Colosenses 3:20 - New Testament Psalms and Proverbs in Mixtec Magdalena Peñasco

²⁰ Ro'o ja ka kuu ro suchi kuechi ma xi suchi jaa ma, jin kandija ndaka ja va'a ká'an yuva ro ma, ji'in ja va'a ká'an si'i ro ma. Vaa sukan játna ini Iya Tátnuni ma.

Colosenses 3:20 ပူးပေါင်းရင်းမြစ်များ

Proverbios 20:20

Ñayii ká'an u'vi ja kuu yuva i si'i i ma chi masu na tnu'u kanu ini ja koo va'a i, vaa koo maa i nuu nee ma‑ni.

Proverbios 30:11

Ka iyo jaku ñayii ja ka ka'an u'vi i nuu yuva i ma te masu ka ka'an vii i ja kuu si'i i ma,

Proverbios 30:17

Suchi nde'ya yuva i ma te saxiko i de ma, te ñatuu kandija i ja ká'an si'i i ma, na jin tava lakaka ma nduchinuu i ma, te ya'a tioko ma, na jin kaa ña'a ti, te jín xnaa ña'a ti.

Proverbios 6:20

Sa'ya maa ri, tava'a ndaka ja tátnuni yuva ro a, te máko xndoo ro ja ni kaxtnu'u si'i ro ma nuu ro a.

Mateo 19:19

Kava respetu ni nuu yuva ni ma ji'in nuu si'i ni ma. Kutoo ni tna'a ni ma, sukan kutoo ni maa ni ma ―‍kúu ya jiña'a ya.

Efesios 5:24

Te sukan ka kandija ndaka o ja ni ka nduu o sa'ya Su'si ma ndaka ja ká'an Cristo ma, sukan tna na jin kuandetu ña'a ma nuu yii ña ma ndaka nawa ká'an de ma.

Filipenses 4:18

Vaa ni ndani'i sa ndaka ja ni ka tetniñu ni ji'in ñani o Epafrodito ma, te vitna chi neva'a kua'a‑ka sa, te ñatuu nawa jiniñu'u‑ka sa, vaa ni ndani'i sa ja ni ka tetniñu ni ji'in de ma, tna'a ja vii ja va'a ni ka ndakua'a ni nuu Su'si ma, ja jáxiko asi ma, tna'a ja játna ini Su'si ma.

Colosenses 1:10

sukan‑va'a jin ko sa'a jin ko kuu ni sukan iyo ja jin sa'a yo'o ja ka ndikin o Iya Tátnuni ma, te ndimaa jin sa'a ni sukan játna ini ya ma, te jin sa'a ni ndaka ja va'a ma, te ûni jin ku'un ini ni ja jin jaku'ni‑ka ini ni sukan kúni ya ja jin ko kuu ni ma.

Colosenses 3:22

Ndijin ja ka satniñu ni nuu jito'o ni ma, jin kandija ni ndaka nawa tátnuni de ma, te másu ko jin sa'a ni ja ka satniñu ni yika‑ni ora ka nde'ya de ma, sukan ka sa'a ñayii ka nduku ja jin kuatnu'u ini ña'a ñayii ma‑ni. Su'va ndijin chi ni‑yu'u ni‑ini ni jin satniñu ni, vaa ka na'a ni ja nde'ya ña'a Iya Tátnuni ma.

Tito 2:9

Ndaka'an‑so'o ni nuu ñayii ka jinukuechi ma, ja na jin kandija i nuu jito'o i ma na tniñu ka tatnuni jito'o i ma ja jin sa'a i ma, te máko jin ndakone'e i nuu jito'o i ma.

Hebreos 13:21

Te na sa'a Su'si ma ja jin ko sa'a ni ndaka ja va'a ja vii, sukan kúni maa ya ma. Te ja maa Jesucristo te na sa'a Su'si ma ja jin ko kuu ni sukan játna ini maa ya ma. Te nuu maa Jesucristo ma na koo jayiñu'u ma ni‑kani ni‑jika. Te sukan kó kuu.