Efesios 4:28 - New Testament Psalms and Proverbs in Mixtec Magdalena Peñasco

²⁸ Chi nú nde ni ni yo sakui'na nuu ñatuu jin kuni‑ka ni tnu'u Su'si ma, te máko sakui'na‑ka ni, su'va satniñu va'a ni ji'in nda'a ni a, sukan‑va'a ni'i ni nawa chindee ni ñayii nda'vi ka jiniñu'u ma.

Efesios 4:28 ပူးပေါင်းရင်းမြစ်များ

Proverbios 13:11

Ñayii xnda'vi in‑ka ñayii ma te kúxiku i ma chi masu kunitnuni i te ndi'i xu'un i ma, kovaa ñayii satniñu ji'in nda'a i te kúu tava'a i xu'un i ma chi ndi‑vala ndi‑vala te kukua'a‑ka.

Proverbios 14:23

Ndaka ja ndó'o néni o ja satniñu o ma chi ñatuu jan naa, vaa ko ni'i ko tna'a o, kovaa ñayii yika‑ni ja ká'an ká'an‑ni i nawa jani ini i ja sa'a i ma te ñatuu sa'a i ma chi ko kunda'vi ko kukee i.

Proverbios 21:26

Ka iyo ñayii ja nii nduu ma ka ndiyo ini i ja jin ni'i i ja jin kuu maa i, kovaa ñayii sa'a ja va'a ja ndaa ma chi sii ini‑ni wa'a i nawa ka jiniñu'u ñayii ka kunda'vi ka kukee ma.

Proverbios 28:13

Ñayii ñatuu ndáka'an ja u'vi ni sa'a i ma nuu Su'si ma ja ndasakanu ini ña'a ya ma chi masu kee va'a i, kovaa ñayii ndáka'an ndákachi ja u'vi ni sa'a i ma nuu Su'si ma te ndákani ndáka'vi ini i te xndoo i ichi u'vi ni yo jika i ma chi sakanu ini ña'a Su'si ma.

Proverbios 30:9

Vaa nuna ko ni'i ko tna'a sa ma chi nasa yukan, te ndunaa ña'a sa te ka'an sa ja masu jini ña'a sa, te nuna ko kunda'vi ko kukee sa ma chi nasa yukan, te sakui'na sa, te ja kuechi sa te jin ka'an ndeva'a ñayii ma ja kuu ni, vi Su'si.

Proverbios 31:20

Te ndimaa chíndee ña ñayii ka kunda'vi ka kukee ma nawa ka jiniñu'u i ma.

Lucas 19:8

Zaqueo ma, ni ndokuiñi de, te jiña'a de nuu Iya Tátnuni ma: ―‍Jini ni, Señor, ndakua'a sa ñayii nda'vi ma sava ja neva'a sa a. Te nú na in xi‑nuu ni sakui'na sa, te ndakua'a sa kuun jichi‑ka ―‍kúu de jiña'a de.

Lucas 3:8

Jin ko sa'a ni ja va'a, sukan‑va'a kona'a ndija ja ni ka ndakani, ni ka ndaka'vi ini ni te ni ka ndakokuiñi ni nuu Su'si ma. Te másu ko jin ka'an ni: “¡Yo'o chi jin ndani'i ta'vi o, vaa sa'ya tata Abraham ma ka kuu o!” Vaa ja ndaa ká'an sa ja visi yuu ya'a chi kuu ndasa'a Su'si ma sa'ya tata Abraham ma.

Juan 12:6

Kovaa Judas ma, masu ni ka'an de sukan kuechi ja ndí ini de ja jin kuu ñayii ka kunda'vi ma chi su'va kuechi ja kui'na de ma, chi vaa suu de kúcargu bolsa ñu'u xu'un ma, te ni yo sakui'na de ja ñu'u nuu bolsa ma.

Juan 13:29

vaa Judas ma kúu tee kúcargu nuu ñu'u xu'un ma. Te jaku de ka jani ini ja Jesús ma, jiña'a ya ja jín kuaan de jaku ja jin kuatniñu de ja ko kuu viko ma, xi ja kua'a de jaku nuu ñayii ka kunda'vi ma.

Romanos 12:13

Jín kua'a o nawa ka neva'a o ma nuu tna'a o ñayii ka jiniñu'u ma. Jín kuanuu o ve'e o ma ñayii ka jiniñu'u ja jin ndoo i ma.

1 Corintios 4:12

Te ni ka kuita sa ja ka satniñu sa ji'in nda'a sa a sana ka teku sa. Te ka ka'an u'vi ñayii a ja jin kuu sa, kovaa maa sa chi ka ka'an va'a sa ja jin kuu i. Te visi ka sondikin ña'a i, kovaa ka kanda sa.

2 Corintios 8:12

Vaa nú ni‑yu'u ni‑ini o kua'a o nawa neva'a o ma chi kuan‑ta'vi Su'si ma. Vaa Su'si ma chi masu jikan ya in ja masu kundee o kua'a o ma.

2 Corintios 8:2

Vaa tna'a o yukan chi visi ka ndo'o ka neni i, kovaa ka iyo sii ini xeen i nuu Su'si o a. Vaa visi ka kunda'vi i ka kukee tna i ma, kovaa vivii ni ka ketna'a ini i, te kua'a xeen ja ni ka xtutu i kuenda tnu'u ja xiku ka kuu i, te ni ka tetniñu i nuu ñayii ni ka nduu sa'ya Su'si ma ja ka kunda'vi‑ka i ma.

Gálatas 6:10

Te chukan kúu ja ndaka jichi ja iyo ja kuu jin sa'a o ja va'a ma, te jín sa'a o ja va'a nuu ndaka ñayii ma, kovaa ñukuun‑ka jín sa'a o ja va'a ma ja jin kuu tna'a o ñayii ni ka nduu ji'in o sa'ya Su'si ma.

1 Timoteo 6:18

Chukan kúu ja ñayii ka kuxiku ma, jín ko sa'a i ja va'a ma, sukan‑va'a jín ko kuxiku i nuu Su'si ma, te tna'a ja vii ja va'a ka sa'a i nuu ya ma, te máko jin ndatna‑u'vi ini i nawa ni ka chindee i ñayii ka jiniñu'u ma.

Tito 3:14

te sukan, te jin kutu'va tna tna'a o a ja jin sa'a i ja va'a te jin chindee i ñayii ka jiniñu'u ma, sukan‑va'a jin ko kuu i ñayii kuatniñu ña'a Su'si ma.

Tito 3:8

Tnu'u ndaa tnu'u ndija kúu cha'a, te kúni sa ja ni‑yu'u ni‑ini ni ka'an ni nuu ndaka ñayii ni ka kandija Su'si ma, sukan‑va'a ndaka i, te jin ko ndi ini i ja jin sa'a i ja va'a ja jin kuu ndaka ñayii ma. Nuna jin sa'a o sa'a chi ja va'a kúu, vaa chíndee o ñayii ma, te játna ini Su'si ma.