Apocalipsis 19:6 - New Testament Psalms and Proverbs in Mixtec Magdalena Peñasco

⁶ Te ni jiniso'o sa ja ka kuu yu'u kua'a xeen ñayii sukan ka kuu yu'u ndute kua'a xeen ma. Te sukan kúu ora kána xeen savi ma, sukan ka kuu yu'u i, te ka ka'an i: ¡Aleluya! ¡Vaa Su'si o Iya Tátnuni a, iya kúu sa'a ndaka ma, jâ tátnuni ya nuu ndaka!

Apocalipsis 19:6 ပူးပေါင်းရင်းမြစ်များ

Salmos 47:2

Vaa Su'si iya iyo onde sukun ma kúu Iya Tátnuni, te jín koyu'u o ya, te máko jin sa'a o ni a in ja ñatuu nde játna ini ya ma, vaa maa ya chi kúndee ya nde'ya ya ni‑ka'nu ñuu ñayivi ya.

Salmos 47:7

Te ni‑yu'u ni‑ini o jín kata o yaa játna ini maa ya ma, vaa maa ya kúu rey iya tátnuni ni‑ka'nu ñuu ñayivi ya.

Salmos 77:18

Vaa maa ni sa'a ja jándute ma, te ni‑ka'nu ñuu ñayivi a yé'e ni'ni, te kána savi ma ora ndákavanuu tna'a ndákavanuu tna'a‑nka viko ma, vi Su'si.

Salmos 93:1

Iya Tátnuni ma kúu Rey, te iyo xeen jayiñu'u ya. Iya Tátnuni ma kúu iya neva'a ndaka tnu'u ndee tnu'u ndatnu, te maa ya ni sunkani vava'a ñuu ñayivi ya, te másu kotuu i.

Salmos 97:1

Su'si ma kúu iya tátnuni nuu o a. Jin ndusii ini ndaka ni ja ka iyo ni nuu ñu'ú a, ji'in ndaka ni ja ka iyo ni yu'u mar ma.

Salmos 97:12

Jin koo sii ini ndaka ni ja ka sa'a ni ja va'a ja ndaa ma nuu Su'si Iya Tátnuni ma, te jin ndaka'an ni ja iya ii kúu ya, te jin ndachiñu'u ni ya.

Salmos 99:1

Su'si o iya tátnuni ñuu ñayivi a, núkoo ya siki ángel nani querubín ma, te chukan kúu ja ndaka ñayii ka iyo ndaka ñuu ma, ka ni'i ka ni'i‑nka i ja ka yu'u i vaa skanda ya ñu'ú a.

Mateo 6:13

Te máko kua'a ni tnu'u ja ska'an ña'a tachi ma ja jin sa'a sa ja u'vi ma, su'va chindee ña'a ni ja na jin kaku sa nuu ja u'vi ma. Vaa maa ni kúu iya tátnuni, te maa ni iyo tnu'u ndee tnu'u ndatnu ji'in jayiñu'u ni‑kani ni‑jika. Te sukan kó kuu.

Apocalipsis 1:15

Te ja'a ya ma, ka ndaa i sukan kaa kaa nani bronce lilii ja yika ni ndee i nuu ñu'u i'ni ma. Te sukan nini'i kúu yu'u ndute nuu jika kua'a de ma, sukan nini'i ká'an ya ma.

Apocalipsis 1:8

Te ka'an Su'si Iya Tátnuni ma: “Maa sa kúu letra xinañu'u ma, te maa sa kúu letra sandi'i‑nka ma, te maa sa ni skeja'a ndaka ja iyo a, te maa sa sinu ndaka”, kúu ya ká'an ya. Te maa ya iyo vitna, te maa ya iyo onde xinañu'u ma, te maa ya ndii ma, te maa ya kúu iya kúu sa'a ndaka ma.

Apocalipsis 12:10

Sani te ni jiniso'o sa in ja ká'an nini'i onde andivi ma: ―‍Vitna jâ ni kenda tnu'u ndee tnu'u ndatnu Su'si ma ja kuu jin ndani'i ta'vi ñayii ma, te jâ ni kenda kivi tatnuni Su'si o a ji'in ja tatnuni Cristo iya ni tetniñu Su'si ma, vaa jâ ni xtandiyo ya tachi ma suchi nduu ñuu ni yo xtekuechi ña'a i nuu Su'si ma ndaka o ja ni ka nduu o sa'ya ya ma.

Apocalipsis 14:2

Te ni jiniso'o sa onde andivi ma ja kúu yu'u sukan kúu yu'u ndute kua'a xeen jika ma, te sukan kúu ora kána nini'i savi ma sukan kúu yu'u. Te ja ni jiniso'o sa ma kúu yu'u sukan ka kuu yu'u arpa ma ora ka tee ñayii ma tnu.

Apocalipsis 19:1

Sani te ni jinu, te ni jiniso'o sa ja ka kuu yu'u kua'a xeen ñayii onde andivi ma, te ka ka'an i: ¡Aleluya! Su'si o Iya Tátnuni ma kúu iya ni sa'a ja ni ka ndani'i ta'vi o a, te jín ndachiñu'u o ya, vaa maa ya neva'a tnu'u ndee tnu'u ndatnu ma.

Apocalipsis 19:4

Te ndi‑oko kuun tee nija'nu ma ji'in kuun kiti ka teku ma, ni ka jinkoo jiti de ji'in ti, te ni ka jakindeyi de ji'in ti onde nuu ñu'ú ma, te ndaka de ji'in ti ma ni ka ndachiñu'u Su'si ma nuu núkoo ya ja tátnuni ya ma, te ka ka'an de ji'in ti: ―‍¡Sukan kó kuu! ¡Aleluya! ―‍ka kuu de ka ka'an de ji'in ti.

Apocalipsis 21:22

Te ñatuu ni jini sa veñu'u ka'nu ini ñuu ma, vaa Iya Tátnuni ma Su'si iya kúu sa'a ndaka ma ji'in iya kúu sukan kúu ndikachi jaa ma ka kuu veñu'u ka'nu ñuu ma.

Apocalipsis 4:5

Te nuu núkoo ya ma jándute, te kúu sukan kúu ora kána savi ma, te ka kuu yu'u. Te ichi nuu nde'ya ya ja núkoo ya ma, te ka kanda'a ka kanda'a‑nka uja nuu ka ndu'va ñu'u, ja ka kuu i uja ja vii ja va'a ñu'u ini anua ya ma.

Apocalipsis 6:1

Te ni jini sa, nuu ni ndakune iya kúu sukan kúu ndikachi jaa ma in sellu xinañu'u ma, te ni jiniso'o sa ja ká'an in kiti téku ma: ―‍¡Ne'e ni, te konde'ya ni! Te sukan kúu ora kána savi ma, sukan nini'i kúu yu'u ti.

Apocalipsis 8:5

Te ángel ma, ni ke'en i nuu ni ñu'u ja jáxiko asi ma, te ni xchitu i ñu'u ndú'va yoso siki altar ma, te ni skana i vee nuu ñu'ú a, te ni kuu yu'u sukan kána savi ma, te ni jandute, te ni tnaa xen‑xeen.