2 Pedro 2:8 - New Testament Psalms and Proverbs in Mixtec Magdalena Peñasco

⁸ Vaa tee ya'a, in tee ni yo sa'a ja va'a ja ndaa ni yo kuu de, te ndi‑kivi ndi‑kivi ni yo kuxii ini de, vaa nde'ya de te jiniso'o de ja u'vi ka sa'a ñayii ka iyo yukan.

2 Pedro 2:8 ပူးပေါင်းရင်းမြစ်များ

Salmos 119:136

Nda'yu sa ji'in ndenuu sa, vaa kúxii ini sa ja ñatuu ka kandija ñayii ma ja jin sa'a i sukan tátnuni ni ma, vi Su'si.

Salmos 119:139

Te ndákiti xeen ini sa, vaa ndaka ñayii ñatuu ka kunimani nuu sa ma, chi ni ka ndunaa i ndaka sukan ká'an tnu'u tátnuni ni ma.

Salmos 119:158

Kovaa nde'ya sa ndaka ñayii ñatuu ka kandija i ja ká'an ni ma, te ndákiti ini sa nuu i.

Proverbios 25:26

Sukan kuu nuu tóo ndute tiñu'u xi nuu ñu'u ndute tne'e ma, sukan kúu ñayii masu na kuechi nkuu ma, te ja jiniso'o i sukan ká'an ñayii sa'a ja u'vi ma, te jákondee i sa'a tna i ja u'vi ma.

Proverbios 28:12

Nú ka kundee ñayii ka sa'a ja va'a ja ndaa ma chi ndaka ñayii ka kutachi, kovaa ora ka kundee ñayii ka sa'a ja u'vi ma chi ndaka ñayii ma ka chu'u, vaa ñatuu ka jini i naxe jin ndo'o jin neni i ja kuechi ñayii ka sa'a ja u'vi ma.

1 Timoteo 1:9

Yo'o ja ni ka nduu o ñayii ka sa'a ja va'a ja ndaa ma, te jín kona'a o ja tnu'u ni wa'a Su'si ma ja ni tatnuni Moisés ma nuu ñayii ma chi ká'an ndaka sukan jin ndo'o jin tna'a ñayii ka sa'a ja u'vi ma, kovaa masu ja jin kuu yo'o kúu chi ja jin kuu ñayii so'o ñayii ñatuu ka kandija sukan ká'an Xtumani Ndios ma kúu. Vaa ndimaa ka sa'a i ja u'vi ma, te ñatuu ka ndaa respetu i nuu Su'si ma, su'va ka jatanuu i tna'a ja iyo ñuu ñayivi a. Vaa jaku ñayii ma chi ka ja'ni i yuva i ma xi si'i i ma xi ndeva'a‑ni na ñayii jin ni'i i ma.

Hebreos 11:4

Te suchi ni yo kuu Abel ma chi ja kukanu ini i Su'si ma, chukan kúu ja ja va'a‑ka ni ndakua'a i nuu Su'si ma sana ja ni ndakua'a ñani i Caín ma. Te ja ni sa'a i sukan ma, te ni ka'an Su'si ma ja in ñayii sa'a ja va'a ja ndaa kúu i. Te visi jâ ni ji'i i ma, kovaa ja ni sa'a ni kuu i ma chi ndaka'an Su'si ma nuu yo'o vitna ja sukan ni kukanu ini i ya ma.

Santiago 5:16

Kanuu ja jin ndaka'an jin ndakachi nuu tna'a o na kuechi ni ka sa'a o ma, sukan‑va'a jín ndakakan‑ta'vi o nuu Su'si ma ja na sakanu ini ña'a ya, te jin nduva'a o. Vaa ja jikan‑ta'vi ñayii iyo va'a nuu Su'si ma kúu ja chíndee xeen ña'a i.