2 Corintios 1:4 - New Testament Psalms and Proverbs in Mixtec Magdalena Peñasco

⁴ Vaa ora ka iyo o nuu tnundo'o tnuneni ma chi maa ya ndátaa tnu'u kanu ini nuu o a, sukan‑va'a suni maa tna'a tnu'u kanu ini ni taa ya ma, te jin ndakua'a tna o nuu tna'a o ñayii ka iyo nuu tnundo'o tnuneni ma.

2 Corintios 1:4 ပူးပေါင်းရင်းမြစ်များ

Salmos 32:5

Te ni ndaka'an ni ndakachi sa kuechi sa ma nuu ni a, te ñatuu ni chu'u sa ja u'vi ni yo sa'a sa ma. Ni jani ini sa: “Ndáka'an ndákachi o ndaka kuechi o ma nuu Iya Tátnuni ma”, te ni sakanu ini ña'a ni kuechi sa ma, ji'in ja u'vi ni yo sa'a sa ma, vi Su'si.

Salmos 32:7

Maa ni kúu nuu kuu chu'u sa, te ko koto va'a ña'a ni nuu kua'an nuu vee sa ma, te ñatuu nawa ndo'o sa, te ndimaa ko kata sa yaa ja ka ka'an ja ni sa'a ni ja jâ ni kaku sa nuu ja u'vi ma.

Salmos 66:16

Ndaka ni ja ka kandija ni ja ká'an Su'si ma, ne'e koo ni, te jin koniniso'o ni ja ndáka'an ndákachi sa a sukan ni sa'a Su'si ma ja kuu sa.

Salmos 86:17

Sa'a ni ja na jin kuni ñayii ñatuu ka kunimani nuu sa ma ja kútoo ña'a ni, sukan‑va'a jín ndakukan‑nuu maa i, vaa maa ni kúu Iya Tátnuni, te maa ni ni chindee ña'a, te ni ndataa ni tnu'u kanu ini, vi Su'si.

Juan 14:16

Te saña, kakan‑ta'vi sa nuu Yuva sa ma ja na tetniñu ya in‑ka iya ndaka'an‑mani ña'a, sukan‑va'a koo ya ji'in ni ni‑kani ni‑jika.

Juan 14:18

’Masu xndoo nda'vi ña'a sa. Ndii sa, sukan‑va'a koo sa ji'in ni.

Juan 14:26

Kovaa Xtumani Ndios ma, iya chindee ña'a ma, iya tetniñu Yuva sa ma nuu tniñu sa ma, kaxtnu'u ya ndaka te ndaxndaku ini ña'a ya ndaka ja ni ka'an sa a.

2 Corintios 7:13

Chukan kúu ja ni ka ndusii ini sa ja jâ ni ka ndusii ini ni a, kovaa ja ni ka ndusii ini‑ka sa kúu ja sukan ni ndusii ini tna ñani o Tito ma ja sukan vivii ka kuu ni nuu Su'si ma.

2 Corintios 7:4

Te ni‑yu'u ni‑ini sa ká'an sa nuu ni a, vaa kúkanu ini xeen ña'a sa, te kútachi xeen sa ja sukan ka sa'a ka kuu ni a. Te kúsii ini xeen sa, visi ka ndo'o ka neni sa, vaa jini sa ja ka iyo va'a ni nuu Su'si a.

Filipenses 1:14

Te kua'a‑ka tna'a o ja ni ka nduu i sa'ya Su'si o a, ja ni ka jini i ja yinee sa vekaa a, te ni ka ni'i‑ka i tnu'u ndee tnu'u ndatnu, te ka kaxtnu'u i tnu'u vii tnu'u va'a Su'si ma, te masu ka yu'u i.

1 Tesalonicenses 4:18

Te sa'a jín ku'un ini o, te jín ndaka'an‑so'o nuu tna'a ndi‑in ndi‑in o onde kivi ndenda ya ma.

1 Tesalonicenses 5:11

Chukan kúu ja jin ndaka'an‑so'o nuu tna'a ni, te jin chindee tna'a ni, sukan‑va'a jin koo va'a ndi‑in ndi‑in ni nuu Su'si o a, sukan jâ ka yikuu ni ka sa'a ni a.

Hebreos 12:12

Chukan kúu ja nde o ni ka kuita nda'a, ni ka kuita ja'a nuu Su'si o a, te ñatuu ka kundee‑ka o ja jin kondikin o ya a, te na jin ndachu'un ini o, te na jin ndatnii o tnu'u ndee tnu'u ndatnu.