2 Pedro 3:5 - New Testament Psalms and Proverbs in Mixtec Magdalena Peñasco

⁵ Te tee ya'a chi ñukuun ka sa'a de ja ñatuu ka ndakunitnuni de ja onde xi'na‑ka ma, ja maa Su'si ma ni ka'an, te ni ka kuva'a andivi ma te ni kuva'a ñu'ú ya, te maa nuu ndute ma ni nana ñu'ú ya'a, te ja maa ndute ma te iyo i.

2 Pedro 3:5 ပူးပေါင်းရင်းမြစ်များ

Salmos 136:6

Jín ndachiñu'u o maa iya ni ndasunkani ñu'ú a nuu ñu'u kua'a ndute ma, vaa ni‑kani ni‑jika nda'vi ini ya sa'ya ya ma.

Salmos 24:2

Te ni sonee ya ñu'ú a siki ndute ma, te ni sunkani va'a ya.

Salmos 33:6

Ja ni sa'a Iya Tátnuni ma kúu ja ni ka'an ya, te ni ka kuva'a andivi a. Te ja ni tutachi ya ji'in yu'u ya ma, te ni ka kuva'a ndaka tiuxini ka iyo andivi a.

Proverbios 17:16

Ñayii ndee xeen ini ma chi masu nde jiniñu'u ja neva'a kua'a xeen i xu'un i ma, vaa ni masu kuu kuaan i tnu'u ndichi Su'si a ji'in xu'un i ma, vaa ni masu jaku'ni ini i ma.

Romanos 1:28

Te kuechi ja ñatuu ka kandija i Su'si ma, te ni sa'a ya ja janitnuni i ma ni ka nduneé, ni ka ndu‑uun‑nka, te ñatuu nde ka ndasa'a i kuenda ja masu nde jiniñu'u ndaka ja ka sa'a i ma.

Colosenses 1:17

Te maa ya iyo xinañu'u sana ndaka‑ka ja ka iyo a, te ja maa ya, te ka iyo ndaka, te ñatuu nawa naa.

Hebreos 11:3

Vaa ka kukanu ini o Su'si ma ja maa ya ni sa'a ñuu ñayivi a, ji'in ndaka ja ka iyo a. Te nuu ni ka kuva'a ndaka a chi masu nawa ni jatniñu ya. Ja ni sa'a ya ma kúu ja ni ka'an ya‑ni, sani te ni ka kuva'a ndaka ja ka nde'ya o a.