Colosenses 4:6 - New Testament Psalms and Proverbs in Mixtec Magdalena Peñasco

⁶ Ndaka ja jin ka'an ni ma, te jin ka'an ni tnu'u vii tnu'u va'a tnu'u kuatniñu, sukan‑va'a nawa jin ko kakan‑tnu'u ña'a ñayii ma, te jin ni'i ini ni naxe jin ndakone'e ni nuu ndi‑in ndi‑in i ma.

Colosenses 4:6 ပူးပေါင်းရင်းမြစ်များ

Salmos 105:2

Jin kata ni nuu ya, te jin ndachiñu'u ni ya, te jin ndaka'an jin ndakachi ni ndaka milagru sa'a ya ma.

Salmos 119:13

Te ndaka'an ndakachi sa nuu ñayii ma ndaka sukan ká'an sukan káchi ni nuu sa ja ko sa'a sa ma.

Salmos 119:46

Te masu kukan‑nuu sa chi ka'an sa sukan sa'a sukan kúu ni a nuu tee ka kuu rey ma.

Salmos 45:2

Vaa maa ni chi vivii kaa ni, iyo ni ne'un ndaka sa'ya tata ñayii ma, te tnu'u ká'an káchi ni a ndimaa tnu'u vii tnu'u va'a kúu, te chukan kúu ja Su'si ma chi taa ya ja vii ja va'a ja kuta'vi ni ni‑kani ni‑jika.

Salmos 66:16

Ndaka ni ja ka kandija ni ja ká'an Su'si ma, ne'e koo ni, te jin koniniso'o ni ja ndáka'an ndákachi sa a sukan ni sa'a Su'si ma ja kuu sa.

Proverbios 10:21

Ja ka ka'an ñayii ka sa'a ja va'a ja ndaa ma chi skaka ichi i kua'a ñayii ichi va'a ma, kovaa ñayii so'o ñayii ndee ini ma chi ka skenaa i maa i ja ñatuu ka jaku'ni ini i ja jin sa'a i ja va'a ma.

Proverbios 15:4

Ñayii ká'an vii ká'an va'a ma chi wa'a i tnu'u kanu ini in‑ka ñayii ma, te ndusii ini ñayii yukan, kovaa ñayii ká'an tnu'u ndeva'a ma nuu in‑ka ñayii ma chi sa'a i ja kúxii ini ñayii yukan.

Proverbios 15:7

Ñayii ndichi ma chi ndimaa tnu'u ndichi ka ka'an i te ka sa'a i ja kua'a‑ka ñayii ka jaku'ni ini, kovaa ñayii so'o xeen ka ndaa ma chi ndimaa ja u'vi ka ñu'u ini i ja jin sa'a i ma.

Mateo 5:13

’Ndijin chi sukan kúu ñii jaa o ma sukan ka kuu ni ja ka kandija ni tnu'u Su'si ma te ka iyo ni ñuu ñayivi a. Chukan kúu ja jin ko koto vava'a ni maa ni, chi vaa ka jini maa ni ja nú ñii ma, ñatuu u'wa‑ka i ma, masu nawa kuu sa'a o ja ndu‑u'wa‑ka i, te ni masu jiniñu'u‑ka i. Yika ja skana o i te jin kuiñu ña'a maa ñayii ma.

Marcos 9:50

Vaa ka jini o ja ñii ka jaa o ma chi ja va'a kúu i. Kovaa nuna ndu‑uun i ma, masu kuu kuatniñu‑ka o ja ku‑asi ndeyu o ma. Jin ko kuu ni kuenda kuu ñii va'a ma, te jin koo mani ni ji'in tna'a ni ma ―‍kúu ya jiña'a ya.

Lucas 4:22

Ndaka ñayii ma ka ka'an ja va'a ja kuu Jesús ma, te ni ka sa'vi‑nka ini i ndaka ja vii sa'a ya ma, te ka jikan‑tnu'u tna'a i: ―‍¿Masu tee ya'a kúu sa'ya José ma? ―‍ka kuu i ka ka'an i.

Efesios 4:29

Ñatuu ni‑in tnu'u ndeva'a ko kee yu'u ni a, ja kuña'a ni nuu tna'a ni ma, su'va tnu'u ká'an ni ma ko kuu tnu'u kuatniñu, sukan‑va'a jin chindee tna'a ni ja jin koo va'a‑ka ni nuu Su'si ma. Te ja sukan jin sa'a ni ma, te vivii jin kuatnu'u ini ña'a ñayii ka niniso'o ña'a ma.

Colosenses 3:16

Te nanimaa tnu'u Su'si ma na jin kun‑nee ini anua ndaka ni a, te jin ndakaxtnu'u nuu tna'a ni, te ndimaa tnu'u ndichi ko kuu tnu'u jin ndaka'an‑so'o nuu tna'a ni a. Te ini anua ni a koo tnu'u sii ini, te jin kata ni yaa salmos ma, ji'in yaa ká'an sukan sa'a Iya Tátnuni ma ja jin kuu o ma, sukan‑va'a na koo jayiñu'u ya ma.

1 Pedro 3:15

Su'va jin ndaka'an ni ja maa in‑ni Cristo ma kúu iya tátnuni nuu o a, te ndimaa jin koo tu'va ni, sukan‑va'a kuu jin ndakone'e vii jin ndakone'e va'a ni nuu ñayii jin kakan‑tnu'u ña'a nava'a ka kukanu ini ni Su'si ma. Kovaa jin kava kuee ini ni, te jin kava respetu ni nuu i.