Apocalipsis 19:5 - New Testament Psalms and Proverbs in Mixtec Magdalena Peñasco

⁵ Te nuu núkoo ya ma ni jiniso'o sa in ja ká'an: Jín ndachiñu'u o Su'si o a, ndaka ro suchi kuechi, ji'in ndaka ni ñayii nija'nu, ndaka o ja ka jinukuechi o nuu ya a, ji'in ndaka o ja ka ndi ini o ja jin koo va'a o nuu ya a, kúu ká'an.

Apocalipsis 19:5 ပူးပေါင်းရင်းမြစ်များ

Salmos 115:13

Te sukan sa'a ya ji'in ñayii ka yu'u ja ká'an ya ma te ñatuu‑ka na ja u'vi ka sa'a i ma, ka kuu i ñayii nija'nu, ka kuu i suchi kuechi.

Salmos 134:1

Jin konde'ya ni maa Iya Tátnuni ma, ndaka ndijin ja ka jinukuechi ni nuu ya ma, te jin ndachiñu'u ni ya, ndaka ni ja ka iyo ni jakuaa ma ve'e Iya Tátnuni ma.

Salmos 135:1

Jín ndachiñu'u o Su'si o Iya Tátnuni ma. Ndaka o ja ka jinukuechi o nuu Su'si o Iya Tátnuni ma, ñukuun ñukuun jin ndachiñu'u o ya.

Salmos 150:6

Te ndaka ñayii a ja kúu ka xtatachi i ma, jín ndachiñu'u i Su'si Iya Tátnuni ma. Te ndaka tna kiti ma ja kúu ka xtatachi ti ma, jin sa'a tna ti sukan. ¡Aleluya! ¡Ûni kóo jayiñu'u Su'si o Iya Tátnuni a!

Salmos 22:23

Ndaka o ja ka kuu o sa'ya tata Israel ma ja ni yo kuu de Jacob ma, jín kata o, te jín ndachiñu'u o Iya Tátnuni a, te jín koyu'u o ya, vaa ka jini o ja ndakan ya kuenda nuu o a.

Apocalipsis 13:16

Te ni sa'a ti ja ndaka ñayii ma, te jin kondenee tnuni maa ti ma nda'a kua'a i ma xi tnee i ma, ka kuu i ñayii kuechi, ñayii nija'nu, ñayii ka kuxiku, ñayii ka kunda'vi, ñayii ka ndanuu, ñayii ka jinukuechi ma. Ndaka i jin kitnuni.

Apocalipsis 16:17

Te ángel ku‑uja ma, ni jati i ja ñu'u nuu copa i ma nuu yi'i kajin ma, te ni kuu nini'i yu'u ini veñu'u iyo andivi ma nuu núkoo Su'si ma, te ni ká'an ya: ―‍Jâ ni jinu ―‍kúu ya ká'an ya.

Apocalipsis 19:18

sukan‑va'a jin kaa ro kuñu tee ka kuu rey ma, ji'in kuñu tee ka tatnuni nuu soldado ma, ji'in kuñu tee ni ka iyo tnu'u ndee tnu'u ndatnu ma, ji'in kuñu caballu ma, ji'in kuñu tee ka yoso caballu ma, ji'in ndaka kuñu ñayii ñatuu ka jinukuechi ma, ji'in ñayii ka jinukuechi ma, ka kuu i suchi kuechi ka kuu i ñayii nija'nu, ja ñatuu ni ka kandija i ja ka'an Su'si ma ―‍kúu i jiña'a i.

Apocalipsis 20:12

Te ni jini sa ñayii ni ka ji'i ma, ñayii nija'nu ma ji'in suchi kuechi ma, ka nukuiñi i nuu Su'si ma, te ni ka ndanune libru ma, te suni ni ndanune in‑ka libru, te libru ya'a kúu ja ka'an nde ñayii jin koteku ma, te sukan ka ka'an libru ma ni ndakan ya kuenda nuu ñayii ni ka ji'i ma nawa ni ka yo sa'a, ni ka yo kuu maa i ma nuu ni ka yo iyo i ñuu ñayivi a.

Apocalipsis 7:15

Chukan kúu ja ka iyo yatni i nuu núkoo Su'si o a, te ka jinukuechi i nduu ñuu veñu'u ya a, te iya núkoo ja tátnuni ya ma, ndasa'a ka'nu‑ka ya ve'e ya ma, te ndachisa'vi ya i, te maa ya ko koto i.