Apocalipsis 2:27 - New Testament Psalms and Proverbs in Mixtec Magdalena Peñasco

²⁷ Te kinda'a i yutnu xii kaa ma, te xnaa i ñuu ma, sukan ka ta'vi i ko'o ñu'u ma, te tatnuni i sukan tátnuni maa sa a, vaa sukan ni taa Yuva sa ma tnu'u ndee tnu'u ndatnu ja tátnuni sa ma.

Apocalipsis 2:27 ပူးပေါင်းရင်းမြစ်များ

Salmos 49:14

Te sukan ka kuu ndikachi ma ja iyo ñayii skaka ña'a nuu jin koo ti ja jin kûu ti ma, sukan kuan koo i ja jin skenaa i maa i ma, vaa maa ja u'vi ma tátnuni nuu i ma. Te ndaka ñayii ka sa'a ja va'a ja ndaa ma chi xtnee ne'e ma‑ni, te jin kundee i nuu ñayii ka sa'a ja u'vi ma. Sani te ñayii yukan, te jin skenaa i tnu'u ndee tnu'u ndatnu i ma ji'in ja vivii ka ndaa i ma, te nuu jin koo i ni‑kani ni‑jika ma ko kuu andeya ma kuechi ja u'vi ni ka yo sa'a i ma.

Mateo 11:27

Sani te jiña'a ya nuu ñayii ma: ―‍Yuva sa ma, ni taa ya ndaka. Ñatuu na in jini ña'a ja kúu sa Sa'ya ya a, yika‑ni ja maa ya ja kúu ya Yuva sa ma. Te ñatuu na in jini Yuva sa ma, yika‑ni ja maa sa ja kúu sa Sa'ya ya a, ji'in ñayii kúni sa ja kaxtnu'u sa na in kúu ya ma.

Lucas 22:29

Chukan kúu ja taa sa tnu'u sukan jin tatnuni ni, sukan ni taa Yuva sa ma nuu maa sa.

Juan 17:24

’Yuva sa, ndaka ñayii ni taa ni a, kúni sa ja jin koo i ji'in sa nuu koo sa ma, sukan‑va'a jin kuni i jayiñu'u sa ja ni taa ni ma, vaa jâ kútoo ña'a ni onde xi'na‑ka sana kuva'a ñuu ñayivi a.

Apocalipsis 12:5

Te ni kâku sa'ya ña in suchi yii, te suu i kinda'a i in yutnu xii kaa, te tatnuni i nuu ndaka ñuu ma. Te sa'ya ña ma, ni ndone'e Su'si ma i, sukan‑va'a koo i nuu núkoo ya ma.

Apocalipsis 19:15

Te yu'u ya ma kée in yuchi kuiñi xen‑xeen kúu espada, sukan‑va'a xtnakue'e ya ñayii ka iyo ñuu na'nu ma ja ñatuu ni ka kandija i ya ma, te yinda'a ya in yutnu xii kaa. Te maa ya kuiñu nuu ka jaxi i uva ma, te cha'a kúni ka'an ja ndákiti ini xen‑xeen ini Su'si iya kúu sa'a ndaka ma.