1 Pedro 5:7 - New Testament Psalms and Proverbs in Mixtec Magdalena Peñasco

⁷ Ndaka ja ndí ini o ma, te sonee o nuu nda'a maa ya ma, vaa maa ya jito ña'a, te na'a ya nawa jiniñu'u o ma.

1 Pedro 5:7 ပူးပေါင်းရင်းမြစ်များ

Salmos 34:15

Vaa Su'si Iya Tátnuni ma chi nde'ya nde'ya‑ni ya nuu ka iyo ñayii ka sa'a ja va'a ja ndaa ma, te niniso'o ñukuun ya ja ka jikan‑ta'vi ka jikan‑ta'vi i nuu ya ma.

Salmos 37:5

Sonee ni nuu nda'a Iya Tátnuni ma ndaka tnundo'o tnuneni ni ma, ji'in ndenu kua'an ndenu vee ni ma, ji'in ndaka nawa sa'a nawa kúu ni ma. Te kukanu ini ni ya, te sa'a ya sukan kúni ni ja sa'a ya ma.

Salmos 40:17

Te saña ja kúnda'vi kúkee sa te ndó'o néni sa a, máko ndunaa ña'a ni, vi Su'si. Maa ni kúu iya chíndee ña'a, te sa'a ni ja kaku sa nuu ja u'vi ma. Máko ko kukuee ni ja ki chindee ña'a ni, vi Su'si maa sa.

Salmos 55:22

Sonee ni ndaka tnundo'o tnuneni ni a nuu nda'a Iya Tátnuni ma, te maa ya chindee ña'a ja koo va'a ni nuu ya. Vaa ñayii sa'a ja va'a ja ndaa nuu ya ma chi ni masu kua'a kuiti ya tnu'u ja ko ndo'o ko neni i.

Proverbios 16:3

Va'a‑ka sonee o nuu nda'a Su'si ma nde a jani ini o ja sa'a o ma te maa ya sa'a ja ko kuu sukan jani ini o ma.

Mateo 6:27

Te visi na jin ko ndi ini xeen ni, kovaa masu kuu jin sa'a maa ni ja jin kua'nu‑ka ni jaku.

Mateo 6:28

’¿Te nava'a ka ndi ini xeen ni nawa jin kone'nu ni a? Jin konde'ya ni ja ita ma, vivii ka ja'nu i. Te ni masu ka satniñu i, ni masu ka kene'e i yu'va ja jin kuva'a sa'ma i ma.

Mateo 6:31

Te chukan kúu ja má jin ko ndi ini ni te jin ko kuxii ini ni te jin ka'an ni: “¿Nawa jin kaa o? xi ¿nawa jin ko'o o? xi ¿nawa jin kondii jin konama o a?”

Marcos 4:38

Kovaa Jesús ma chi ni chi'i ya in sa'ma xini ya te ni kixi ya ichi yata barcu ma. Te ni ka xndoto de ya, te ka jiña'a de ya: ―‍Teskua'a, ¿ñatuu ndí ini ni ja ve jin sa'vi o nuu ndute a? ―‍ka kuu de ka jiña'a de.

Lucas 12:22

Ni jinu, te jiña'a Jesús ma nuu tee ka ndikin ya ma: ―‍Sa'a‑ni ká'an sa: Máko jin ko ndi ini ni nawa jin kaa ni ja jin koteku ni, ni a nawa jin kondii jin konama ni.

Lucas 12:26

Te chukan kúu ja, nú masu kuu jin sa'a ni ni‑in ja luluu‑ka ma, ¿nava'a ka ndi ini ni ndaka ja na'nu‑ka ma?

Juan 10:13

Te ñayii yukan chi kunu i, vaa yika‑ni ja ndí ini i kúu ja na ke'en ya'vi i ma, kovaa masu ndí ini i ja jin kuu ndikachi ma.

Filipenses 4:6

Masu nawa jin ko ndi ini ni, su'va jin kakan‑ta'vi xen‑xeen ni nuu Su'si ma nawa ka jiniñu'u ni ndaka jichi ka ndakuan‑ta'vi ni nuu ya ma.