1 Tesalonicenses 5:3 - New Testament Psalms and Proverbs in Mixtec Magdalena Peñasco

³ Nú ñayii ma, ka ka'an i: “Ndaka iyo nañii”, sani te kenda yachi ja jin ndo'o jin neni ñayii ma. Sukan keja'a ja u'vi in ña'a ja kâku sa'ya ña ma, sukan jin ndo'o i, te ñatuu ndenu kuu jin chu'u i ja jin kaku‑ka i.

1 Tesalonicenses 5:3 ပူးပေါင်းရင်းမြစ်များ

Salmos 35:8

Kovaa maa ni, vi Su'si, sa'a ni ja sanaa sanaa‑ni, te ndénda ndaka ja u'vi ni ka jani ini i ja jin sa'a ña'a i nkuu ma, te jín ndani'i jín ndatna'a maa i.

Salmos 48:6

Te ka ndakuiyo ka ndakaa de ja ni ka yu'u xeen de ma. Sukan kúu ña'a u'vi ja kâku lulu ña ma, sukan ka kuu de.

Salmos 55:15

Kovaa ndaka maa ñayii ñatuu ka kunimani nuu sa ma, jin kê koo teku maa i nuu andeya ma, vaa ndimaa ja u'vi ka ñu'u ini i ja jin sa'a i.

Salmos 69:22

Te ne'un viko ka sa'a i ma, ja ka jani ini i ja va'a xeen kúu ma, te na jin ndani'i jin ndatna'a maa i ja u'vi ka sa'a ka kuu i ma.

Proverbios 29:1

Ñayii ndee ini ma, te nuna ndaka'an‑so'o o nuu i ma, te su'va sa'a ndee‑ka i ini i ma chi sanaa sanaa‑ni, te kenda in tnundo'o nuu i ma, te ni ma nduva'a‑ka i.

Mateo 23:33

’¡Sukan ka kuu koo ma ka kuu ndaka ni! Masu jin kaku‑ka ni, vaa jâ iyo ja jin ndachunaa ni nuu andeya ma.

Juan 16:21

Sukan ndó'o in ña'a kâku lulu ña ma, ja ndó'o néni ña, vaa jâ ni kenda ora ma, kovaa nuu ni jinu ni kâku lulu ña ma, te ndúnaa ña ja u'vi ña ma, kuechi ja kúsii ini ña, vaa jâ ni kenda in lulu ma ñuu ñayivi a.

Hechos 13:41

Jin konde'ya ni, ndijin ja ka saxiko ña'a ni a. Xinañu'u jin sa'vi‑nka ini ni, sani te jin naa ni. Vaa sani te iyo in ja sa'a sa ne'un kii ya'a. Kovaa masu jin kandija ni, visi na in na kaxtnu'u nuu ni, kúu ya jiña'a ya. ―Sa'a ni jiña'a Pablo ma.

2 Tesalonicenses 1:9

Te ñayii yukan, jin ndo'o jin neni i, te jin chunaa i ni‑kani ni‑jika, te jin koo jika i, vaa masu kuu jin koo i nuu koo Iya Tátnuni ma nuu iyo jayiñu'u ya ma ji'in tnu'u ndee tnu'u ndatnu ya ma.

Hebreos 12:23

Te suni jâ ni ka jan tu'va tna o nuu ni ka ndatna'a ñayii xinañu'u ni ka jakoxtnee ja ka nani i ma onde andivi ma. Te jâ ni ka jan tu'va o Su'si ma, iya ndakan kuenda nuu ndaka o ma. Te jâ ni ka jan tu'va tna o ñayii ni ka ji'i ma, ja ni ka yo sa'a i ja va'a ja ndaa ma, te ni ka nduvii, ni ka ndundoo kuiti i nuu Su'si ma.

Hebreos 2:3

Te nú sukan, te yo'o, ¿naxe jin kaku o, nuna jin xtaya o te jin skenaa o ja ka'nu xeen ni taa Su'si ma, ja jâ ni ka kaku o nuu ja u'vi ma? Vaa tnu'u ya'a chi maa Iya Tátnuni ma ni kaxtnu'u nuu ñayii ni ka jiniso'o xinañu'u kuiti ma, te ni ka yo ndaka'an i nuu yo'o ja sukan ko kuu.

2 Pedro 2:4

Vaa Su'si ma, masu ni sakanu ini ya ángel ja ni ka jiso kuechi ma, su'va ni skuita nuu ya i nuu andeya ma, te ni chinee va'a ya i nuu nee ma, ja masu kuu jin nde koo i ma, te yukan jin koo i onde kivi ndakan Su'si ma kuenda nuu i ma.