2 Corintios 4:8 - New Testament Psalms and Proverbs in Mixtec Magdalena Peñasco

⁸ Chukan kúu ja masu nde ka kuxii ini sa, visi ka ndo'o ka neni sa a. Xi visi ka jakoxtna'a ka jakoxtnii ja ka sa'a sa a, kovaa Su'si ma sa'a ja ka iyo kuee ini sa te vivii ka ke koo ndaka.

2 Corintios 4:8 ပူးပေါင်းရင်းမြစ်များ

Salmos 129:2

nde'e xeen ni ka xndo'o, ni ka xneni ña'a i onde nuu jaa‑ka sa ma, kovaa ñatuu ni ka kundee i ja jin chitna'nu ña'a i.

Salmos 37:33

Kovaa Iya Tátnuni ma chi masu kua'a ya tnu'u ja sa'a i sukan jani ini i ma, te ni masu kua'a ya tnu'u ja xndo'o xneni i ñayii yukan.

Proverbios 14:26

Ja koyu'u o Su'si ma te ma ko sa'a‑ka o ja u'vi ma vaa iya ndakan kuenda kúu ya ma chi sa'a i ja kukanu ini xeen o ya ja ko koto ña'a ya te ko koto ya sa'ya tata o ma.

Proverbios 18:10

Su'si ma chi sukan kúu in ve'e núkuiñi vava'a kúu ya nuu ñayii sa'a ja va'a ja ndaa ma, vaa nuu maa ya ma jinu i kua'an i, ja na kaku i nuu ja u'vi ma te koo va'a i nuu ya.

Juan 14:18

’Masu xndoo nda'vi ña'a sa. Ndii sa, sukan‑va'a koo sa ji'in ni.

1 Corintios 10:13

Jin kona'a ni ja tachi ma chi iyo ñukuun kuiti i ja kototnuni ña'a i, te ska'an ña'a i, sukan ska'an i ndaka‑ka ñayii ma ja jin sa'a i ja u'vi ma. Kovaa yo'o chi jin kukanu ini o Su'si ma, vaa masu kua'a ya tnu'u ja kototnuni ña'a tachi ma in ja masu jin kundee o nuu i. Vaa jâ ni skuiso maa Su'si ma ja maa ya chindee ña'a, te vivii jin yanduu o, te jin kaku o nuu ja u'vi ma.

2 Corintios 12:10

Te kúsii ini sa ja ñatuu nawa kúu sa'a sa ja maa‑ni sa ma. Te kúsii ini sa ora ka ka'an ndeva'a i nuu sa ma, ji'in ora nawa jiniñu'u sa ma, ji'in ora ka sondikin ña'a i ma, ji'in ora ndí ini xeen sa ma. Vaa ora jini sa ja ñatuu nawa kuu sa'a sa ma, te ora yukan, te ndáni'i‑ka sa tnu'u ndee tnu'u ndatnu ja kuu sa'a sa ma. Te ndaka kánda sa, vaa kútoo sa Cristo ma.

2 Corintios 6:12

Saña chi ka kutoo ndija ña'a sa, kovaa ndijin chi ñatuu.

2 Corintios 6:4

Vaa ka kanda sa, visi ka ndo'o ka neni sa, te suni ka kanda sa nawa ka jiniñu'u sa ma xi ora ka ndi ini xeen sa ma, te sukan, te ka kaxtnu'u sa ja ka jinukuechi sa nuu Su'si ma.

2 Corintios 7:5

Vaa ja ndaa kúu ja nuu ni ka kenda koo sa ñuu Macedonia ma chi ñatuu ni ka ndatatu yikikuñu sa a. Vaa ndimaa ni ka ndo'o, ni ka neni sa ja ni ka sa'a ña'a ñayii yukan ma, te ka yu'u ka yu'u‑nka ini anua sa a.

Gálatas 4:20

Vaa saña chi nawa kuu, vaa vitnañu'ni‑ni koo sa nuu ka iyo ni a kúni sa, te kóto naxe ka'an sa nuu ni, vaa ja sukan ka kuu ni a, ñatuu ni'i ini sa naxe ka'an‑ka sa.