Gálatas 5:17 - New Testament Psalms and Proverbs in Mixtec Magdalena Peñasco

¹⁷ Vaa ja játna ini yikikuñu o ma kúu ja ñatuu játna ini Xtumani Ndios ma ja sa'a o ma. Te ja játna ini Xtumani Ndios ma kúu ja ñatuu játna ini yikikuñu o ma ja sa'a o ma. Te ndi‑in ndi‑in i ka ja'nu ndee, te chukan kúu ja masu kúu sa'a o naxe kúni maa o ma.

Gálatas 5:17 ပူးပေါင်းရင်းမြစ်များ

Salmos 119:133

Te ndaskaka va'a ña'a ni ichi maa ni a, te kó sa'a sa sukan ká'an tnu'u maa ni a, te ni‑in ja u'vi kundee tatnuni nuu sa a.

Salmos 119:159

Iya Tátnuni, konde'ya maa ni ja saña chi kútoo sa ndaka sukan ká'an tnu'u tátnuni ni ma, te ja sukan kútoo ña'a maa ni ma, te sa'a ni ja koteku sa.

Salmos 119:176

Vaa saña chi kua'an vee sa kúu sa. Sukan kúu in ndikachi ni ski'in maa ti kúu sa. Te ndanduku ña'a ni ja kúu sa ñayii jinukuechi nuu ni a, vi Su'si, vaa ñatuu nde ndúnaa sa sukan ká'an tnu'u tátnuni ni ma.

Salmos 119:20

Ûni nii nduu ma kúxii ini sa nava'a ñatuu kuu sa'a sa sukan tátnuni ni ma.

Salmos 119:32

Te na koo ñama sa ja ko sa'a sa sukan tátnuni ni ma, vaa ni sa'a ni ja kua'a xeen‑ka ja jáku'ni ini sa, vi Su'si.

Salmos 119:35

Te skaka ña'a ni ichi va'a ma ichi nuu kuu jaku'ni ini sa sukan kúni ni ja ko sa'a ko kuu sa ma, vaa ja kúu ini sa kúu ja ko sa'a sa ndaka sukan tátnuni ni ma.

Salmos 119:40

Vaa jini maa ni ja kúu ini sa ja sa'a sa sukan tátnuni ni ma, sa'a ni ja koteku sa, vaa iya sa'a ndaa kúu ni, vi Su'si.

Salmos 130:3

Nute ndijin ma, vi Su'si, te ndakan ni kuenda nuu ndaka sa ja u'vi ni ka yo sa'a sa ma chi masu na in kundee ini ja konukuiñi i nuu ni ma te ka'an i ja masu na kuechi i ma, vi Su'si.

Salmos 65:3

Chi vaa maa ni chi ni sakanu ini ña'a ni ndaka ja u'vi ni ka yo sa'a, ni ka yo kuu sa ma, vaa ni yo kundee maa ja u'vi ma ni yo tatnuni i nuu sa ma.

Mateo 12:30

’Chukan kúu ja nú na in ñatuu iyo ji'in sa chi ñatuu kúnimani i nuu sa, te nú na in ñatuu ndáxtutu ji'in sa, chi su'va jatenuu i.

Mateo 16:17

Sani te ni ndakone'e Jesús ma: ―‍Vava'a kendoo ni, Simón sa'ya Jonás, vaa masu in ñayii ni kaxtnu'u tnu'u ya'a nuu ni a, su'va Yuva sa iya iyo andivi ma ni kaxtnu'u nuu ni a na in kúu sa.

Mateo 16:23

Kovaa Jesús ma, ni ndakonenuu ya, te jiña'a ya Pedro ma: ―‍¡Kuán ndiyo ni nuu sa, vaa sukan kúu tachi ma kúu ni! Vaa ja'nu ndee ni ja sa'a sa sukan játna ini Su'si ma. Ndijin chi masu jani ini ni sukan jani ini Su'si ma chi ja ka jani ini ñayii a‑ni jani ini ni ―‍kúu ya jiña'a ya.

Mateo 26:41

Chukan kúu ja jin kondito ni, te jin ku'un vii jin ku'un va'a ini ni naxe jin ko kuu ni, te jin kakan‑ta'vi ni nuu Su'si ma, sukan‑va'a má ska'an ña'a tachi ma ja jin sa'a ni ja u'vi ma. Ka jani va'a ini ni, kovaa yikikuñu ni a chi vita xeen i ―‍kúu ya jiña'a ya.

Mateo 5:6

’Vava'a jin kendoo ñayii ni‑yu'u ni‑ini i ka ndanduku i ja va'a ja ndaa tátnuni Su'si ma ja jin ko sa'a i ma, vaa jin ni'i ndija i ja ka jiniñu'u anua i ma.

Lucas 22:33

Simón ma, jiña'a de: ―‍Señor, iyo sa ja ki'in sa ji'in ni onde vekaa ma te visi na kûu sa ji'in ni ―‍kúu Simón ma jiña'a de.

Lucas 22:46

Te jiña'a ya: ―‍¿Nava'a ka kixi ni? Jin ndakoo ni, te jin kakan‑ta'vi ni, sukan‑va'a ma ska'an ña'a tachi ma ja jin sa'a ni ja u'vi ma ―‍kúu ya jiña'a ya.

Juan 3:6

Ñayii ni kâku nuu si'i i ma chi yikikuñu‑ni kúu i. Kovaa ñayii ni ndakâku jaa ja sa'a Xtumani Ndios ma, ni ndujaa anua i ma nuu Su'si ma.

Romanos 8:13

Vaa nú ka sa'a o sukan játna ini yikikuñu o a chi jin kûu o, kovaa nú ja maa Xtumani Ndios ma te jâ ni ka xndoo o sukan játna ini yikikuñu o a chi jin koteku o.

Gálatas 3:21

¿Te nú sukan, tnu'u ni tatnuni Moisés ma, siin kúu i, te siin kúu tnu'u ni skuiso Su'si ma nuu Abraham ma? ¡Ña'a kuiti! Vaa nute maa in‑ni tnu'u ni tatnuni Moisés ma, te kundee i sa'a i ja jin ndani'i ta'vi o nuu Su'si ma chi kuu jin ka'an o ja maa tnu'u ni tatnuni Moisés ma, te jin nduu o ñayii jin ko sa'a ja va'a ja ndaa ndija ma.

Santiago 3:2

Vaa ndaka o chi kua'a xeen jichi ka sa'a o ja masu játna ini Su'si ma. Nú na in ñatuu ká'an ni‑in tnu'u ndeva'a ja masu játna ini Su'si ma, te ñayii ya'a chi in ñayii sa'a ja va'a ja ndaa kúu i, te iyo i ja kundee i chitna'nu i ni‑ka'nu yikikuñu i ma.