2 Corintios 4:9 - New Testament Psalms and Proverbs in Mixtec Magdalena Peñasco

⁹ Visi ka sondikin ña'a i, kovaa masu nde xndoo ña'a Su'si ma. Visi ka sa'a ndeva'a ña'a i, kovaa masu nde ka kundee i ja jin xnaa ña'a i.

2 Corintios 4:9 ပူးပေါင်းရင်းမြစ်များ

Salmos 129:2

nde'e xeen ni ka xndo'o, ni ka xneni ña'a i onde nuu jaa‑ka sa ma, kovaa ñatuu ni ka kundee i ja jin chitna'nu ña'a i.

Salmos 22:1

Su'si maa sa, Su'si maa sa, ¿nava'a ni xndoo ña'a ni? ¿Nava'a jika xeen iyo ni te ñatuu nde niniso'o ni ja kána sa a, sukan‑va'a chindee ña'a ni ja na kaku sa nuu tnundo'o tnuneni a?

Salmos 37:28

Vaa Iya Tátnuni ma chi játna ini ya ja jin ko sa'a o ja va'a ja ndaa ma, te nú sukan na jin ko sa'a o ma chi másu xndoo nda'vi ña'a ya chi su'va ni‑kani ni‑jika ko koto va'a ña'a ya. Kovaa ñayii ka sa'a ja u'vi ma chi xnaa ya sa'ya tata i ma.

Salmos 42:11

Kovaa ni ndachu'un xeen ini sa, te ka'án sa: ¿Te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 42:5

Te jani ini sa, ¿te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 9:10

Te ndaka ñayii ka jini ña'a i maa ni ma, ka kukanu ini ña'a i ja maa ni chindee i, vaa masu nama uun ni xndoo nda'vi ni ndaka ñayii ka ndanduku ña'a ma, vi Iya Tátnuni.

Proverbios 24:16

vaa visi uja jichi na kotuu i, kovaa ndone'e ña'a Su'si ma, kovaa ñayii ka sa'a ja u'vi ma chi jin kotuu i te jin skenaa i maa i.

Juan 15:20

Jin ndaka'án ni sukan ni ka'an sa ma: “Ñatuu ni‑in ñayii jinukuechi ma kanuu‑ka sana ñayii kúu jito'o i ma.” Nú saña, ni ka sondikin ña'a i, suni jin sondikin tna ña'a i ndijin. Nute ni ka kandija i te ni ka sa'a i sukan ká'an sa a chi suni sukan tna jin kandija i te jin sa'a i tnu'u jin ka'an ni ma.

Romanos 8:35

¿Nawa kúu ja kundee ja ma kutoo‑ka ña'a Cristo ma? ¿Ja ndo'o neni o ma, xi ja kuxii ini o ma, xi ja jin sondikin ña'a i ma, xi ja kuni o tnama ma, xi ja ñatuu na sa'ma‑ka o ma, xi ja yika xeen iyo nuu koo o ma, xi ja jin ka'ni ña'a i ji'in yuchi kúu espada ma? ¡Masu nawa kundee!

2 Corintios 7:6

Kovaa Su'si ma chi ndákua'a ya tnu'u kanu ini ñayii kúxii kúnda'vi ini i ma ja sukan ndó'o néni i ma, vaa nuu ni tetniñu ya Tito ma ni jaan de, te ni ka ndusii ini xeen sa ja ni ka ndatna'a sa ji'in de ma.

2 Timoteo 3:12

Te suni ndaka tna'a o ñayii ka kuni ja jin sa'a i sukan játna ini Cristo Jesús ma chi suni jin sondikin tna ña'a ñayii ma, te jin ndo'o jin neni tna i.

Hebreos 13:5

Máko jin ko ndiyo ini ni ja jin koneva'a xeen ni xu'un ma, su'va jin koo sii ini ni nawa ka neva'a ni a‑ni, vaa sa'a ká'an Su'si ma: “Masu xndoo nda'vi ña'a sa, ni masu ndunaa ña'a sa.”