Apocalipsis 17:15 - New Testament Psalms and Proverbs in Mixtec Magdalena Peñasco

¹⁵ Te suni ni ka'an tna i: ―‍Ndute kua'a ni jini ni nuu núkoo ña'a kuneé ku‑uun ma ka kuu kua'a ñuu nuu ka iyo ñayii a, te kua'a xeen i ka kuu, ndeva'a‑ni na sa'an ka ka'an i ma.

Apocalipsis 17:15 ပူးပေါင်းရင်းမြစ်များ

Salmos 18:4

Nuu ndó'o néni sa ma, ni jani ini sa ja kûu sa nkuu, vaa ni ka ndakonduu ña'a ja u'vi ma, ja jin ka'ni ña'a i, te ni yu'u sa.

Salmos 65:7

Sukan ni'i ni'i‑nka kúu yu'u ndute nuu mar ma, kovaa maa ni kúu iya sa'a ja ndúu nañii de ma. Te sukan ni'i ni'i‑nka kua'an nuu ndute ma, te maa ni sa'a ja ndúkuee nuu de ma. Te maa ni ndása'a kuee ini ndaka ñayii ka kuni ja jin kanaa i ma.

Apocalipsis 10:11

Sani te ni ka'an ángel ma nuu sa: ―‍Jiniñu'u ja ndakaxtnu'u ni in‑ka jichi nuu ñayii ma ja jin ndo'o jin tna'a kua'a ñuu lilikin ma, ji'in ñuu na'nu ma, ji'in kua'a ñayii ndeva'a‑ni na sa'an ka ka'an i ma, ji'in tee ka tatnuni ma ―‍kúu i ká'an i.

Apocalipsis 11:9

Te ñayii ka iyo ndaka ñuu kuechi ma, ndaka jichi i ma, ndaka sa'an ka ka'an i ma, ndaka ñuu na'nu ma, jin kuni i ñunde'yu de ma uni kivi yo sava, te masu iyo ja kuu jin chu'u i ñunde'yu de ma.

Apocalipsis 17:1

Sani te ni kii in ángel ni ka yinda'a ndi‑uja copa ma, te sa'a ni ka'an i nuu sa: ―‍Ne'e ni, te kaxtnu'u sa nuu ni sukan ndo'o ña'a kuneé ku‑uun ma, ña'a núkoo siki ndute kua'a xeen ma.

Apocalipsis 5:9

Te ka jita de in yaa jaa nuu ya, ja ká'an: Maa ni iyo ja kuu tnii ni tutu a te ndakana ni sellu ka ndenee a, vaa maa in‑ni ni ni ji'i ja kuechi ka ndiso sa ma, te ji'in niñi maa ni ma ni ndakuaan ña'a ni, ja ka iyo sa ndaka ñuu ma, ja ka ka'an sa ndaka sa'an ma, ja ka iyo sa ndaka ñuu kuechi ma ji'in ñuu na'nu ma, ja ni ka nduu sa sa'ya Su'si ma.