñayii nde'ya ja u'vi sa'a sa'ya i ma te ñatuu na tnu'u xeen kéne'e i nuu suchi ma, sukan‑va'a ndasa'a i kuenda te ma ko sa'a‑ka i ja u'vi ni sa'a i ma chi ñatuu kútoo i sa'ya i ma, kovaa ñayii kútoo sa'ya i ma chi onde luluu suchi ma te jâ iyo tnu'u xeen nuu i ma.

Proverbios 3:11

Sa'ya maa ri, máko saxiko ro ja ndáka'an so'o ni'i Su'si ma nuu ro ma, te máko ndakiti ini ro ja káxtnu'u ya ja masu va'a‑ni sa'a ro nuu ya ma.

Proverbios 3:12

Vaa Su'si ro Iya Tátnuni ma chi ñayii kútoo ya ma chi ndonda ya nuu i ja ndáka'an so'o ni'i ya nuu i nú masu va'a‑ni sa'a i ma. Vaa sukan sa'a tee ma ji'in sa'ya de ma, ja ndónda de nuu i nú ñatuu sa'a i ja va'a ma, vaa kútoo de i ma.

Santiago 1:12

Vava'a kúu ñayii kánda ora ska'an ña'a tachi ma ja sa'a i ja u'vi ma, vaa nuna kanda i ja masu sa'a i ja u'vi ma chi ni'i i in corona ja koteku i ni‑kani ni‑jika ja ni skuiso Su'si ma ja taa ya nuu yo'o ja ka kutoo o ya.

Santiago 5:11

Yo'o chi jâ ka ndasa'a o kuenda ja vava'a‑ka ka kuu ñayii ka kanda ja ka ndo'o ka neni i ma. Vaa ni ka jiniso'o o sukan ni kanda Job ma ja ni ndo'o ni neni de ma, te ni ka jini o ndaka ja va'a ni ndakua'a Iya Tátnuni ma, vaa iya va'a ini iya nda'vi ini kúu ya.

Apocalipsis 3:19

Vaa ru'u ya chi ndáka'an‑so'o ri nuu ñayii kútoo ri ma na kuechi sa'a i ma, te xndo'o xneni ri i. Chukan kúu ja, va'a‑ka ja ndakani ndaka'vi ini ro te ndakatanuu ña'a ro.