Apocalipsis 20:11 - New Testament Psalms and Proverbs in Mixtec Magdalena Peñasco

¹¹ Te ni jini sa in nuu kuijin kuijin te vivii kaa, te yukan núkoo ya ja tátnuni ya ma, te ni ka jinu ñuu ñayivi ma ji'in andivi ma ja ni ka jini i ya ma. Ûni masu nde na'a ja ni ka yo iyo i yukan.

Apocalipsis 20:11 ပူးပေါင်းရင်းမြစ်များ

Salmos 102:26

Te ndaka cha'a chi jin naa i, kovaa maa ni chi koo ni ni‑kani ni‑jika. Te ndaka cha'a chi jin yii i kuenda kúu sa'ma ne'nu sa ma, te kuenda sukan ndáxsama sa sa'ma sa ma‑ni, sukan‑ni ndaxsama ni, te jin ndujaa i.

Salmos 47:8

Te onde nuu ii nuu núkoo ya ma, te tátnuni ya ni‑ka'nu ñuu ñayivi ya.

Salmos 89:14

Ndimaa ja va'a ja ndaa sa'a ni nuu núkoo ni ja tátnuni ni ma, te yoxtnuu tnu'u ndaa tnu'u ndija tnu'u nda'vi ini ma nuu ni nde kua'an nde vee ni.

Salmos 97:2

Vaa Su'si o a chi ni ndakonduu viko ma ya, te ni masu kuu kuni o ya, te tnu'u ndaa tnu'u ndija ma iyo nuu núkoo ya ja ka'nde ya tniñu ñayii ka sa'a ja u'vi ma.

Mateo 11:22

Kovaa ndijin chi ká'an sa ja kivi ndakan Su'si ma kuenda, te ka'vi‑ka xndo'o xneni ña'a ya sana ñayii ñuu Tiro ma ji'in ñuu Sidón ma.

Mateo 24:35

Andivi ma ji'in ñuu ñayivi a chi jin naa i, kovaa tnu'u ká'an sa a chi masu yanduu ja sukan ko kuu.

Mateo 25:31

’Kivi ndenda sa ja kúu sa iya vee ñayivi ñuu ñayivi a ji'in jayiñu'u sa ma ji'in ndaka ángel sa ja ka sa'a i ja va'a ma, sani te jinkoo sa nuu tatnuni sa ma, nuu iyo jayiñu'u sa ma.

Romanos 2:5

Kovaa ja sukan ndee ini ni a te ñatuu ndákani ndáka'vi ini ni a, sa'a ni ja ndákiti xeen ini Su'si ma nuu ni, kivi kenda ja ndakan ndi'i ndakan tu'u ya kuenda nawa ni yo sa'a, ni yo kuu ni ma.

2 Pedro 3:7

Kovaa andivi a ji'in ñuu ñayivi iyo vitna a, ka iyo tu'va i sukan ká'an maa tnu'u Su'si ma ja jin kayu jin koko i kivi ndakan Su'si ma kuenda ma te jin ndachunaa maa ñayii ñatuu ka kandija Su'si ma.

Apocalipsis 12:8

kovaa ñatuu ni kundee ti, ni a ni'i ti in nuu kuu jin koo ti ji'in ángel ka ndikin tna'a ji'in ti ma.

Apocalipsis 16:20

Te ndaka ñuu lilikin ka iyo nuu ndute mar ma, ni ka jinu i kuan koo i, te ndaka yuku ma ni ka naa.

Apocalipsis 19:11

Sani te ni ndanune andivi ma, te ni jini sa in caballu kuijin, te ja nani iya yoso ti ma kúu Iya Kuu Kukanu Ini O ji'in Iya Sa'a Ja Ndaa Ndija, te ja'nde ndaa ya tniñu ñayii ma, te kanaa ya ji'in ñayii ñatuu ka kandija ja ká'an ya ma.

Apocalipsis 20:2

Te ni tnii i koo ka'nu kaa sukan kaa in lana'ña ma ja kúu ti koo jana'a ma, te maa ti kúu tachi ma ja nani i Satanás ma. Te ni ju'ni ángel ma tachi ma, te konu'ni i in mil kuiya.

Apocalipsis 21:1

Te ni jini sa in andivi jaa ji'in in ñu'ú jaa, vaa andivi ni iyo xinañu'u ma ji'in ñuu ñayivi ni iyo xinañu'u ma, jâ ni ka naa i, te ñatuu na ndute mar‑ka ma iyo.

Apocalipsis 21:5

Te núkoo ya nuu tátnuni ya ma, te ká'an ya: ―‍Vitna, te ndásajaa sa ndaka ja iyo a ―‍kúu ya ká'an ya. Te suni ká'an ya: ―‍Tee ni tnu'u ya'a chi tnu'u ndaa tnu'u ndija kúu ―‍kúu ya ká'an ya.

Apocalipsis 4:2

Te maa ora yukan‑ni ni ndunda'a ña'a maa Xtumani Ndios ma, te ni jini sa in nuu núkoo Iya Tátnuni ma ja iyo onde andivi ma, te núkoo ya.

Apocalipsis 6:14

Te andivi ma ni ndatuu sukan kaa tutu ni ndatuu ma, te ndaka yuku ma ji'in ndaka vala ñu'ú ka iyo nuu ndute mar ma, ni ka ndasama nuu ka iyo i ma.