Filipenses 3:1 - New Testament Psalms and Proverbs in Mixtec Magdalena Peñasco

¹ Te chukan kúu ja ndijin ja ni ka nduu ni sa'ya Su'si o a, jin koo sii ini ni nuu Iya Tátnuni ma. Vaa saña chi masu kuñaña sa ja suni maa i tée sa nuu tutu tetniñu sa nuu ni a, vaa cha'a kúu ja ka jiniñu'u ni.

Filipenses 3:1 ပူးပေါင်းရင်းမြစ်များ

Salmos 149:2

Jin ndusii ini ni, ñayii ñuu Israel ja ka kuu ni ñayii ñuu Sion a, vaa maa ya ni sa'a ña'a, te maa ya kúu Rey ni.

Salmos 32:11

Jin koo sii ini ni nuu Iya Tátnuni ma, te jin koo sii ini xeen ni, ja ka kuu ni ñayii ka sa'a ja va'a ja ndaa ma, te jin kata ndaka ni, ja ka kuu ni ñayii ka iyo ndaa ini anua ni a nuu Su'si ma.

Salmos 33:1

Ndaka ni ja ka sa'a ni ja va'a ja ndaa ma, jin kata sii ini ni nuu Iya Tátnuni ma. Ndaka ni ja ni‑yu'u ni‑ini ni ka sa'a ni ja va'a ma, jin kona'a ni ja ja vii ja va'a kúu ja jin ndachiñu'u ni ya ma.

Salmos 37:4

Te koo sii ini ni ja iyo ni ji'in Iya Tátnuni ma, te maa ya taa ndaka nawa jikan‑ta'vi ni nuu ya ma, ndaka ja ñu'u ini ni ja sa'a ni ma.

Salmos 42:4

Te núkoo núku'un sa, te ndákani ndáka'vi ini sa, te ndáka'án sa naxe ni yo skaka sa kua'a xeen ñayii ma onde ni ka yo kenda koo sa ini ve'e Su'si ma, te ka kayu'u sa ka jita sa ja ka ndachiñu'u sa Su'si ma, te ûni viko ka'nu xeen ni ka yo sa'a sa.

Salmos 5:11

Kovaa jín koo sii ini xeen ndaka ñayii ka kukanu ini ña'a ja maa ni ko koto i ma, te ndimaa jín kata sii ini xen‑xeen i, vaa maa ni jito va'a i ma. Ndaka ñayii ka kutoo ña'a i maa ni ma, na jin koo sii ini xen‑xeen i, vaa iyo ni ji'in i ma.

Salmos 97:1

Su'si ma kúu iya tátnuni nuu o a. Jin ndusii ini ndaka ni ja ka iyo ni nuu ñu'ú a, ji'in ndaka ni ja ka iyo ni yu'u mar ma.

Mateo 5:12

Jin kusii ini ni, te jin kutachi ni, vaa iyo ja ka'nu ka'nu ja jin kuta'vi ni ja iyo i onde andivi ma, te jin kona'a ni ja sukan ka sondikin ña'a ñayii a, sukan ni ka yo sondikin i tee ni ka yo ndakaxtnu'u tnu'u ni yo wa'a Su'si ma, tee ni ka yo iyo onde xi'na‑ka ma.

Lucas 1:47

te ini anua sa a kúsii ini nuu iya sa'a ja ndáni'i ta'vi sa a,

Romanos 5:11

Te masu yika‑ni ja cha'a‑ni chi suni ka kutachi o ja ka iyo o nuu Su'si ma ja maa Jesucristo iya tátnuni nuu o ma, vaa ja maa Jesucristo ma, te ni ka ndumani o ji'in Su'si ma vitna.

2 Corintios 13:11

Te chukan kúu ja ndijin ja ni ka nduu o sa'ya Su'si ma, jin koo sii ini ni, te jin koo va'a‑ka ni nuu Su'si ma, te jin ndaka'an‑mani tna'a ni, te in‑ni ja jin kani ini ni, te jin koo mani ni. Te maa Su'si iya kútoo ña'a ma iya sa'a ja jin koo mani o ma, koo ya ji'in ni.

Efesios 6:10

Chukan kúu ja ndijin ja ni ka nduu tna ni sa'ya Su'si ma, jin kukanu ini vava'a ni iya tátnuni nuu o a, sukan‑va'a chindee chituu ña'a ya, te jin ni'i ni tnu'u ndee tnu'u ndatnu maa ya ma.

Filipenses 3:3

Vaa masu nde jiniñu'u ndaka chukan ja jin ko sa'a o, vaa yo'o ndija ka kuu ñayii ka yitnuni nuu Su'si ma, ndaka yo'o ja ni‑yu'u ni‑ini o ka jinukuechi o nuu Su'si ma te ka kusii ini o nuu Cristo Jesús ma. Vaa masu nde ka kukanu ini o ja ka chitnuni ñayii ma yikikuñu i ma sana kuu jin koo va'a o nuu Su'si ma.

Filipenses 4:4

Ndimaa jín koo sii ini o nuu iya tátnuni nuu o a. In‑ka jichi ká'an sa ja jín koo sii ini o nuu ya.

Filipenses 4:8

Chukan kúu ja ndijin ja ni ka nduu ni sa'ya Su'si o a, jin kani ini ni sukan ka kuu ñayii ka sa'a ja ndaa ndija ma, ji'in ñayii ka sa'a ja va'a ja ndaa ma, ji'in ñayii in‑ni ja ka jani ini i ma, ji'in ñayii ka ka'an vii ka ka'an mani ma, ji'in ñayii ka ka'an vii ka ka'an va'a ñayii ma ja jin kuu i ma, ji'in ñayii ka sa'a ndaka ja va'a ja sa'a ja jin koo jayiñu'u i ma, te sukan jin ko kuu tna ni.

1 Tesalonicenses 4:1

Ndijin ja ni ka nduu o sa'ya Su'si o a, vivii ni ka kutu'va ni ja ni ka kaxtnu'u sa naxe jin ko sa'a jin ko kuu ni sukan játna ini Su'si ma. Te sukan jâ ka sa'a ni. Te ja maa Jesús Iya Tátnuni ma ka jikan‑ta'vi sa te ka ndaka'an‑so'o sa nuu ni ja sukan jin ko sa'a‑ka ni.

1 Tesalonicenses 5:16

Ndimaa jin koo sii ini ni.

Santiago 1:2

Ndijin ja ni ka nduu o sa'ya Su'si o a, jin koo sii ini xeen ni ndeva'a‑ni naxe ka ndo'o ka neni ni.

1 Pedro 3:8

Sani te in‑ni ja jin kani ini ndaka ni, te jin kutoo tna'a ndi‑in ndi‑in ni, te jin kunda'vi ini nuu tna'a ni, te jin ketna'a ini ni.

1 Pedro 4:13

Su'va jín koo sii ini o ja ka ndo'o ka neni o sukan ni ndo'o maa Cristo ma, sukan‑va'a kivi jin kuni o jayiñu'u maa Cristo ma, te jin koo sii ini xeen‑ka o.

2 Pedro 3:1

Ndijin ja kútoo ña'a sa, cha'a kúu ja ku‑uu carta tée sa nuu ni, te nduu carta a chi ndimaa ndáka'an‑so'o ndáka'an‑so'o sa nuu ni, sukan‑va'a vivii jin jaku'ni ini ni, te jin kona'a ni nawa jin sa'a ni,