Efesios 5:7 - New Testament Psalms and Proverbs in Mixtec Magdalena Peñasco

⁷ Te másu ko jin sa'a ni sukan ka sa'a ñayii yukan ma.

Efesios 5:7 ပူးပေါင်းရင်းမြစ်များ

Salmos 50:18

Te nú jini ni ñayii sakui'na ma chi jinu ni kua'an ni sakui'na ni ji'in i, te suni kétna'a ini ni ji'in ñayii ka kivi nduu ji'in in‑ka ñayii masu ni tnanda'a ji'in i ma.

Proverbios 13:20

Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Proverbios 9:6

Jin xndoo ni ja ka kuneé ka ku‑uun ni a te jin koteku ni te jin kondikin ni jin ko sa'a ni sukan ká'an tnu'u ndichi ma”, ka kuu i ka jiña'a i.

2 Corintios 6:14

Jin kona'a ni ja másu ko jin tnanda'a ni ji'in ñayii ñatuu ka kandija Su'si ma, vaa masu chindee ña'a i ja jin koo va'a ni nuu Su'si ma. ¿Xi inuu kúu nuu tnuu ñu'u ma ji'in nuu nee ma?

Efesios 3:6

Vaa ñayii masu judío ka kuu i ma, jin ndani'i ta'vi tna i, te jin ni'i tna i ja ni skuiso Su'si ma, te in‑ni ñayii jin ko kuu i ji'in ñayii judío ma, te ja maa tnu'u vii tnu'u va'a Cristo Jesús ma, te jin ni'i tna ni ndaka ja ni skuiso Su'si ma.

Efesios 5:11

Te másu ko jin ko sa'a ni ja ka sa'a ñayii ka iyo nee janitnuni i ma, vaa masu nde jiniñu'u ja ka sa'a i ma. Su'va jin ndaka'an‑so'o ni nuu i.

1 Timoteo 5:22

Te máko sonee ni nda'a ni a siki in ñayii ma ja sacargu ni i na tniñu ko sa'a i nuu Su'si ma, nú ñatuu jini ni naxe ko sa'a ko kuu i ma, nasa yukan, te sa'a i ja u'vi ma, te ko kuiso kuechi tna ni ja ni sa'a i ma. Su'va ko ndi ini ni ja koo vii koo va'a ni nuu Su'si ma.

Apocalipsis 18:4

Te ni jiniso'o sa in‑ka ja ká'an onde andivi ma: ―‍Nde koo ni ñuu jiña, sa'ya maa sa, sukan‑va'a ma jin sa'a‑ka ni ja u'vi sukan sa'a ña'a ma, sukan‑va'a ma jin ndo'o ni kue'e ndo'o ña ma.