Efesios 2:17 - New Testament Psalms and Proverbs in Mixtec Magdalena Peñasco

¹⁷ Te ni kii ya, te ni kaxtnu'u ya tnu'u vii tnu'u va'a ya ma nuu ni, ja ka iyo jika‑ka ni nuu ya ma, ji'in nuu sa, ja ka iyo yatni‑ka sa nuu ya ma, sukan‑va'a jin koo mani ndaka o ji'in ya ma.

Efesios 2:17 ပူးပေါင်းရင်းမြစ်များ

Salmos 148:14

Vaa maa ya ni wa'a tnu'u ndee tnu'u ndatnu ya ma nuu ñayii kúu ñuu ya ma. Chukan kúu ja na jin ndachiñu'u ndaka ñayii ñatuu na ja u'vi‑ka ka sa'a i ma maa in‑ni Su'si o ma. Ndaka ñayii ñuu Israel ma, ja ka kuu i ñuu maa ya ma, te ka iyo yatni i ji'in ya ma, na jin ndachiñu'u i ya. ¡Aleluya! ¡Jayiñu'u kóo nuu maa Iya Tátnuni ma!

Salmos 75:1

Su'si, ka ndakuan‑ta'vi xeen sa nuu ni, vaa iyo yatni ni nuu ka iyo sa ya, te ndaka ñayii ma ka ndaka'an ndaka ja vii ja va'a sa'a ni ma.

Salmos 85:10

Tnu'u nda'vi ini ma ji'in tnu'u ndaa ma, ni ka ndatna'a i. Tnu'u va'a tnu'u ndaa ma ji'in tnu'u kuee ma, ni ka ketna'a ini i.

Mateo 10:13

Te nú ñayii ka iyo ve'e yukan, ka iyo i ja kuu koo tnu'u mani ma ji'in i, te kéndoo tnu'u mani ma ji'in i, te nú ña'a, te ndákokuiñi tnu'u mani yukan, te jin nduta'vi maa ni.

Lucas 15:8

’Xi nde in ña'a ja neva'a ña uxi xu'un te ski'in ña in xu'un ña ma, ká'an sa ja xndu'va ña in ñu'u, te ndaxtaa ña ve'e ña ma, te ndanduku vivii ña onde ndani'i ña.

Lucas 2:14

¡Jayiñu'u kóo nuu Su'si ma onde sukun ma! ¡Te nuu ñu'ú a jín koo mani ñayii kunimani maa Su'si ma!

Hechos 10:36

Te maa Su'si ma, ni tetniñu ya tee ja jin kaxtnu'u de tnu'u vii tnu'u va'a maa ya ma nuu ñayii Israel ma, sukan‑va'a jin kuni i ja maa Jesucristo ma kúu iya tátnuni nuu ndaka o a, te ni sa'a ya ja jin koo va'a jin koo mani ndaka o nuu Su'si ma.

Hechos 2:39

Vaa tna'a ja ni skuiso ya ma chi ndaka ni jin ni'i, ji'in sa'ya ni ma, ji'in ndaka ñayii ka iyo jika‑ka ma, ndaka i ja kúni maa Su'si iya tátnuni nuu o ma ja ndakana ya i ―‍kúu de jiña'a de.

Romanos 10:14

¿Te naxe jin ndakune'e i ya, nú ñatuu jin kukanu ini‑ka i ya? ¿Te naxe jin kukanu ini i ya, nú ñatuu jin kuniso'o‑ka i na in kúu ya? ¿Te naxe jin kuniso'o i, nú ñatuu na in káxtnu'u?

Romanos 5:1

Ja ni ka kukanu ini o Su'si ma, te ni ndasandaa ni ndasandija ña'a ya, te ja maa Jesucristo iya tátnuni nuu o a, te ni sa'a ya ja jin koo mani o ji'in Su'si ma.

2 Corintios 5:20

Chukan kúu ja saña chi maa Su'si ma ni tetniñu ña'a, te ja maa Cristo ma, te jin ndakaxtnu'u sa sukan ndaka'an‑mani ña'a ya ma. Te vitna, te ka ka'an ka ka'an sa nuu ni ja maa Cristo ma, te jin ndumani ni ji'in Su'si ma, te jin kona'a ni ja maa Su'si ma ká'an ká'an ja sa'a jin sa'a ni, visi saña ka ka'an ya.

Efesios 4:21

Te nú ja ndaa ja ni ka jiniso'o ni tnu'u ni ka'an sa ja ni ka'an ya ma, te ni ka kutu'va ni sukan ni kaxtnu'u maa ya ma, vaa ndaka tnu'u ni kaxtnu'u ya ma chi ja ndaa kúu.