2 Tesalonicenses 1:5 - New Testament Psalms and Proverbs in Mixtec Magdalena Peñasco

⁵ Te sa'a, te ka jini o ja ni sa'a ndaa, ni sa'a ndija Su'si ma, nuu ni ka'an ya ja ka iyo ni ja kuu jin kivi koo ni nuu tátnuni ya ma, vaa ka kanda ni ja ka ndo'o ka neni ni a.

2 Tesalonicenses 1:5 ပူးပေါင်းရင်းမြစ်များ

Salmos 111:7

Te ndaka ja ni sa'a ya ji'in nda'a ya ma inuu kúu ji'in tnu'u ndaa tnu'u ndija ká'an ya ma ji'in sukan jani ini ya ma. Te tnu'u tátnuni ya ma chi kuu jin kukanu ini o, vaa ja va'a kúu.

Salmos 33:5

Vaa maa ya chi játna ini ya ja ndaa ja ndija ma. Te ni‑ka'nu ñuu ñayivi a iyo tnu'u nda'vi ini ya ma.

Salmos 50:6

Te andivi ma chi sa'a jin ndaka'an i: “Su'si o a chi iya ndákan ndaa kuenda kúu ya te ndandaa‑ni ja'nde ya tniñu ñayii ma”, jin ndaka'an i.

Salmos 72:2

Te rey ya, na sa'a ndaa na sa'a ndija de ja jin kuu ñayii ñuu ni a, ji'in ñayii ka kunda'vi ka kukee ma te ka kukanu ini ña'a i maa ni, vi Su'si.

Salmos 99:4

“Maa ni kúu Rey iya sa'a ndaa sa'a ndija ma, te chukan kúu ja kóo jayiñu'u nuu maa ni a. Te maa ni káxtnu'u ja inuu‑ni ka kuu ndaka ñayii ma, te ñatuu na nde i kanuu‑ka. Te sukan ni sa'a ndaa ni sa'a ndija ni ji'in sa'ya tata Jacob ma.” Sa'a jin kuña'a ni ya.

Lucas 20:35

kovaa ñayii jin ndani'i ta'vi ma, te ja jin ndateku i ma te jin kenda koo i ñuu ñayivi jaa ma, kúu tee kúu ña'a, masu jin ndatnanda'a‑ka i,

Lucas 21:36

Chukan kúu ja jin koo tu'va maa ni ndi‑kivi ndi‑ñuu. Te jin kakan‑ta'vi jin kakan‑ta'vi ni nuu Su'si ma, sukan‑va'a kuu jin kaku ni nuu ndaka ja iyo ja ko kuu ma, sukan‑va'a kuu jin kenda koo ni nuu iyo sa ja kúu sa iya vee ñayivi ñuu ñayivi a te jin ndatna'a o ―‍kúu ya jiña'a ya.

Hechos 13:46

Pablo ma ji'in Bernabé ma, masu ni ka yu'u de, te ni ka ndakone'e de: ―‍Ja kúni Su'si ma nkuu ja xinañu'u‑ka nuu ndijin ja ka kuu ni judío ma jin kaxtnu'u sa tnu'u Su'si ma nkuu. Kovaa maa ni, ñatuu ka jan‑ta'vi ni ja suu ni jin ko kuu ñayii jin koteku ni‑kani ni‑jika nuu Su'si ma. Te chukan kúu ja vitna chi jin koo sa nuu ñayii masu judío ka kuu i ma,

Hechos 14:22

sukan‑va'a jin chindee de ñayii ni ka kandija tnu'u vii tnu'u va'a maa Jesucristo ma, te jin ndaka'an‑so'o de nuu ñayii ma ja jin kukanu ini va'a i Su'si ma. Te ka jiña'a de: ―‍Jin kona'a ni ja yo'o ja ka ndikin o Su'si o a chi kua'a xeen ja jin ndo'o jin neni o, sana kenda koo o nuu tatnuni Su'si ma ―‍ka kuu de ka jiña'a de.

Romanos 2:5

Kovaa ja sukan ndee ini ni a te ñatuu ndákani ndáka'vi ini ni a, sa'a ni ja ndákiti xeen ini Su'si ma nuu ni, kivi kenda ja ndakan ndi'i ndakan tu'u ya kuenda nawa ni yo sa'a, ni yo kuu ni ma.

Romanos 8:17

Te nú sa'ya Su'si ma ka kuu o te ka ndo'o ka neni o sukan ni ndo'o, ni neni Cristo ma, te jin ni'i o ja jin kuta'vi o ji'in ya ma, te jin koo jayiñu'u o ji'in ya ma.

Efesios 4:1

Chukan kúu ja saña, ja kuechi ja káxtnu'u sa tnu'u vii tnu'u va'a Iya Tátnuni a, te yinee sa vekaa a, te jikan‑ta'vi sa nuu ni ja jin ko kuu va'a jin ko kuu ndaa ni, sukan iyo ja jin ko sa'a o ja ka kuu o ñayii ni ndakana ña'a Iya Tátnuni ma.

Filipenses 1:28

Te sa'a, te ka jini o ja Su'si ma sa'a ja ichi jin ndani'i ta'vi ni ma kuan koo ni. Chukan kúu ja másu ko jin koyu'u ni nawa ka sa'a ka kuu ña'a ñayii ñatuu ka kunimani nuu ni ma. Vaa sa'a, te ka jini o ja kuan koo maa i ichi nuu jin skenaa i maa i ma, ja sukan ka sa'a i ma.

Colosenses 1:12

sukan‑va'a sii ini jin ndakuan‑ta'vi ni nuu Yuva o iya ni satu'va nuu jin ndani'i ta'vi o ji'in ndaka‑ka ñayii ñatuu‑ka na ja u'vi ka sa'a i ma, vaa masu nuu nee‑ka ma ka iyo o a.

1 Tesalonicenses 2:14

Vaa ndijin ja ni ka nduu ni sa'ya Su'si o ma, ni ka ndo'o ni sukan ni ka ndo'o ñayii ka iyo ñuu Judea ma ja ka kandija i Su'si ma ja maa Jesucristo ma. Vaa ni ka sa'a ndeva'a ña'a ñayii judío ma, te vitna ja ndi‑tna'a ñuu i ma, te sukan ni ka xndo'o ña'a maa ñayii ñuu ni a.

2 Tesalonicenses 1:11

Chukan kúu ja ndimaa ka jikan‑ta'vi sa nuu Su'si ma ja jin kuu ni, sukan‑va'a ká'an ya ja va'a‑ni ja ni ndakana ña'a ya, te maa ya na chindee ña'a ji'in tnu'u ndee tnu'u ndatnu ya ma, sukan‑va'a kó kuu ndaka ja va'a ja ka kuni ni ja jin sa'a ni ma vaa ka kandija ni Su'si ma.

2 Timoteo 2:12

Te nú ka ndo'o ka neni o, ja kuechi ja ka ndikin o ya a chi kenda kivi ja jin tatnuni tna o ji'in ya. Te nú maa o na jin ka'an ja ñatuu ka jini o ya chi suni ka'an tna ya ja masu jini ña'a ya.

Apocalipsis 15:4

¿Na in ma koyu'u ña'a te ma ndachiñu'u ña'a i maa ni, Su'si Iya Tátnuni? Vaa maa in‑ni ni kúu iya ii. Chukan kúu ja ki koo ñayii ka iyo ndaka ñuu ma, te jin ndachiñu'u ña'a i, vaa jâ ni ka jini i sukan sa'a ndaa sa'a ndija ni a. Sa'a ká'an ja ka jita i nuu ya ma.

Apocalipsis 16:7

Te suni ni jiniso'o sa in‑ka ja ká'an onde nuu altar ma: ―‍Saa vi, Su'si Iya Tátnuni iya kúu sa'a ndaka, vaa ja'nde ndaa ni tniñu, te ja vava'a kúu ―‍kúu i ká'an i.

Apocalipsis 19:2

Vaa sa'a ndaa sa'a ndija ya, te ni sa'a ya ja jâ ni ndachunaa ña'a kúneé kú‑uun ma ja u'vi ni yo sa'a ña ma, vaa ni yo sa'a ña ja jin ko sa'a ñayii ma ja u'vi sukan ni yo sa'a ña ma, te jâ ni ndachunaa ña ja ni yo ja'ni ña ñayii ni ka yo jinukuechi nuu Su'si o a, ka kuu i ka ka'an i.

Apocalipsis 3:4

’Kovaa ka iyo jaku‑ka ñayii ñuu Sardis ma ja ñatuu jin satne'e‑ka i sa'ma ka ne'nu i ma, te ñayii ya'a chi jin kone'nu i sa'ma kuijin kuijin, te kuan koo ve koo i ji'in ri jin ko kuu i, vaa ni ka kandija i, te suu i ka iyo ja jin koo i ji'in ri.