1 Pedro 4:8 - New Testament Psalms and Proverbs in Mixtec Magdalena Peñasco

⁸ Te ûni jin kutoo tna'a ndija ni, vaa ja kútoo tna'a ndija o ma kúu ja sa'a ja kuu sakanu ini o ndeva'a‑ni nawa ka sa'a ña'a ñayii ma.

1 Pedro 4:8 ပူးပေါင်းရင်းမြစ်များ

Proverbios 10:12

Ñayii chú'un ini nawa ni sa'a ña'a in‑ka ñayii ma te suu‑ni suu‑ni ndákune'e i ma chi ñatuu kúu koo mani i, kovaa ñayii kútoo tna'a ndija ma chi kánda i nekanu ini i nawa ni sa'a ña'a maa in‑ka ñayii ma.

Proverbios 12:16

Ñayii so'o ma chi yachi‑ni káxtnu'u i ja ndákiti ini i, kovaa ñayii ndichi ma chi masu sánuu i nawa ka ka'an ndeva'a ñayii ma nuu i ma.

Proverbios 17:9

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Proverbios 18:13

In ja kan‑yu'u ja kan‑nuu kúu ja ndákone'e yachi ñayii ma te ñatuu ndetu i ja koniniso'o i te jinu ka'an in‑ka ñayii ma.

1 Corintios 13:1

Nú saña, te visi kúu ká'an sa kua'a sa'an ka ka'an ñayii ñuu ñayivi a xi sa'an ka ka'an ángel ma, kovaa nú ñatuu kútoo sa ñayii ma chi sukan‑ni kúu in kaa káxin xi sukan‑ni kúu in kaa kíxin, sukan‑ni kúu sa.

1 Corintios 13:4

Ja kutoo tna'a o ma kúu ja kanda o visi na ndo'o neni o nuu ñayii ma, te kunda'vi ini ndija o i. Ja kutoo tna'a o ma chi ñatuu na tnu'u kueñu ini iyo ini anua o ma. Ja kutoo tna'a o ma chi másu ko kani ini o ja maa o kúu‑ka te kanuu‑ka o sana in‑ka ñayii ma.

Colosenses 3:14

Te ndaka cha'a kuu jin sa'a o, nuna jin kutu'va o ja jin kutoo tna'a ndija o, vaa ja kutoo tna'a o ma kúu ja sa'a ja ûni jin ketna'a ini ndaka o.

1 Tesalonicenses 3:12

Te maa Iya Tátnuni ma sa'a ja jin kutoo tna'a xen‑xeen ndi‑in ndi‑in ni, te jin kutoo ni ndaka ñayii ma, sukan ka kutoo ña'a sa a,

2 Tesalonicenses 1:3

Ndijin ja ni ka nduu o sa'ya Su'si o a, ndimaa jin ndakuan‑ta'vi sa nuu Su'si o a ja jin kuu ni, vaa sukan jiniñu'u ja jin sa'a sa, vaa ndi‑kivi ndi‑kivi te ka kukanu ini‑ka ni Su'si ma, te ka kutoo tna'a‑ka ndaka ni.

1 Timoteo 1:5

Sa'a ni sukan, te jin ndasa'a de kuenda, vaa ja kúni Su'si ma kúu ja jin koo vii jin koo ndoo ini anua o a ji'in ja jin kani va'a ini o ma ji'in ja jin kandija ndija o Su'si ma, te onde ndaka cha'a koo ini anua o a sana kuu jin kutoo tna'a ndija o.

Hebreos 13:1

Másu ko jin ndunaa ni ja jin kutoo tna'a ndi‑in ndi‑in ni.

Santiago 5:12

Ndijin ja ni ka nduu o sa'ya Su'si o a, tnu'u kanuu‑ka kúu tnu'u ya'a, ja má jin kuatniñu ni ja iyo andivi ma, ni a ja iyo nuu ñu'ú ya, ja jin ko xnda'vi tna'a ni. Su'va tnu'u jin ka'an ni ma ko kuu tnu'u ndaa tnu'u ndija ja nú kuu sa'a ni ma xi ma kuu sa'a ni ma, sukan‑va'a ma chunaa ni nuu Su'si ma.

Santiago 5:20

te jin kona'a ni ja nú na in sa'a ja ndakokuiñi ñayii ni ndakuiso kuechi ma ichi Su'si o a chi jâ ni kundee i ja ni kaku anua ñayii yukan, te ma skenaa i maa i ma, vaa jâ ni ndasakanu ini ña'a Su'si ma ndaka kuechi ni ndasa'a i ma.

1 Pedro 1:22

Te vitna chi jâ ni ka nduvii ini anua ni a, vaa ka kandija ni ja ndaa ja káxtnu'u Xtumani Ndios ma, te ûni jín kutoo tna'a ndija ndi‑in ndi‑in o. Te chukan kúu ja ni‑yu'u ni‑anua o jín kutoo tna'a o, te in‑ni ja jin kani ini o.

3 Juan 1:2

Ja kúni sa kúu ja ndaka ja sa'a ni ma, te kendoo va'a, te koo sii ini ni, sukan iyo va'a ini anua ni a nuu Su'si ma.