Apocalipsis 18:10 - New Testament Psalms and Proverbs in Mixtec Magdalena Peñasco

¹⁰ Te jika‑ni jin konukuiñi de ja jin koyu'u de sukan ndo'o neni ña ma, te jin kuña'a de: ―‍¡Ay! ¡Ay! Nda'vi ro, ñuu ka'nu ñuu ndee, ja nani ro Babilonia a, vaa in‑ni ora ni kenda ja ndachunaa ro ja ni sa'a ro ma ―‍jin kuña'a de.

Apocalipsis 18:10 ပူးပေါင်းရင်းမြစ်များ

Apocalipsis 11:8

Te ñunde'yu de ma, jin kavatuu i ichi ka jika ñayii ma ñuu ka'nu ma, ñuu nuu ni ka jata kaa i Iya Tátnuni ma, ja kuu i sukan kúu ñuu Sodoma ma ji'in ñuu Egipto ma.

Apocalipsis 14:8

Te ndikin‑ka in‑ka ángel ma, te ká'an i: ―‍Jâ ni kotuu ñuu Babilonia ma, ñuu kanuu xeen‑ka ma, vaa suu i ni yo kaxtnu'u nuu ndaka‑ka ñuu ma sukan jin sa'a i ja u'vi ma ―‍kúu i ká'an i.

Apocalipsis 16:19

Te ñuu ka'nu ma ni te'nde, te uni jichi i ni nduu, te ndaka ñuu ka iyo ni‑ka'nu ñuu ñayivi a ni ka kekaa. Te ni ndaka'án Su'si ma ñuu ka'nu nani Babilonia ma, sukan‑va'a xndo'o xneni ya i, vaa ni ka sa'a i ja ni ndakiti ini ya ma.

Apocalipsis 17:12

Te ndi‑uxi ndiki ni jini ni ma ka kuu uxi rey ñatuu jin koo‑ka de ja jin tatnuni de, kovaa in jichi‑ni jin kenda koo de ja jin tatnuni de ji'in kiti ka'nu kiti kini kaa ma.

Apocalipsis 18:18

te ka nde'ya de sukan kána ñu'ma ja káyu ñuu ma, te ka ka'an de: ―‍¿Nde ñuu inuu kúu i ji'in ñuu ka'nu ya'a? ―‍ka kuu de ka ka'an de.

Apocalipsis 18:19

Te ni ka chiso de ñuyaka xini de, te ni ka kayu'u de, te ka nda'yu de, te ka kuxii ini de, te ka ka'an de: ―‍¡Ay! ¡Ay! Nda'vi ñuu ka'nu ya, te vitna ja ja va'a neva'a maa ñuu ma, te ni ka kuxiku ndaka tee ka neva'a barcu kuan koo ve koo nuu ndute mar ma. Kovaa in ora‑ni, te ni naa ―‍ka kuu de ka ka'an de.

Apocalipsis 18:21

Te in ángel iyo tnu'u ndee tnu'u ndatnu ma, ni tnii i in yuu ka'nu sukan in yuu mulinu, te ni skana i nuu ndute mar ma, te ká'an i: ―‍Suni sa'a ndo'o neni ñuu ka'nu Babilonia a, te naa i, te masu nde kuni‑ka o i.

Apocalipsis 18:8

Chukan kúu ja in‑ni kivi jin kenda koo kue'e ndo'o neni ña ma, te ko kokon ko yichi ña, te ndanda'yu ña, te kûu ña, te kayu ña nuu ñu'u i'ni ma, vaa Su'si Iya Tátnuni iya ndákan kuenda nuu ña ma, iyo kua'a tnu'u ndee tnu'u ndatnu ya ma ―‍kúu i ká'an i.