Efesios 4:26 - New Testament Psalms and Proverbs in Mixtec Magdalena Peñasco

²⁶ Nú ve jin ndakiti ini ni, kovaa másu ko jin kua'a ni tnu'u ja jin ko sa'a ni ni‑in ja u'vi ja sa'a ja jin kuiso kuechi ni, ni másu ko jin kua'a ni tnu'u ja jin ko ndakiti ini ni in nduu kuiti ma,

Efesios 4:26 ပူးပေါင်းရင်းမြစ်များ

Salmos 37:8

Máko kua'a ni tnu'u ja ko ndakiti ini ni, su'va xnaa ni ndaka chukan ini anua ni a. Vaa nuna ndakiti ini ni ma chi ka'vi‑ka ko kuu.

Salmos 4:4

Jin koyu'u ni ya, te má jin kua'a ni tnu'u ja jin ndakiti ini ni, nasa yukan, te jin kuiso kuechi ni nuu Su'si ma. Te ora ka ndatuu ni ka ndatatu ni jakuaa ma, te na'ñi na'ñi‑nka iyo ma, te jin ndasa'a ni kuenda, te jin ndakani jin ndaka'vi ini ni nuu Su'si ma.

Proverbios 14:29

Ñayii kuee ndákiti ini ma chi ja ni jaku'ni xeen ini i kúu, kovaa ñayii yachi‑ni ndákiti ini ma chi káxtnu'u i ja in ñayii so'o kúu i.

Proverbios 19:11

Ñayii ndichi te ndasa'a i kuenda ma chi kutu'va i ja kava kuee ini i, te jayiñu'u i kúu ja ni sakanu ini i ja u'vi ni sa'a ña'a in‑ka ñayii ma.

Proverbios 25:23

Ora yi'i tachi ma ichi ninu ma te sa'a i ja kúun savi ma, te sukan kúu ji'in ñayii nde'ya kini ña'a ma, vaa sani te ká'an kini ká'an ndeva'a i nuu o ma.

Mateo 5:22

Kovaa saña chi ká'an sa ja nú na in na ndakiti ini nuu tna'a i ma, suni kuiso kuechi tna i te ndakan Su'si ma kuenda nuu i. Te nú na in jani ini ja maa i kúu‑ka ma te kuña'a i nuu tna'a i ma ja masu nde jiniñu'u ñayii yukan ma, te jâ ni jiso kuechi i te ndakua'a i kuenda nuu Su'si ma kivi ndenda i nuu núkoo ya ja ka'nde ya tniñu ñayii ma. Te ñayii ûni ká'an u'vi nuu in‑ka ñayii ma, jâ iyo i ja ki'in i nuu andeya ma ja ndachunaa i ja ni sa'a i ma.

Marcos 10:14

Te ni jini Jesús ma sukan ka sa'a de ma, te ni ndakiti ini ya, te jiña'a ya: ―‍Jin kua'a ni tnu'u, te kí koo maa suchi kuechi a, te máko jin ka'nu ndee ni, chi vaa sukan ka jani vii ka jani va'a ini suchi kuechi a, sukan jiniñu'u ja jin ko kuu ñayii jin kivi koo nuu tatnuni Su'si ma.

Marcos 3:5

Jesús ma chi nde'ya ya, te ni ndakiti ini ya nuu tee ka iyo ma. Te ni kuxii ini ya, ja ñatuu ka kuni de ja jin jaku'ni ini de ma. Te jiña'a ya tee ni yichi nda'a ma: ―‍Ndaskuili ni nda'a ni a ―‍kúu ya jiña'a ya. Te tee yukan chi ni ndaskuili de nda'a de ma, te ni nduva'a.

Santiago 1:19

Chukan kúu ja kútoo ña'a maa sa, ndijin ja ni ka nduu o sa'ya Su'si o a, te jin koo ñama ni ja jin koniniso'o ni, te jin kava kuee ini ni ora jin ka'an ni ma, te má jin ndakiti yachi ini ni.

Santiago 1:20

Vaa nú ka ndakiti ini o ma, masu ka sa'a o ja kúni Su'si ma.