Apocalipsis 18:20 - New Testament Psalms and Proverbs in Mixtec Magdalena Peñasco

²⁰ Kovaa ndusii ini andivi ma, te jin ndusii ini tna ni ja ka kuu ni ñayii ka sa'a ja va'a ma, ja ka kuu ni tee ni tetniñu Jesucristo ma, ji'in tee ka ndakaxtnu'u tnu'u ni yo taa Su'si ma, vaa Su'si ma, jâ ni sa'a ya ja ni ka ndachunaa ñayii ka iyo ñuu ka'nu ma, kuechi ja ni ka sa'a ña'a i ma.

Apocalipsis 18:20 ပူးပေါင်းရင်းမြစ်များ

Salmos 107:42

Jín konde'ya ndaka ñayii ja ka iyo va'a i nuu Su'si o ma, te jín ndusii ini i, te ndaka ñayii ka sa'a ja u'vi ma, na jin kasiyu'u i.

Salmos 109:28

Te visi na jin ka'an u'vi maa i ja kuu sa, kovaa maa ni chi taa ni ja vii ja va'a ja kuta'vi sa, te jín ndatna'a maa ñayii ma ja kan‑nuu, kovaa saña chi koo sii ini sa nuu maa ni a, vi Su'si.

Salmos 18:47

Vaa maa ni kúu iya sa'a ja jin ndachunaa ñayii ma ndaka ja ka sa'a ka kuu ña'a i ma, te maa ni sa'a ja ka kandija ñayii ndaka ñuu ma ja ká'an sa ma.

Salmos 48:11

Ndusii ini xeen yuku nani Sion ma, te jin ndusii ini xeen sasi'i ñayii ñuu Judá ma, ja jin kuni i ja sukan ja'nde ndaa ni tniñu ñayii ma, vi Su'si.

Salmos 58:10

Te ñayii sa'a ja va'a ja ndaa ma chi ndusii ini xeen i ja kuni i ja sukan ni ka ndani'i, ni ka ndatna'a maa ñayii ka sa'a ja u'vi ma. Te ûni jin chunee i ja'a i ma nuu ni jati niñi ñayii inuso'o ma.

Salmos 94:1

Su'si Iya Tátnuni, maa ni kúu iya sa'a ja jin ndachunaa ñayii ka sa'a ja u'vi ma. ¡Kaxtnu'u ni nuu i na in kúu ni!

Proverbios 11:10

Ja sukan ka kendoo va'a ndaka ja ka sa'a ka kuu ñayii ka sa'a ja va'a ja ndaa ma chi ka kuu sii ini ndaka ñayii ñuu ma. te nú ni ji'i ñayii ka sa'a ja u'vi ma chi ûni ka sa'a ñayii ma in viko ja ka iyo sii ini xeen i.

Efesios 2:20

Te sukan kúu in ve'e ka kuu o. Vaa Cristo ma kúu yuu kanuu‑ka ni keja'a ve'e ma, te tee ni tetniñu ya ma, ji'in tee ni ka yo ndakaxtnu'u tnu'u ni yo wa'a Su'si ma, ka kuu yuu ni ka jakoxtna'a siki yuu kanuu‑ka ma, te yo'o ka kuu yuu ni ka jakoxtna'a siki yuu jâ ka yoxtna'a ma.

Efesios 3:5

Te onde kivi vee o ma chi ñatuu ni kaxtnu'u Su'si ma nuu sa'ya tata ñayii ñuu ñayivi a tnu'u ya'a. Kovaa vitna, te ja maa Xtumani Ndios ma, te ni ndakaxtnu'u ya nuu tee ni tetniñu Cristo ma ja jin kaxtnu'u de tnu'u vii tnu'u va'a ya ma, ji'in tee ni ka yo ndakaxtnu'u tnu'u ni yo wa'a Su'si ma.

Efesios 4:11

Te maa ya ni jani ini ja jin koo tee jin kaxtnu'u tnu'u maa ya ma te ni tetniñu ya de, te jin koo ñayii jin ndakaxtnu'u tnu'u ni yo wa'a maa ya ma, te jin koo ñayii jin kaxtnu'u tnu'u vii tnu'u va'a maa ya ma nuu ñayii ñatuu jin kuni‑ka ma. Te nuu ka iyo ñayii ni ka nduu sa'ya Su'si ma ndi‑in ndi‑in ñuu ma, te jin koo ñayii jin ko koto ña'a. Te jin koo ñayii jin ndakaxtnu'u tnu'u maa ya ma nuu ñayii jâ ni ka nduu sa'ya Su'si ma,

2 Pedro 3:2

te jin ndaka'án ni sukan ni ka yo ka'an tee ñatuu na ja u'vi ni ka yo sa'a de ma, tee ni ka yo ndakaxtnu'u tnu'u ni yo wa'a Su'si ma ji'in tnu'u ni tatnuni Jesucristo iya tátnuni nuu o a, iya ni sa'a ja ni ka ndani'i ta'vi o a, vaa ndaka tnu'u ya'a ni ka kaxtnu'u tee ni tetniñu ya nuu ka iyo ni a.

Judas 1:17

Kovaa ndijin ja ka kutoo tna'a o a, jin kona'a ni sukan ni ka yo ka'an tee ni tetniñu Jesucristo iya tátnuni nuu o a,

Apocalipsis 12:12

Chukan kúu ja jin kutachi nde ni ka iyo andivi a. Nda'vi maa ñayii ka iyo nuu ñu'ú ma ji'in nuu ndute mar ma, vaa ni nuu tachi ma, te ndakiti xeen ini i, vaa jini i ja jaku‑nka‑ni kivi iyo ja koo i ―‍ká'an.

Apocalipsis 18:6

Jin xndoo ni ña, te ndando'o ndaneni maa ña uu jichi sukan ni yo sa'a, ni yo kuu ña ma ji'in jaku‑ka ñayii ma. Te nuu ni satu'va ña ja jin ko'o ñayii ma jin ndatnaa‑ka ni uu‑ka jichi ja ko'o ña.

Apocalipsis 6:10

Te ka kayu'u i ka ka'an i: ―‍Iya Tátnuni iya sa'a ja va'a ja ndija, ¿na ndende kii sana ndakan ni kuenda nuu ñayii ka iyo ñuu ñayivi ma, ja ni ka jati i niñi sa ma, te ndaxndo'o ndaxneni ni i? ―‍ka kuu i ka jiña'a i.