2 Pedro 2:12 - New Testament Psalms and Proverbs in Mixtec Magdalena Peñasco

¹² Kovaa ñayii ya'a chi ñatuu ka jaku'ni ini i te ka ka'an yichi i nuu suchi ka tatnuni ñuu ñayivi a. Te sukan ka kuu kiti masu ka ndasa'a kuenda ka kuu i. Ni ka kâku i ja ndimaa sukan‑ni jin ko sa'a i. Te kuechi ja sukan ka sa'a i ma, te jin skenaa i maa i.

2 Pedro 2:12 ပူးပေါင်းရင်းမြစ်များ

Salmos 49:10

Vaa onde ñayii inundichi ma chi jin kûu tna i, te inuu kuiti jin skenaa i maa i ji'in ñayii inuso'o ka ndaa ma te ñatuu ka jaku'ni kuiti ini i sukan kúni Su'si ma. Te ndaka ja ka neva'a i ma in‑ka ñayii ndunda'a.

Salmos 92:6

Kovaa ñayii ñatuu ndása'a kuenda ndaka ja sa'a ja kúu ni a chi masu nawa jini kuiti i, te ñayii ndee ini ma chi ñatuu jáku'ni ini i ja maa ni ni sa'a ndaka ma.

Salmos 94:8

Ndijin ja ka kuu ni ñayii inundee xeen ini a te ka kuneé ka ku‑uun ni a, jin jaku'ni ini ni te jin ndasa'a ni kuenda. ¿Te onde na saa‑ka kivi, sana jin jaku'ni ini ni?

Proverbios 14:32

Ñayii sa'a ja u'vi ma chi kenda kivi ja onde andeya ma skana ya i ja sukan ni yo sa'a i ma, kovaa ñayii sa'a ja va'a ja ndaa ma chi visi na kûu i ma chi iyo ja va'a ndetu ña'a.

Marcos 7:22

ji'in ja ñayii ni tnanda'a ma, te ka kivi nduu i ji'in in‑ka ñayii ma, ji'in ja ka ndiyo ini i ja jin koneva'a i ndaka ndatniñu ma, ji'in ja ka sa'a i ndaka ja u'vi ma, ji'in ja ka xnda'vi tna'a i ma, ji'in ja ka ka'an kini i ma, ji'in ja ka kukueñu ini i ma, ji'in ja ka ka'an i tnu'u ñayii ma, ji'in ja ka jani ini i ja maa in‑ni i ka kuu ja ka ndanuu‑ka ma, ji'in ja ñatuu ka ndasa'a i kuenda ja u'vi ka sa'a i ma.

Juan 8:21

Jesús ma, jiña'a tuku ya: ―‍Saña chi no'o sa nuu vee sa ma, te ndijin chi jin ndanduku ña'a ni, kovaa ja ñatuu ka kandija ña'a ni a, te jin kondiso kuechi maa ni, te jin kûu ni. Te nuu no'o sa ma masu kuu jan koo ni ―‍kúu ya jiña'a ya.

Gálatas 6:8

Vaa nú na in na sa'a ja játna ini yikikuñu i ma chi ndani'i i ja ndo'o neni yikikuñu i ma. Kovaa ñayii sa'a sukan játna ini Xtumani Ndios ma chi ja ndani'i i ma kúu ja koo i ni‑kani ni‑jika nuu Su'si ma.

Colosenses 2:22

Vaa ndaka cha'a chi ja ka kaxtnu'u ñayii ma‑ni kúu, te ka tatnuni i ja jin sa'a ñayii ma, te vitna ja ndaka ndatniñu ya'a chi ka tivi i nuna kuatniñu o, te ka naa i.

2 Pedro 1:4

Te sukan, te ni skuiso ya ja taa ya ndaka ja vii ja va'a iyo ja jin ni'i o ma, te ûni jín koo o jín tu'va‑ka o ya, sukan‑va'a jin koo tu'va‑ka o ja jin sa'a o sukan sa'a sukan kúu maa ya ma, te chukan kúu ja ûni jín xndoo o ja u'vi ma ja iyo ñuu ñayivi ya, tna'a ja ni ka yo kuu ini o ja jin ko sa'a o ma.

2 Pedro 2:19

Te ka jiña'a i nuu ñayii nda'vi yukan ma ja kuu jin sa'a i nawa ka kuni maa i ma, vaa maa ñayii ka ka'an sa'a ma chi ka nu'ni i nuu ja u'vi ma, vaa nú nawa kúndee nuu o ja tátnuni i ja sa'a o ma chi nuu i jinukuechi o.

Judas 1:10

Kovaa tee ya'a chi ka ka'an ndeva'a de, visi ñatuu ka jini de nawa ka kuu ma. Kovaa ja ka jatna ini maa de ma ka sa'a de, te sukan ka kuu kiti ñatuu ka jaku'ni ini ma, sukan ka kuu de, te ka sa'a u'vi de maa de ma.