2 Corintios 10:12 - New Testament Psalms and Proverbs in Mixtec Magdalena Peñasco

¹² Vaa saña chi ñatuu ka kusaa ini sa ja jin ka'an sa sukan ka ka'an jaku ñayii ma ja ka ndachiñu'u i maa i ma te ka ka'an i ja maa i ka kuu‑ka sana in‑ka ñayii ma, vaa masu ñayii ka jani va'a ini ka kuu i ja ka sa'a i sukan ma.

2 Corintios 10:12 ပူးပေါင်းရင်းမြစ်များ

Proverbios 25:27

Masu va'a ja kaa xeen o nduxi ma, te ni masu ja va'a kúu ja ndaka'an o ja in jayiñu'u kúu ja ni sa'a maa o ma.

Proverbios 26:12

Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Proverbios 27:2

te ni a ko ndachiñu'u ni maa ni te ko ka'an ni ja ja va'a kúu ja sa'a ni ma. Ña'a, chi su'va kondetu ni ja in‑ka ñayii ma, te na jin ndaka'an maa i ja va'a ni sa'a ni ma te koo jayiñu'u ni.

Lucas 18:11

Tee kúu fariseo ma, núkuiñi de, te sa'a jikan‑ta'vi de: “Su'si, kuta'vi sa nuu ni, vaa masu kúu sa sukan ka kuu‑ka ñayii ma, ja ka sakui'na i ma, ja ka sa'a i ja u'vi ma, ja ka kivi nduu i ji'in in‑ka ña'a ma, te masu kúu sa sukan kúu tee yukan tee ndáke'en ya'vi xu'un no'o ñuu Roma ma.

Romanos 15:18

Masu nawa kúsaa ini sa ja ká'an sa, nú masu ja tna'a ja ni sa'a maa Cristo ma, vaa maa ya ni jatniñu ña'a ya ja ni ka'an sa nuu ñayii masu judío ka kuu i ma, sukan‑va'a jin kandija i nuu Su'si ma, te maa ya ni taa ndaka tnu'u ni ka'an sa ma ji'in ndaka ja ni sa'a sa ma.

2 Corintios 10:11

Ñayii ká'an sukan ma, te nú ma ndasa'a i kuenda naxe sa'a naxe kúu i nuu Su'si ma chi sukan ni ka'an ni'i sa nuu carta ma, te suni kuu sa'a sa sukan ora kenda koo sa nuu ka iyo ni a.

2 Corintios 10:18

Vaa masu nde jiniñu'u ja maa ñayii ma, te ndachiñu'u i maa i, su'va va'a‑ka ja maa Su'si ma, te ndachiñu'u ña'a ya.

2 Corintios 3:1

Te nú ka ka'an sa sa'a ja masu ndeva'a‑ni ñayii kuu kaxtnu'u tnu'u Su'si o a, ¿te ka jani ini ni ja ka kuvixi sa kúu ja ka ka'an sa sukan kúni Su'si ma ja jin ko sa'a o a? ¿Xi ka jani ini ni ja ka xnda'vi ña'a sa? ¿Xi jiniñu'u ja jin taa sa in carta, te jin kuni ni sukan ka sa'a ka kuu sa a? ¿Xi jin kakan sa ja jin tee ni in carta ja jin ndaka'an ni naxe ka sa'a ka kuu sa, sukan ka sa'a jaku‑ka ñayii ma?

2 Corintios 5:12

Te ja ka ndaka'an sa sa'a nuu ni a, masu ja ka kuvixi sa kúu chi ja ka kuni sa kúu ja jin ndasa'a maa ni kuenda naxe ka sa'a ka kuu sa ja ka iyo sa ji'in ni ma te nawa ni ka kaxtnu'u sa nuu ni ma, sukan‑va'a jin ni'i ini ni naxe jin kuña'a ni nuu ñayii ka sa'a tnu'u ja va'a‑ni ka sa'a maa i ma. Kovaa masu nde ka jini i naxe ka iyo ndija ini anua i ma.