Gálatas 5:5 - New Testament Psalms and Proverbs in Mixtec Magdalena Peñasco

⁵ Kovaa yo'o chi ja maa Xtumani Ndios ma, te ka kukanu ini o Su'si ma, te ka ndetu o ja sa'a ya ja ndi‑kivi ndi‑kivi jin ko sa'a o ja va'a ja ndaa ma.

Gálatas 5:5 ပူးပေါင်းရင်းမြစ်များ

Salmos 130:5

Saña chi ni yo ndetu sa Iya Tátnuni ma, vaa anua sa ya chi ni yo ndetu ka'nu kuiti i ya, vaa ni kukanu ini sa ja sa'a ya sukan ká'an tnu'u maa ya ma.

Salmos 25:3

Ja ndandaa kúu ja ndaka ñayii ka kukanu ini ña'a i maa ni ma chi másu jin tna'a i ja kan‑nuu, kovaa jin ndatna'a maa ñayii ñatuu ka kandija ja ká'an ni ma ja kan‑nuu.

Salmos 25:5

Kaxtnu'u ni naxe sa'a sa ja ndaa ma, vaa maa ni kúu Su'si sa, iya sa'a ja kaku sa nuu ja u'vi ma, te maa in‑ni ni kúkanu ini sa ndaka kivi ndaka ora.

Salmos 62:5

Kovaa saña chi nuu Su'si ma‑ni kúu nuu kuu ndatatu ini anua sa ya, vaa nuu maa ya kúkanu ini sa.

Romanos 5:21

Visi ni kundee ja u'vi ma ja jin kûu ñayii ma, kovaa maa Su'si ma, ni kundee ya, vaa ni kunda'vi ini ña'a ya ma, te ja maa Jesucristo iya tátnuni nuu o a, te ni skuta'vi ña'a ya ja vii ja va'a, sukan‑va'a jin ko kuu o ñayii jin ko sa'a ja va'a ja ndaa te jin koteku o ni‑kani ni‑jika.

1 Corintios 1:7

Te sa'a ni skuta'vi ña'a Su'si ma ndaka, sukan‑va'a ñatuu nawa ko ka'ni‑ka ña'a i, nani ka ndetu o ja ndenda Jesucristo iya tátnuni nuu o a.

Efesios 2:18

Vaa ja maa Cristo ma, te ndijin ji'in saña, kuu jin kenda koo o nuu Yuva o Su'si ma, ja maa Xtumani maa ya ma.

Filipenses 3:9

Te vitna ja ni ndatna'a sa ji'in Cristo o ya, te jini sa ja tnu'u ni tatnuni Moisés ma, masu ni chindee ña'a i ja ko sa'a sa ja va'a ja ndaa nuu Su'si ma. Kovaa vitna ja kukanu ini sa Cristo o a, te maa Su'si ma sa'a ja kuu sa'a sa ja va'a ja ndaa sukan kúni ya a, vaa kándija sa ya.

1 Tesalonicenses 1:10

Suni ka ndakani i sukan ka kukanu ini ni Jesús ma, Sa'ya Su'si ma, iya ni ji'i te ni ndateku ya ma, te ka ndetu ka ndetu ni ja ndii ya onde andivi ma. Te maa ya sa'a ja jin kaku o nuu tnundo'o tnuneni iyo ja kenda ma.

2 Tesalonicenses 3:5

Te maa Iya Tátnuni ma káxtnu'u ja ni‑yu'u ni‑ini ni jin kutoo tna'a ni sukan kútoo ña'a Su'si ma, te jin kava kuee ini ni sukan kuee ini Cristo ma.

2 Timoteo 4:8

Te vitna chi ja iyo tu'va corona iyo ja kuta'vi sa nuu Iya Tátnuni ma, vaa ni sa'a sa ja va'a ja ndaa nuu ya ma. Vaa maa ya chi iya sa'a ndandaa kúu ya, te sukan sa'a ndandaa ya kivi ndakan ya kuenda nuu ndaka ñayii ma. Te masu nuu maa in‑ni sa skuta'vi ña'a ya corona ma chi nuu ndaka tna ni ja ka sa'a ni ja va'a ja ndaa nuu ya ma te ka ndetu ni kivi ndenda ya ma.

Tito 2:13

Te jín kondetu o ja kenda kivi ja ndenda Su'si o Jesucristo ma, iya kanuu xen‑xeen ma, iya ni ndene'e ña'a nuu ja u'vi ma, te jin kuni o jayiñu'u ya ma, te jin kusii ini xen‑xeen o.