1 Pedro 4:19 - New Testament Psalms and Proverbs in Mixtec Magdalena Peñasco

¹⁹ Chukan kúu ja nú nde o ka ndo'o ka neni ja ka sa'a o sukan kúni Su'si ma, te na jin skendoo o anua o ma nuu nda'a maa iya ni sa'a ña'a ma, nuu maa iya kuu jin kukanu ini o ma, te maa ya chindee ña'a ja kuu jin koo sa'a o ja va'a ma.

1 Pedro 4:19 ပူးပေါင်းရင်းမြစ်များ

Salmos 138:8

Iya Tátnuni, maa ni chi sa'a ni sukan ni jani ini ni ja sa'a ni ja kuu sa ma. Su'si, tnu'u nda'vi ini ni a chi ni‑kani ni‑jika iyo, te máko xndoo nda'vi xndoo kee ña'a ni saña ja kúu sa ñayii ni sa'a maa ni ji'in nda'a ni a.

Salmos 31:5

Te nuu nda'a maa ni ndásonee sa ini anua sa ya, vaa maa ni ni chunaa ja ni kaku sa nuu ja u'vi ma. Iya Tátnuni, maa ni kúu Su'si ndija.

Salmos 37:5

Sonee ni nuu nda'a Iya Tátnuni ma ndaka tnundo'o tnuneni ni ma, ji'in ndenu kua'an ndenu vee ni ma, ji'in ndaka nawa sa'a nawa kúu ni ma. Te kukanu ini ni ya, te sa'a ya sukan kúni ni ja sa'a ya ma.

Lucas 23:46

Sani te ni kayu'u nini'i Jesús ma, te ká'an ya: ―‍Yuva sa, nuu nda'a maa ni xndoo sa anua sa ya ―‍kúu ya jiña'a ya. Te nuu ni jinu ni ka'an ya sukan ma, sani te ni ji'i ya.

Hechos 7:59

Te nani ka wa'a yuu de Esteban ma, te jikan‑ta'vi Esteban ma, te jiña'a de: ―‍Jesús Iya Tátnuni, ndunda'a ni anua sa ya ―‍kúu de jiña'a de.

Romanos 2:7

Nde o ka ndi ini ja jin ndani'i ta'vi o te jin koteku o ni‑kani ni‑jika ma, te jin ni'i o jayiñu'u nuu Su'si ma te ka'an ya ja ja vava'a kúu ja ni ka sa'a, ni ka kuu o ma, nuna jin ku'un ini o ja jin ko sa'a o ja va'a ja ndaa ndija nuu ya ma, te jin ni'i o ndaka cha'a te jin koteku o ni‑kani ni‑jika ma.

2 Timoteo 1:12

Chukan kúu ja sa'a ndó'o néni sa a. Kovaa masu nde kúkan‑nuu sa, vaa jini sa na in ni kandija sa, te kúkanu ini sa ya ja iyo tnu'u ndee tnu'u ndatnu ya ja ko koto va'a ya ini anua sa a, te kuu xsinu sa ndaka tniñu ni sakargu ña'a ya a.

1 Pedro 2:15

Vaa sa'a kúni Su'si ma, ja na jin sa'a o ja va'a ma. Nuna jin sa'a o ja va'a ma, te jin kuni ñayii ñatuu ka jini te ñatuu ka jaku'ni ini i tnu'u Su'si ma, te jin kasiyu'u i.

1 Pedro 3:17

Vava'a‑ka ja jin ndo'o jin neni ni ja ka sa'a ni ja va'a ma, nú sukan kúni maa Su'si ma, sana ja jin ndo'o jin neni ni ja ka sa'a ni ja u'vi ma.

1 Pedro 3:20

Te onde xi'na xeen‑ka ma, nuu ni iyo tee ni yo nani Noé ma, ñatuu ni ka kandija ñayii ma ja ni yo kaxtnu'u de ma. Te Su'si ma chi ni kaa kuee ini ya, te ni yo ndetu ya nani ni sa'a de arca ma, te kivi yukan jaku‑ni ñayii ni ka kaku, vaa una‑ni i ni ka kivi koo ini arca ma, te ni yoxtnee tnu nuu ndute ma, te ni ka kaku i.