Hebreos 12:5 - New Testament Psalms and Proverbs in Mixtec Magdalena Peñasco

⁵ ¿Te xi jâ ni ka ndunaa ni ndaka ja ndaka'an‑so'o tnu'u Su'si ma nuu o ja ka kuu o sa'ya ya ma? Vaa sa'a ká'an tnu'u maa ya ma: Sa'ya maa sa, máko saxiko ni ja ndáka'an‑so'o Iya Tátnuni ma nuu ni, nú xndo'o xneni ña'a ya ma, te máko xtaya ni ora ndáka'an ya na kuechi ni ma.

Hebreos 12:5 ပူးပေါင်းရင်းမြစ်များ

Salmos 118:18

Ni wa'a ya tnu'u ja ni ndo'o ni neni sa ma, kovaa ñatuu ni wa'a ya tnu'u ja kûu sa.

Salmos 119:109

Vaa ndi‑kivi ndi‑kivi iyo yika sa ja jin ka'ni ña'a i ka kuni i, kovaa masu nde ndunaa sa tnu'u tátnuni ni ma.

Salmos 119:16

Te koo sii ini xeen sa ja ko sa'a sa sukan tátnuni ni ma, te masu ndunaa sa tnu'u maa ni a, vi Su'si.

Salmos 119:67

Nuu ñatuu ndasa'a‑ka sa kuenda ja masu nde jiniñu'u ja sa'a ja kúu sa ma chi kua'a xeen ja masu játna ini ni ma ni yo sa'a sa. Kovaa vitna chi tna'a ja tátnuni ni ma sa'a sa, vaa kándija ña'a sa, vi Su'si.

Salmos 119:75

Iya Tátnuni, jini sa ja ja va'a ja ndaa ka kuu tnu'u tátnuni ni ma, te maa ni jini nava'a xndo'o xneni ni saña ja jinukuechi sa nuu ni a.

Salmos 119:83

Vaa sukan‑nka kaa ñii kiti nuu ñu'u ndute ma ja ni kutnuu kuiti i ja ni kuñu'ma i ma, sukan‑nka ni kaa sa, kovaa masu nde ndunaa sa ja tátnuni ni ma.

Salmos 94:12

¡Kovaa naka vii naka va'a kúu ñayii ja maa ni ndáka'an‑so'o nuu i ma, vi Iya Tátnuni! Te káxtnu'u ni tnu'u tátnuni ni a nuu i ma.

Proverbios 3:1

Sa'ya maa ri, máko ndunaa ro ndaka ja káxtnu'u ri nuu ro a, su'va tava'a onde ini anua ro a, te ku'un ini ro ja ko sa'a ro sukan ká'an tnu'u tátnuni ri a.

Proverbios 4:5

Ûni ku'un ini ro ja kutu'va ro tnu'u ndichi ká'an ri a, te ni'i ini ro naxe ko sa'a ko kuu ro, te máko ndunaa ro ndaka ja ká'an ja káchi ri a, su'va ku'un ini ro ja ko sa'a ro,

Lucas 24:6

Ñatuu na iya iyo ya'a chi ja ni ndateku ya. Jin ndaka'án ni ja sa'a ni ka'an ya nuu iyo‑ka ya ji'in ni ñuu Galilea ma:

Lucas 24:8

Sani te ni ka ndaka'án ña sukan ni ka'an ya ma.

1 Corintios 11:32

Jín kona'a o ja nú xndo'o xneni ña'a ya vitna ja ka iyo‑ka o ñuu ñayivi a chi ja kúni ya kúu ja jin ndasa'a o kuenda te jin kutu'va o naxe jin ko sa'a jin ko kuu o nuu ya, sukan‑va'a ma jin chunaa o sukan jin chunaa ñayii ñatuu ka kandija sukan ká'an Su'si ma kivi jin ndenda koo o nuu ya ma.

Gálatas 6:9

Te máko jin kuita o ja jin sa'a o ja va'a ma, vaa kenda kivi ja jin ndani'i o ja ni skuiso Su'si ma ja taa ya ma, nú ma jin kuita o.

1 Timoteo 1:20

Vaa sukan tna ni ka ndo'o tee kúu Himeneo ma ji'in Alejandro ma. Te chukan kúu ja ni ndakua'a sa de nuu nda'a tachi ma, sukan‑va'a jin kutu'va de ja máko jin ko ka'an ndeva'a‑ka de ja kuu Su'si ma, te máko jin ko sa'a‑ka de ja jin saxiko ñayii ma Su'si ma.

Hebreos 12:7

Jin kanda ni ja ndáka'an‑so'o Su'si ma nuu ni, vaa sukan ndáka'an‑so'o ya nuu ndaka sa'ya ya ma. Vaa ka jini o ja sukan kúu tee ma ji'in sa'ya de ma, ja onde ndáka'an ndákachi de nuu i, te visi na ndonda de nuu i, kovaa sukan, te ko kuu i ñayii va'a.

Hebreos 13:22

Jikan‑ta'vi xen‑xeen sa nuu ni ja ni ka nduu ni sa'ya Su'si o a ja na jin kanda ni jin koniniso'o ni tnu'u ya'a, sukan ndaka'an‑so'o sa nuu ni a, vaa masu kua'a xeen‑ni ni tee sa a.

Santiago 1:12

Vava'a kúu ñayii kánda ora ska'an ña'a tachi ma ja sa'a i ja u'vi ma, vaa nuna kanda i ja masu sa'a i ja u'vi ma chi ni'i i in corona ja koteku i ni‑kani ni‑jika ja ni skuiso Su'si ma ja taa ya nuu yo'o ja ka kutoo o ya.

Apocalipsis 3:19

Vaa ru'u ya chi ndáka'an‑so'o ri nuu ñayii kútoo ri ma na kuechi sa'a i ma, te xndo'o xneni ri i. Chukan kúu ja, va'a‑ka ja ndakani ndaka'vi ini ro te ndakatanuu ña'a ro.