2 Timoteo 1:5 - New Testament Psalms and Proverbs in Mixtec Magdalena Peñasco

⁵ Vaa ndáka'án sa sukan kándija ndija ni Su'si ma, te kúsii ini sa, vaa sukan ni ka yo kuu na'nu ni Loida ma, ji'in si'i ni Eunice ma, te kúkanu ini tna sa Su'si ma ja sukan ni ka yo kandija ña Su'si ma, te sukan ko kuu tna ni nuu ya.

2 Timoteo 1:5 ပူးပေါင်းရင်းမြစ်များ

Salmos 116:16

Su'si Iya Tátnuni, saña ja jinukuechi sa nuu ni a, te suni si'i sa ma, ni yo jinukuechi ña nuu ni a, te maa ni ni ja'nde yo'o kaa ni yo nu'ni sa ma.

Salmos 17:1

Iya Tátnuni, koniniso'o vava'a ni in ja jikan‑ta'vi sa nuu ni a, vaa ja ndaa ndija kúu, te másu xnda'vi ña'a sa, te katanuu ni ja jikan‑ta'vi sa a.

Salmos 18:44

Ja ni ka jiniso'o i ja ká'an sa ma, te ni ka kandija i ja ni tatnuni sa ma, te sa'ya ñayii ñatuu jini ña'a ma, ni ka kandija i ja ká'an sa ma.

Salmos 22:10

Te nuu nda'a maa ni ni yo iyo sa, te ni yo jito va'a ña'a ni, visi ñatuu kâku‑ka sa ma, nuu ñunee‑ka sa chii si'i sa ma, te maa ni kúu Su'si sa onde kivi yukan.

Salmos 66:3

Jín kuña'a o nuu Su'si ma sa'a: “Ndaka ja sa'a ja kúu ni ma chi vii xen‑xeen ka na'a. Vaa maa ni kúu ja iyo kua'a tnu'u ndee tnu'u ndatnu, te chukan kúu ja ndaka ñayii ñatuu ka kunimani nuu ni ma chi visi ñatuu ka kuni i, kovaa jin kandija i ja ká'an ni ma.

Salmos 77:6

Te ndáka'án sa sukan ni yo jita sa ndaka jakuaa ma ja ni yo ndachiñu'u ña'a sa ma, te ndákani ndáka'vi ini sa. Te jikan‑tnu'u sa maa sa:

Salmos 81:15

Te ndaka ñayii ka saxiko ña'a saña ja kúu sa Iya Tátnuni ma chi jin kandija i ja ka ka'an ñayii ñuu sa ma. Te ni‑kani ni‑jika jin ndo'o jin neni maa ñayii ni ka saxiko ña'a i saña ma nkuu.

Salmos 86:16

Konde'ya ña'a ni, te kunda'vi ini ña'a ni saña ja kúu sa tee jinukuechi nuu ni a, te taa ni tnu'u ndee tnu'u ndatnu, te koto va'a ña'a ni ja kúu sa sa'ya ña'a jinukuechi nuu ni a.

Juan 1:47

Nuu ni jini Jesús ma ja kuan tu'va tee kúu Natanael ma, te jiña'a ya: ―‍Ya'a vee in tee ndija ñuu Israel ya, in tee masu xnda'vi ñayii ma kúu de ―‍kúu ya jiña'a ya.

Hechos 16:1

Sani te ni ka kenda koo de ñuu Derbe ma ji'in ñuu Listra ma, te yukan ni ka ndatna'a de ji'in in tee jaa ndikin Jesús ma nani de Timoteo. Te si'i de ma, kándija ña Su'si ma, te ña'a ñuu judío ma kúu ña, te yuva de ma, in tee ñuu griego ma kúu de.

Hechos 26:26

Chukan kúu ja masu yu'u sa ja ká'an sa nuu rey Agripa a, vaa jani ini sa ja jâ jini de ndaka tnu'u ya'a, vaa masu in nuu iyo yu'u ni yo kuu ndaka ja ká'an sa a.

Romanos 14:14

Saña chi jini sa, te kúkanu ini sa Jesús Iya Tátnuni ma ja ni‑in ja jaa o ma iyo tne'e. Kovaa nú maa ñayii ma, jani ini i ja iyo tne'e ja jaa i ma chi sukan iyo, kuechi ja sukan jani ini maa i ma.

Romanos 14:5

Te jaku ñayii ma chi ka jani ini i ja ka iyo kivi kanuu‑ka te ka iyo kivi ndeva'a‑ni. Kovaa jaku ñayii ma chi inuu‑ni ka kuu ndaka kivi ma, ka jani ini i. Ndi‑in ndi‑in ñayii ma, na jin kukanu ini i sukan ka jani ini i ma, te jín sa'a i sukan.

Romanos 15:14

Ndijin ja ni ka nduu o sa'ya Su'si o ma, kúkanu ini sa ja ka kunda'vi ini tna'a xeen o, te jâ ka jini ni ndaka tnu'u ndaa tnu'u ndija ma, sukan‑va'a kuu jin ndaka'an‑so'o nuu tna'a ndi‑in ndi‑in ni te jin ndakani ichi tna'a ni.

Romanos 4:21

Vaa ni kandija de ja ni ka'an Su'si iya kúu sa'a ndaka ma, te ni kukanu ini de ya ja sa'a ya ndaka sukan ni skuiso ya ma.

Romanos 8:38

Chukan kúu ja kukanu ini sa ja visi na jin kûu o xi jin koteku o, te ni a ángel ma, ni a ndaka ja ka ndanuu‑ka ma, ni a iyo vitna a, ni a kii kivi ki'in o ma,

2 Corintios 6:6

Te ka ndi ini sa ja ñatuu‑ka na ja u'vi jin koo ini anua sa a, te ka jini sa ja tnu'u ka kaxtnu'u sa a chi tnu'u ndaa tnu'u ndija maa Su'si ma kúu, te ñatuu ka kuyachi ini sa, te inuva'a ini sa, vaa ka iyo sa ji'in Xtumani Ndios ma, te ka kutoo ndija ña'a sa,

1 Timoteo 1:5

Sa'a ni sukan, te jin ndasa'a de kuenda, vaa ja kúni Su'si ma kúu ja jin koo vii jin koo ndoo ini anua o a ji'in ja jin kani va'a ini o ma ji'in ja jin kandija ndija o Su'si ma, te onde ndaka cha'a koo ini anua o a sana kuu jin kutoo tna'a ndija o.

1 Timoteo 4:6

Nuna kaxtnu'u ni ndaka cha'a nuu ñayii ni ka nduu sa'ya Su'si ma chi ko kuu ni tee jinukuechi va'a nuu Jesucristo ma, te ko kuu ni in tee ni skua'a va'a tnu'u vii tnu'u va'a Su'si o a, tnu'u sa'a ja kuu kukanu ini va'a o ya ma, te ko kuu ni tee ndikin va'a te sa'a ni sukan ká'an tnu'u vii tnu'u va'a Su'si o a ja ni kutu'va ni ma.

2 Timoteo 1:12

Chukan kúu ja sa'a ndó'o néni sa a. Kovaa masu nde kúkan‑nuu sa, vaa jini sa na in ni kandija sa, te kúkanu ini sa ya ja iyo tnu'u ndee tnu'u ndatnu ya ja ko koto va'a ya ini anua sa a, te kuu xsinu sa ndaka tniñu ni sakargu ña'a ya a.

2 Timoteo 3:15

Vaa onde nuu luluu ni ma, ni kutu'va ni tnu'u Su'si o a. Te maa tnu'u Su'si o a kúu ja sa'a ndichi‑ka ña'a, ja na kukanu ini‑ka ni Cristo Jesús ma, sukan‑va'a ndani'i ta'vi ni.

Hebreos 11:13

Te ndaka ñayii yukan ja ka kukanu ini i Su'si ma, te visi ni ka ji'i i ma te ñatuu jin ni'i‑ka i nuu ni skuiso Su'si ma, kovaa kuenda tnu'u ja jâ ka nde'ya i nuu jin koo i ma, tna'a nuu iyo ja jin kenda koo o ma, te ni ka kukanu ini i ja jin ni'i i ma. Te ni ka ndaka'an, ni ka ndakachi i ja masu ñayii ñuu ñayivi a ka kuu i, su'va nunuu‑ni ni ka iyo i ya'a.

Hebreos 6:9

Te visi sukan iyo ja ka ka'an sa a, kovaa ndijin ja ni ka nduu o sa'ya Su'si o a, kúkanu ini sa ja sukan kúu ñu'ú nuu kána ndaka ja va'a ma ka kuu ni, na ko ka'an o ja ka iyo ni ichi nuu ndani'i ta'vi o ma.

1 Pedro 1:22

Te vitna chi jâ ni ka nduvii ini anua ni a, vaa ka kandija ni ja ndaa ja káxtnu'u Xtumani Ndios ma, te ûni jín kutoo tna'a ndija ndi‑in ndi‑in o. Te chukan kúu ja ni‑yu'u ni‑anua o jín kutoo tna'a o, te in‑ni ja jin kani ini o.