1 Timoteo 2:9 - New Testament Psalms and Proverbs in Mixtec Magdalena Peñasco

⁹ Te suni sukan tátnuni sa nuu ña'a ma ja jín kava ñuka ini sa'ma jin kone'nu ña ma, te máko jin ko ndi ini ña ja jin kone'nu ña sa'ma va'a xeen te ndee ya'vi xeen ma, ni a ko jin ndatnaa vivii ña xini ña ma te jin ko kani ini ña ja sukan, te vivii‑ka ka na'a ña ma, chi ña'a. Ni a jin ku'un nda'a ña ma, xi ja jin ku'un sukun ña ma, xi ja jin ki'i so'o ña ma oro xi siki kúu perla ma, te jin ko kani ini ña ja vivii‑ka ka na'a ña, chi ña'a.

1 Timoteo 2:9 ပူးပေါင်းရင်းမြစ်များ

Salmos 149:4

Vaa Su'si Iya Tátnuni ma chi iyo sii ini xeen ya ji'in ñuu ya ma, te kua'a ya jayiñu'u ñayii ka ndakunitnuni ja masu nawa kuu jin sa'a i, nú masu ja onde maa ya ma, sana kuu jin kaku i nuu ja u'vi ma.

Proverbios 31:22

Maa ña sa'a sa'ma ka yoxtnee nuu jito ka kixi ñayii ve'e ña ma, te sa'a ña sa'ma lino, sa'ma va'a ne'nu ña.

Proverbios 31:25

Iyo xeen tnu'u ndee tnu'u ndatnu nuu ña, te iyo jayiñu'u ña nuu ñayii ma ja sukan sa'a ña ja va'a ma, te másu nde yu'u ña nawa ko kuu kivi ki'in o ma.

Proverbios 7:10

Sani te ni kee ña'a kúneé kú‑uun ma ja jin ndatna'a ña ji'in i ma, te na'a ña ja ña'a xiko maa ña kúu ña, te skuiko yu'u skuiko nuu ña sukan kúu ña'a yukan ma.

Mateo 11:8

¿Xi in tee ne'nu sa'ma va'a xeen ni ka jini ni ma? ¿Naxe kaa tee ni ka ke koo ni, ni ka yo nde'ya ni ma? Ndijin chi ka jini ni ja ñayii ka ne'nu sa'ma va'a xeen ma, te ka iyo i ve'e tee ka kuu rey ma.

1 Timoteo 2:10

Su'va jín ku'un ini ña ja jin sa'a ña ja va'a ja játna ini Su'si ma, sukan ka sa'a ña'a ka kandija Su'si ma.