Apocalipsis 3:19 - New Testament Psalms and Proverbs in Mixtec Magdalena Peñasco

¹⁹ Vaa ru'u ya chi ndáka'an‑so'o ri nuu ñayii kútoo ri ma na kuechi sa'a i ma, te xndo'o xneni ri i. Chukan kúu ja, va'a‑ka ja ndakani ndaka'vi ini ro te ndakatanuu ña'a ro.

Apocalipsis 3:19 ပူးပေါင်းရင်းမြစ်များ

Salmos 39:11

Vaa ndijin chi xndo'o xneni ni ñayii sa'a ja u'vi ma, sukan‑va'a ndasa'a i kuenda te nukuiñi ndaa i nuu ni. Te ndaka ja neva'a i ma te kútoo xeen i ma chi xnaa ni sukan xnaa tikixin ma nawa ní'i ti ma. Vaa ja ndaa ndija kúu ja ñayii ma chi nunuu‑ni kúu ja koo i ñuu ñayivi a.

Salmos 6:1

Iya Tátnuni, máko ndonda tna ni nuu sa ora ndákiti ini ni ma, te máko xndo'o xneni ña'a ni ora ndákiti xeen ini ni ma.

Salmos 69:9

Vaa ni kukueñu xeen sa ve'e ni ma, vi Su'si, te chukan kúu ja siki saña ni ka kenda koo ndaka ja ka ka'an ndeva'a i nuu ni ma.

Salmos 94:10

Iya kuu xndo'o xneni ni‑ka'nu ñuu ñayivi a, ¿ka jani ini ni ja masu ka'an ni'i ya nuu ni? ¿Xi ka sa'a ni kuenda ja iya káxtnu'u tnu'u ndichi nuu ñayii a, te ñatuu jini ya nawa ka jani ini ni?

Proverbios 15:10

Ñayii ñatuu jika ndaa ichi Su'si a chi ndaka'an ni'i ya nuu i, te ñayii saxiko ja ndáka'an‑so'o ya nuu i ma chi skenaa i maa i.

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 22:15

Suchi jaa ma ûni ndikin tna'a xeen i ji'in ja sa'a ndee ini i te sa'a so'o xeen i maa i, kovaa nuna ndaka'an‑so'o o nuu i te skonduu o yutnu xii yata ka'a i chi ndatnii i kuenda te ko kuu i in ñayii va'a.

Mateo 25:7

Sani te ndaka suchi jaa ma, ni ka ndakoo i, te ni ka ndasatu'va i kandili i ma.

Juan 2:17

Sani te ni ka ndaka'án tee ka ndikin ya ma sukan ká'an tutu ndee tnu'u Su'si ma: “Kúkueñu sa ve'e Yuva sa a, te chukan kúu ja sa'a sa ndaka cha'a.”

Romanos 12:11

Ora jiniñu'u ja jin satniñu o ma, te máko jin sa'a kuxi o maa o, su'va ni‑yu'u ni‑ini o jin kunukuechi o nuu Iya Tátnuni ma.

1 Corintios 11:32

Jín kona'a o ja nú xndo'o xneni ña'a ya vitna ja ka iyo‑ka o ñuu ñayivi a chi ja kúni ya kúu ja jin ndasa'a o kuenda te jin kutu'va o naxe jin ko sa'a jin ko kuu o nuu ya, sukan‑va'a ma jin chunaa o sukan jin chunaa ñayii ñatuu ka kandija sukan ká'an Su'si ma kivi jin ndenda koo o nuu ya ma.

2 Corintios 6:9

Te ñayii ma chi visi ka jini vii ka jini va'a ña'a i, kovaa ka sa'a i tnu'u ja masu nde ka jini ña'a i te ka sa'a ndeva'a ña'a i. Visi ka iyo yika sa ja sani te jin kûu sa, kovaa ja maa Su'si ma, te ka teku sa. Visi ka xndo'o ka xneni ña'a i, kovaa ñatuu ka kundee i ja jin ka'ni ña'a i.

2 Corintios 7:11

Chukan kúu ja sukan ni ka kuxii ini ni jaku ma chi maa Su'si ma ni ndaka'an‑so'o nuu ni ma, sukan‑va'a jin ndakani jin ndaka'vi ini ni te jin koo va'a ni nuu ya. Te jin ko ndi ini‑ka ni ja jin kuu sa, te jin chindee‑ka ña'a ni ja na jin kaku sa nuu ñayii ka ka'an ja kuechi sa kúu ja ni sa'a tee yukan sukan ma. Te ja ni ka ka'vi ni carta ni tetniñu sa ma, te ni ka ndakiti xeen ini ni nuu tee yukan. Te ni ka ndayu'u xeen ni nuu Su'si ma. Te ûni ni ka kuni ni ja jin kuni ña'a ni, te ûni ni ka kuni ni ja na kundaa kuechi tee yukan ma, sukan‑va'a jin kuni ñayii ma ja kuechi maa de kúu ma.

Gálatas 4:18

Va'a‑ni ja ka ndi ini i ja jin kuu ni ma, nute ndimaa ja va'a ka ñu'u ini i ja jin sa'a ña'a i ma, te masu yika‑ni ja kivi iyo sa ji'in ni ma, te ka sa'a i sukan.

Tito 2:14

Vaa maa ya chi ni kachi ya ja ni ndo'o ni neni ya nuu tniñu o ma, te sukan, te ni ndene'e ña'a ya nuu ndaka ja u'vi ma, te ni ndasavii, ni ndasandoo ña'a ya, sukan‑va'a jin ko kuu o ñayii ñuu maa ya ma, te ndimaa jín ku'un ini o ja jin ko sa'a o ja vii ja va'a ma.

Santiago 1:12

Vava'a kúu ñayii kánda ora ska'an ña'a tachi ma ja sa'a i ja u'vi ma, vaa nuna kanda i ja masu sa'a i ja u'vi ma chi ni'i i in corona ja koteku i ni‑kani ni‑jika ja ni skuiso Su'si ma ja taa ya nuu yo'o ja ka kutoo o ya.

Apocalipsis 2:5

Ndaka'án sukan ni yo kuu ro kivi ni yo kutoo ña'a ro ma, te ndakani ndaka'vi ini, te ndasatniñu sukan ni yo sa'a ro xinañu'u ma. Vaa nú ña'a, te kenda yachi ri nuu iyo ro a, te nú ma ndakani ndaka'vi ini ro te ndakatanuu ña'a ro chi xtandiyo ri candileru ro a nuu iyo i ma.