Apocalipsis 11:18 - New Testament Psalms and Proverbs in Mixtec Magdalena Peñasco

¹⁸ Te ni ka ndakiti ini ndaka ñuu ma nuu ni, te ni ndakiti ini maa ni nuu i, te jâ ni kenda kivi ja ndakan ni kuenda nuu ñayii ni ka ji'i ma, te kua'a ni ja vii ja va'a nuu ñayii ni ka jinukuechi nuu ni ma, ja ka kuu i ñayii ni ka yo ndakaxtnu'u i tnu'u maa ni ma, ja ka kuu i ñayii ñatuu na ja u'vi ni ka yo sa'a i ma, ja ka kuu tna i ñayii ni ka yo yu'u ja jin sa'a i ja u'vi ja ñatuu játna ini ni ma, ja ka kuu i ñayii kuechi ma ji'in ñayii nija'nu ma, te xnaa ni ñayii ka xnaa nuu ñu'ú ya, ka kuu de ka ka'an de.

Apocalipsis 11:18 ပူးပေါင်းရင်းမြစ်များ

Salmos 103:11

Vaa sukan sukun andivi a, sukan ka'nu ini ya te kúnda'vi ini ya ñayii ka yu'u i ya ma te ñatuvi‑ka na ja u'vi ka sa'a i ma.

Salmos 110:5

Te Su'si Iya Tátnuni ma, núkuiñi ya xiñi kua'a ni a, te maa ya sa'a ja jin skenaa tee ka kuu rey ma kivi kaxtnu'u ya sukan ndákiti ini ya nuu de ma.

Salmos 147:11

Su'si o a chi ja játna ini ya kúu in ñayii yu'u, nasa yukan, te sa'a i in ja u'vi ja ñatuu játna ini ya ma, te ni‑yu'u ni‑ini i kúkanu ini i ya ja kútoo ña'a ya te kúnda'vi ini ña'a ya.

Salmos 2:5

Sani te nuna ndakiti ini ya te ndonda ya nuu i chi jin koyu'u xen‑xeen i, vaa îyo xeen ndonda ya nuu i.

Salmos 85:9

Ja ndaa ndija kúu ja nde o yu'u Su'si ma chi iyo yatni ya ja sa'a ya ja kaku o nuu ja u'vi ma, sukan‑va'a koo jayiñu'u ya ñuu nuu ka iyo o ya.

Mateo 5:12

Jin kusii ini ni, te jin kutachi ni, vaa iyo ja ka'nu ka'nu ja jin kuta'vi ni ja iyo i onde andivi ma, te jin kona'a ni ja sukan ka sondikin ña'a ñayii a, sukan ni ka yo sondikin i tee ni ka yo ndakaxtnu'u tnu'u ni yo wa'a Su'si ma, tee ni ka yo iyo onde xi'na‑ka ma.

Lucas 1:50

Su'si ma, ndimaa kúnda'vi ini ya ñayii ka yu'u nasa yukan, te jin ko sa'a i in ja ñatuu játna ini ya ma.

Hebreos 9:27

Vaa yo'o ja ka kuu o ñayii a chi iyo ja jin kûu o in jichi, te ndakan Su'si ma kuenda nuu o nawa ni ka yo sa'a ni ka yo kuu o ma.

Apocalipsis 10:7

Chi su'va nuna keja'a ángel ku‑uja ma tivi i trompeta ma, te ko kuu ndaka ja ni jani ini Su'si ma ja sa'a ya ma, ndaka sukan ni kaxtnu'u ya nuu tee ni ka yo jinukuechi nuu ya ma te ni ka yo ndaka'an de tnu'u ni yo wa'a ya ma.

Apocalipsis 11:2

Kovaa nuke'e veñu'u ma, máko chikua'a ni, vaa ni ka ndunda'a ñayii masu ka kandija Su'si ma. Te uu xiko uu (42) yoo jin sa'a ndeva'a i ñuu nuu ni ka iyo ñayii ñatuu na ja u'vi ni ka yo sa'a i ma.

Apocalipsis 13:10

Nú na in iyo ja kinee va'a i, te kinee va'a i, te nú na in iyo ja kûu i ji'in yuchi kuiñi kúu espada ma, te sukan kûu i. Te sa'a, te kuni o sukan ka kanda ñayii ñatuu na ja u'vi ka sa'a i ma te ka kandija i Su'si ma.

Apocalipsis 13:16

Te ni sa'a ti ja ndaka ñayii ma, te jin kondenee tnuni maa ti ma nda'a kua'a i ma xi tnee i ma, ka kuu i ñayii kuechi, ñayii nija'nu, ñayii ka kuxiku, ñayii ka kunda'vi, ñayii ka ndanuu, ñayii ka jinukuechi ma. Ndaka i jin kitnuni.

Apocalipsis 14:10

te suni ndo'o neni i ndaka ja iyo ja xndo'o xneni ña'a Su'si ma, vaa ni ndakiti ini ya, te xndo'o xneni ya i nuu ñu'u i'ni ma ja káyu ji'in azufre ma, te jin konde'ya ángel ñatuu na ja u'vi ka sa'a i ma ji'in iya kúu sukan kúu ndikachi jaa ma.

Apocalipsis 15:1

Te ni jini sa in‑ka seña andivi ma, te ja ni jini sa ma kúu uja ángel ji'in uja kue'e ja jin ko kuu sandi'i‑nka, vaa kue'e yukan‑nka ka kuu sandi'i‑nka ja xndo'o xneni Su'si ma ñayii ni ka sa'a ja ni ndakiti ini ya ma, kuechi ja ñatuu ni ka kandija i ya ma.

Apocalipsis 15:7

Te in kiti téku ma, ni chi'i ti nda'a ndi‑uja ángel ma in in copa oro te ka ñu'u chitu ja iyo ja xndo'o xneni‑ka Su'si ma ñayii ñatuu ni ka kandija ja ká'an ya ma, ja suu ya kúu iya téku ni‑kani ni‑jika ma.

Apocalipsis 18:6

Jin xndoo ni ña, te ndando'o ndaneni maa ña uu jichi sukan ni yo sa'a, ni yo kuu ña ma ji'in jaku‑ka ñayii ma. Te nuu ni satu'va ña ja jin ko'o ñayii ma jin ndatnaa‑ka ni uu‑ka jichi ja ko'o ña.

Apocalipsis 19:15

Te yu'u ya ma kée in yuchi kuiñi xen‑xeen kúu espada, sukan‑va'a xtnakue'e ya ñayii ka iyo ñuu na'nu ma ja ñatuu ni ka kandija i ya ma, te yinda'a ya in yutnu xii kaa. Te maa ya kuiñu nuu ka jaxi i uva ma, te cha'a kúni ka'an ja ndákiti ini xen‑xeen ini Su'si iya kúu sa'a ndaka ma.

Apocalipsis 19:18

sukan‑va'a jin kaa ro kuñu tee ka kuu rey ma, ji'in kuñu tee ka tatnuni nuu soldado ma, ji'in kuñu tee ni ka iyo tnu'u ndee tnu'u ndatnu ma, ji'in kuñu caballu ma, ji'in kuñu tee ka yoso caballu ma, ji'in ndaka kuñu ñayii ñatuu ka jinukuechi ma, ji'in ñayii ka jinukuechi ma, ka kuu i suchi kuechi ka kuu i ñayii nija'nu, ja ñatuu ni ka kandija i ja ka'an Su'si ma ―‍kúu i jiña'a i.

Apocalipsis 19:5

Te nuu núkoo ya ma ni jiniso'o sa in ja ká'an: Jín ndachiñu'u o Su'si o a, ndaka ro suchi kuechi, ji'in ndaka ni ñayii nija'nu, ndaka o ja ka jinukuechi o nuu ya a, ji'in ndaka o ja ka ndi ini o ja jin koo va'a o nuu ya a, kúu ká'an.

Apocalipsis 20:12

Te ni jini sa ñayii ni ka ji'i ma, ñayii nija'nu ma ji'in suchi kuechi ma, ka nukuiñi i nuu Su'si ma, te ni ka ndanune libru ma, te suni ni ndanune in‑ka libru, te libru ya'a kúu ja ka'an nde ñayii jin koteku ma, te sukan ka ka'an libru ma ni ndakan ya kuenda nuu ñayii ni ka ji'i ma nawa ni ka yo sa'a, ni ka yo kuu maa i ma nuu ni ka yo iyo i ñuu ñayivi a.

Apocalipsis 20:15

Te ñayii ñatuu na ja nani i ma ndenee nuu libru ká'an ja jin koteku o ma, ni skana ya i nuu ñu'u káyu kóko ma.

Apocalipsis 22:12

Te ká'an Jesús ma: ―‍Sani te kenda yachi sa, te yinda'a sa ja skuta'vi ña'a sa, sukan‑va'a ndataa sa nuu ndi‑in ndi‑in ni sukan ni ka satniñu ni ma.