Hebreos 1:9 - New Testament Psalms and Proverbs in Mixtec Magdalena Peñasco

⁹ Ni kutoo ni ja va'a ja ndaa ma, te ni saxiko ni ja u'vi ma. Chukan kúu ja ni ndakaji ña'a maa Su'si ma, te ni chi'i ña'a ya aceite ja na ndusii ini ni, vaa maa ni kanuu‑ka sana ndaka i ma. Sa'a ká'an tnu'u Su'si ma.

Hebreos 1:9 ပူးပေါင်းရင်းမြစ်များ

Salmos 11:5

Iya Tátnuni ma, jitotnuni ya ñayii ka sa'a ja va'a ja ndaa ma nú inundija i ja ka kukanu ini i ya ma. Kovaa ñayii ka sa'a ja u'vi ma te ka jatna ini i ja ka sa'a ndeva'a i ñayii nda'vi ma, onde ini anua ya ma saxiko ya i.

Salmos 119:104

Nuu tnu'u tátnuni ni a ni kutu'va sa tnu'u ndichi ma, te chukan kúu ja saxiko sa ndaka ichi xnda'vi tna'a ñayii ma.

Salmos 119:128

Vaa ûni jatanuu sa ndaka ja tátnuni ni ja sa'a sa ma sana ndaka‑ka ja ka xnda'vi tna'a ñayii ñuu ñayivi a.

Salmos 2:2

Tee ka kuu rey ja ka tatnuni de ndi‑in ndi‑in ñuu ma, ji'in tee ka kuu gobiernu ma, ka ndututu de, te ka ndatnu'u tna'a de ja masu jin kandija de ja ká'an Su'si ma, ji'in ja ká'an Sa'ya ya ni sunkoo ya ja tatnuni ya ma.

Salmos 2:6

Te kuña'a ya: “Saña chi ni satu'va sa Rey sa ma ja tatnuni ya ñuu Sion ma nuu iyo yuku ii ma.”

Salmos 23:5

Yikuu ni satu'va ni ndaka ja kaa sa nuu mesa ma, visi ka nde'ya ña'a ñayii ka kuni u'vi nuu sa ma, te chíso ni ndute jáxiko asi xini sa ma, te xchitu lili ni nuu ñu'u ndute ji'i sa ma.

Salmos 33:5

Vaa maa ya chi játna ini ya ja ndaa ja ndija ma. Te ni‑ka'nu ñuu ñayivi a iyo tnu'u nda'vi ini ya ma.

Salmos 37:28

Vaa Iya Tátnuni ma chi játna ini ya ja jin ko sa'a o ja va'a ja ndaa ma, te nú sukan na jin ko sa'a o ma chi másu xndoo nda'vi ña'a ya chi su'va ni‑kani ni‑jika ko koto va'a ña'a ya. Kovaa ñayii ka sa'a ja u'vi ma chi xnaa ya sa'ya tata i ma.

Salmos 40:8

Te játna ini sa ja sa'a sa sukan kúni maa ni, vi Su'si maa sa, vaa ini anua sa a ñunee tnu'u ni kaxtnu'u ni ma.

Salmos 45:6

Su'si, nuu núkoo ni ja tátnuni ni a chi ni‑kani ni‑jika iyo, te bastón yinda'a ni a chi káxtnu'u i ja sa'a ndaa sa'a ndija ni, vi Su'si.

Salmos 45:7

Ni kutoo ni ja va'a ja ndaa ma, te ni saxiko ni ja u'vi ma. Chukan kúu ja ni ndakaji ña'a maa Su'si ma, te ni chi'i ña'a ya aceite ja ni ndusii ini ni, vaa maa ni kanuu‑ka sana ndaka‑ka i ma.

Salmos 89:20

Ni ni'i sa David ma ja kunukuechi de nuu sa a, te ni chiso sa aceite xini de ja ko kuu de tee tatnuni.

Salmos 89:26

Te maa de ndakune'e ña'a, te sa'a ka'an de: Maa ni kúu yuva sa. Maa ni kúu Su'si sa. Maa ni kúu toto nuu kuu kaku sa.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Lucas 4:18

Maa Xtumani Iya Tátnuni ma iyo siki sa a, vaa ni sa'a siin ña'a ya, sukan‑va'a ki'in sa jin kaxtnu'u sa tnu'u vii tnu'u va'a nuu ñayii ka ndo'o ka neni nuu ja u'vi ma, te ni tetniñu ña'a ya ja kaxtnu'u sa naxe jin ndayaa ñayii ka ndesi va'a ma, te sa'a sa ja jin ndundijin nuu ñayii inukuaa ma, te ndaxsiaa sa ndaka ñayii ka ndo'o ka neni ja sa'a ña'a in‑ka ñayii ma,

Juan 1:41

Andrés ma, sani te ni ndanduku de ñani de Simón ma, te jiña'a de: ―‍Ni ka ndani'i ri Mesías ma ―‍kúu de jiña'a de. Te tnu'u Mesías ma kúni ka'an “Cristo iya ni tetniñu Su'si ma”.

Juan 10:17

’Yuva sa ma, kútoo ña'a ya, kuechi ja kua'a sa tnu'u ja jin ka'ni ña'a i ma, te sana ndateku sa ma.

Juan 20:17

Jesús ma, jiña'a ya: ―‍Máko tnii ña'a ni, vaa ñatuu ndaa‑ka sa nuu iyo Yuva sa ma. Kovaa kuá'an ni, te kuña'a ni ñani sa tee ka ndikin ña'a ma, ja ndaa sa nuu iya kúu Yuva sa ma, iya kúu Yuva ndaka ni ma, iya kúu Su'si sa ma, iya kúu Su'si ndaka tna ni ma ―‍kúu ya jiña'a ya.

Juan 3:34

vaa maa Su'si ma ni tetniñu Sa'ya ya ma. Vaa iya ni tetniñu Su'si ma, ká'an ya ndaka ja tátnuni Su'si ma, vaa Su'si ma chi masu jaku‑ni Xtumani maa ya ma ni wa'a ya Sa'ya ya ma chi ni wa'a ndi'i ni wa'a tu'u ya.

Hechos 10:38

Ja ká'an sa ya kúu ja Jesús nazareno ma, ni wa'a Su'si ma Xtumani Ndios ma ji'in tnu'u ndee tnu'u ndatnu ya ma. Te maa ya chi ni yo sa'a ya ja vii ja va'a ma, te ni yo sa'a ya ja kua'a ñayii ni ka ndayaa nuu nda'a tachi ma, vaa Su'si ma ni yo iyo ji'in ya.

Hechos 4:26

Tee ka kuu rey ma, ji'in tee ka tatnuni ñuu ñayivi a, in‑ni ja ka jani ini de, te ka chutna'a tnu'u de ja ma jin kandija de ja ká'an Iya Tátnuni ma, te ka kuni u'vi de nuu ya, ji'in nuu iya ni kaji Iya Tátnuni ma ja ko kuu ya Cristo iya ni tetniñu Su'si ma. Sa'a ni ka'an David ma.

Hechos 4:27

’Ja ndaa kúu ja Herodes ma ji'in Poncio Pilato ma, ni ka ndatna'a de ini ñuu ya'a ji'in ñayii ka iyo in‑ka ñuu ma, ji'in ñayii Israel ya, te ñatuu ni ka kunimani i nuu Sa'ya ni Jesús iya ii jinukuechi nuu ni a, iya ni kaji ni ja ko kuu ya Cristo ma.

Romanos 12:9

Ja kutoo tna'a o ma kúu ja ûni kutoo tna'a ndija o, te másu ko sa'a‑ni‑nka o. Jín saxiko o ja u'vi ma, te jín kondikin o ja va'a ma.

Romanos 15:13

Te maa Su'si ma na sa'a ja jin kukanu ini o ya ma, te maa ya na sa'a ja jin koo sii ini xeen o te jin koo mani o, ja ka kandija o ya ma, sukan‑va'a ja maa tnu'u ndee tnu'u ndatnu Xtumani Ndios ma, te sa'a ya ja jin kukanu ini xeen‑ka o ja jin ni'i o ja taa ya ma.

1 Corintios 1:9

Vaa Su'si ma chi ja ká'an ya ma chi ûni sa'a ya, te maa ya kúu iya ni ndakana ña'a ja jin ketna'a ini ni ji'in Sa'ya ya Jesucristo iya tátnuni nuu o a.

2 Corintios 11:31

Te maa Su'si, Yuva Jesucristo iya tátnuni nuu o a, iya iyo ja ndachiñu'u o ya ni‑kani ni‑jika ma, jini ya ja masu xnda'vi ña'a sa.

Gálatas 5:22

Kovaa tna'a ja sa'a Xtumani Ndios ma ka kuu: ja kutoo tna'a o ma, ja ndi‑kivi koo sii ini o ma, ja koo mani o ma, ja kava kuee ini o te ma ko kuyachi ini o ma, ja ka'an mani nuu tna'a o ma, ja kava va'a ini o ma, ja kunda'vi ini nuu tna'a o ma, te kukanu ini o Su'si ma,

Efesios 1:3

Jayiñu'u kóo nuu Su'si Yuva Jesucristo iya tátnuni nuu o a. Vaa ja maa Cristo ma, te ni skuta'vi ña'a ya ndaka ja vii ja va'a iyo andivi ma.

Filipenses 2:9

Te chukan kúu ja Su'si ma chi ni wa'a ya jayiñu'u xen‑xeen‑ka Cristo ma sana ndaka‑ka ñayii ma ji'in ndaka‑ka ángel ma, te ni xnani ya Cristo ma iya tátnuni nuu ndaka ja iyo a.

Hebreos 2:11

Vaa maa ya ni sa'a ja ni ka ndusiin o nuu ja u'vi ma. Te yo'o ja ñatuu‑ka na ja u'vi ka sa'a o a chi in‑ni Yuva o ji'in ya. Te chukan kúu ja masu nde kúkan‑nuu ya ja ka'an ya ja ndi‑tna'a ñani o ji'in ya, xi ndi‑tna'a ku'va o ji'in ya.

Hebreos 2:9

Kovaa ka jini o ja Jesús ma kúu iya ni ndo'o ni neni nuu tniñu ndaka o a, te chukan kúu ja ni sa'a Su'si ma ja ángel ma, ni ka nduu i ja ka ndanuu‑ka jaku‑ni kivi sana maa Jesús ma. Te Jesús ma, ni ni'i ya corona ya ma, te ni ni'i ya jayiñu'u ya ma, kuechi ja ni ndo'o ni neni ya ma te ni ji'i ya nuu tniñu ndaka o a. Te sa'a ni sa'a Su'si ma, ja ni kutoo ña'a ya yo'o ma.

Hebreos 7:26

Te Jesús ma kúu sutu tátnuni nuu ndaka‑ka sutu ni ka iyo ma, te iya ya'a kúu iya ka jiniñu'u ndaka o ma. Vaa ni‑in ja u'vi masu sa'a ya, vaa masu nde játna ini ya ja ko sa'a ya ja u'vi ma, te masu nde ndiso kuechi ya, te masu iyo ya ji'in ñayii ka ndiso kuechi ma, vaa sukun‑ka iyo ya sana andivi a.

1 Pedro 1:3

Ja va'a kúu Su'si o ma Yuva Jesucristo iya tátnuni nuu o a, ja sukan nda'vi ini xeen ya ma, te ni sa'a ya ja ni ka ndakâku jaa o. Vaa ka jini o ja ni ndateku maa Jesucristo ma ne'un ñayii ni ka ji'i ma, te sukan, te ka kukanu ini o ja maa ya sa'a ja jin koteku o ni‑kani ni‑jika.

1 Juan 1:3

Te ka kaxtnu'u sa sukan kaa sukan iyo ya ma, te ni ka yo jiniso'o sa ja ni yo ka'an ya ma, te ka kaxtnu'u sa nuu ni a, sukan‑va'a jín ketna'a ini o sukan ka ketna'a ini sa ji'in Yuva o Su'si ma ji'in Sa'ya ya Jesucristo ma.

Apocalipsis 2:15

Te suni wa'a ro tnu'u ja nuu ka iyo ro a ka iyo tna ñayii ka ndikin sukan ka kaxtnu'u ñayii ka kuu nicolaítas ma, tna'a ja ñatuu játna ini ri ma.