2 Pedro 2:11 - New Testament Psalms and Proverbs in Mixtec Magdalena Peñasco

¹¹ Vaa ni a ángel ma ja ka iyo‑ka tnu'u ndee tnu'u ndatnu i ma, masu nde ka jikan i nuu Iya Tátnuni ma sukan ka kuni i ja xndo'o xneni ya suchi ka tatnuni ñuu ñayivi ya.

2 Pedro 2:11 ပူးပေါင်းရင်းမြစ်များ

Salmos 103:20

Ndaka ro ja ka kuu ro ángel ka kandija sukan tátnuni Su'si ma te ka sa'a ro sukan ká'an ya ma te ka iyo tnu'u ndee tnu'u ndatnu ro a, jin ndachiñu'u Su'si Iya Tátnuni ma.

Salmos 104:4

Te sa'a ni ja kajin yi'i ma káxtnu'u nawa kúni ni ja káxtnu'u ni nuu ñayii ma, te sa'a ni ja ñu'u i'ni ma chi ka kandija i ja ká'an ni ma nú nawa iyo ja jin ka'mi i.

Marcos 7:22

ji'in ja ñayii ni tnanda'a ma, te ka kivi nduu i ji'in in‑ka ñayii ma, ji'in ja ka ndiyo ini i ja jin koneva'a i ndaka ndatniñu ma, ji'in ja ka sa'a i ndaka ja u'vi ma, ji'in ja ka xnda'vi tna'a i ma, ji'in ja ka ka'an kini i ma, ji'in ja ka kukueñu ini i ma, ji'in ja ka ka'an i tnu'u ñayii ma, ji'in ja ka jani ini i ja maa in‑ni i ka kuu ja ka ndanuu‑ka ma, ji'in ja ñatuu ka ndasa'a i kuenda ja u'vi ka sa'a i ma.

2 Tesalonicenses 1:7

Te ndijin ja ka ndo'o ka neni ni a, sa'a ya ja jin ndatatu ndaka o kivi ndii Jesús iya tátnuni nuu o a onde andivi ma, ji'in ndaka ángel ka neva'a tnu'u ndee tnu'u ndatnu maa ya ma, te ûni kánda'a ita ñu'u ichi vee ya ma,

Judas 1:9

Ni a ángel Miguel ma, masu ni ka'an ndeva'a i te ni masu ni ka'an u'vi i ja kuu tachi ma, nuu ka kanaa ndee i ñunde'yu Moisés ma. Su'va jiña'a i: “Maa Su'si ma ndakan kuenda nuu ro”, kúu i jiña'a i.