Efesios 1:8 - New Testament Psalms and Proverbs in Mixtec Magdalena Peñasco

⁸ Te ni sa'a ya ja ni ka ni'i o kua'a xeen ja vii ja va'a ma, sukan‑va'a jin nduu o ñayii ndichi ma, te jin kuni o nawa jin ko sa'a o ma.

Efesios 1:8 ပူးပေါင်းရင်းမြစ်များ

Salmos 104:24

¡Saa vi, Iya Tátnuni, te ûni kua'a xen‑xeen kúu ja ni sa'a, ni kuu ni! Te ndaka ni jani, ni ka'vi ini ni, te ni sa'a ni, te ni‑ka'nu nuu ñu'ú a iyo ja vii ja luu ni sa'a ni ma, vi Su'si.

Proverbios 8:12

Vaa tnu'u ndichi a chi iyo i ji'in ñayii ndása'a kuenda naxe ko sa'a i ja va'a ja ndaa ma, te tnu'u ndichi a chi sa'a i ja jaku'ni va'a ini ñayii ma te ndasa'a i kuenda nde a kúu ja va'a ma.

Mateo 11:19

Sani te ni kenda sa ja kúu sa iya vee ñayivi ñuu ñayivi a ja jaa sa xtatila te ji'i sa ndute uva ma, te ka ka'an i ja tee jaa xeen tee ji'i xeen kúu sa te kétna'a ini sa ji'in ñayii ka sa'a ja u'vi ma ji'in kui'na ka ndake'en ya'vi xu'un no'o ñuu Roma ma, ka ka'an i. Kovaa ká'an sa ja ñayii ka kandija tnu'u ndichi Su'si ma chi ni ka nduu i ñayii ka sa'a ja va'a ja ndaa. Te sukan, te ka jini o ja vava'a kúu tnu'u ndichi Su'si ma ―‍kúu ya jiña'a ya.

Romanos 11:33

Ka'nu xeen kúu tnu'u ndichi jini Su'si ma. Kua'a xeen tnu'u ndaa tnu'u ndija neva'a ya. Ûni masu kuu jin jaku'ni ini o te jin ndaka'an o sukan jani ini ya ja sa'a ya kivi ka'nde ya tniñu in in ñayii ma, te ni masu kuu jin jaku'ni ini o te jin ndaka'an o sukan sa'a sukan kúu ya ja kúu ya Su'si ma.

Romanos 5:15

Kovaa ja ni skuta'vi ña'a Su'si ma, masu kuu ka'an o ja inuu kúu ji'in ja ni sa'a Adán ma. Vaa kuechi ja ni sa'a Adán ma, te ndaka ñayii ma jin kûu. Kovaa tna'a ja ni skuta'vi ña'a Su'si ma ja maa Jesucristo iya ni kii ñayivi ma chi in ja ka'nu xeen‑ka kúu ja ni sa'a ya ma.

1 Corintios 2:7

Kovaa ja ka ka'an sa a chi tnu'u ndichi maa Su'si ma kúu, te masu ka jini ñayii ma, vaa tnu'u ndichi ya'a chi ni iyo yu'u i. Kovaa sa'a jâ ni jani ini maa Su'si ma onde xi'na‑ka ma ja jin kuu o, te jin koo jayiñu'u o.

Efesios 1:11

Te ja maa Jesucristo ma, te jin ni'i o tna'a ja jin ko kuu ta'vi o ma, vaa sukan jâ ni jani ini maa Su'si ma iya kúu sa'a ndaka ma, ja jin kuta'vi o ma,

Efesios 1:7

Sukan neva'a kua'a Su'si ma ndaka ja vii ja va'a ma ja taa ya ma, chukan kúu ja onde maa niñi Jesucristo ma ni ndachunaa ya, sana ni ka ndayaa o nuu ja u'vi ma, te ni sakanu ini ña'a ya ndaka kuechi ni ka yo sa'a, ni ka yo kuu o, nuu ni ka yo iyo o nuu ja u'vi ma.

Efesios 1:9

Te ni kaxtnu'u ya tna'a ja ni iyo yu'u ma, tna'a ja sukan jâ ni jani ini ya ja ko kuu o ma, tna'a ja sa'a Cristo ma ja jin kuu o ma, vaa kúnda'vi ini ña'a ya ma.

Efesios 3:10

Kovaa vitna jâ ni kaxtnu'u Su'si o ma sukan sa'a sukan kúu ya ji'in ndaka o ja ni ka nduu o sa'ya ya ma, sukan‑va'a jin kuni ndaka ja ka ndanuu ma te ka tatnuni i ja ka iyo i andivi ma, ja sukan ndichi xen‑xeen Su'si ma.

Colosenses 2:3

Vaa nuu maa Cristo ma iyo ndaka tnu'u ndichi tnu'u va'a ma, ji'in naxe jin jaku'ni ini o ma.

Judas 1:25

Vaa maa in‑ni ya kúu Su'si, te maa in‑ni ya neva'a tnu'u ndichi. Te maa ya ni skaku ña'a nuu ja u'vi ma. Te ja maa Jesucristo iya tátnuni nuu o a, te kóo jayiñu'u nuu maa Su'si ma, vaa iyo tnu'u ndee tnu'u ndatnu ya ma, te maa ya tátnuni nuu ndaka o onde xinañu'u ma te onde vitna a, te maa ya tatnuni ni‑kani ni‑jika. Te sukan kó kuu.

Apocalipsis 5:12

Te sa'a ka kayu'u i ka jita i: Iya kúu sukan kúu in ndikachi jaa ma, iya ni ka ja'ni i ma, téku ya, te iyo tu'va ya ja keja'a ya tatnuni ya, te ni'i ya ndaka ja va'a ma, ji'in ndaka tnu'u ndichi ma, ji'in ndaka tnu'u ndee tnu'u ndatnu ma, ji'in ndaka jayiñu'u ma, ji'in ndaka ja jin ndaka'an jin ndakachi o nuu ya ma ja ka jita o ma. Sa'a ka jita ka jita‑nka i.