1 Pedro 3:10 - New Testament Psalms and Proverbs in Mixtec Magdalena Peñasco

¹⁰ Vaa: Nú na in kúni ja koteku vii koteku va'a i te kuni i ja kenda kivi va'a ma, kó koto va'a i yaa i ma, máko ka'an i ja u'vi, te kó koto va'a i yu'u i ma, te máko xnda'vi i tna'a i ma.

1 Pedro 3:10 ပူးပေါင်းရင်းမြစ်များ

Salmos 106:5

sukan‑va'a kuni sa ja vii ja va'a ja jin ni'i ñayii ñuu ni ndakaji ni ma, te jín ndusii ini sa ji'in ñayii ni nduta'vi ni ma.

Salmos 27:13

Nute ma kukanu ini sa Su'si ma chi xtaya sa, kovaa kúkanu ini sa ya ja nani ka iyo o ñuu ñayivi a chi kuni sa sukan kútoo ña'a ya ma te kúnda'vi ini ña'a ya ma.

Salmos 49:19

kovaa suni jin koo tna i nuu nee ka iyo ndaka tna'a i ñayii jâ ni ka skenaa i maa i ma, te ni masu jin kuni‑ka i nuu vivii xtnuu Su'si ma ñu'u ya ma.

Proverbios 3:18

Tnu'u ndichi Su'si a chi sa'a i ja koteku ñayii tnii vava'a ma. Naka vii naka va'a kúu ñayii jan‑ta'vi ndaka sukan ká'an tnu'u Su'si ma te ñatuu xndoo i ma.

Proverbios 3:2

Vaa sukan, te koteku ro kua'a xeen kuiya, te koo sii ini xeen ro, te koo va'a ro.

Proverbios 4:22

Vaa ñayii ni ndani'i tnu'u ndichi a chi kuenda tnu'u ja jatatna kúu nuu yikikuñu i ma, te sa'a tnu'u ndichi ma ja koteku i ma.

Proverbios 8:35

Vaa ñayii kuan‑ta'vi tnu'u ndichi ká'an ri a chi sa'a i ja koteku i te ni'i i ja skuta'vi ña'a Iya Tátnuni ma.

Mateo 19:17

Te Jesús ma, jiña'a ya: ―‍¿Nava'a jikan‑tnu'u ni nuu sa siki ja va'a ma? Masu na in‑ka sa'a ja va'a chi maa in‑ni Su'si ma. Kovaa nú kúni ni ja ndani'i ta'vi ni te koteku ni ni‑kani ni‑jika, te kandija ni ndaka sukan ni tatnuni Su'si ma ―‍kúu ya jiña'a ya.

Marcos 8:35

Vaa ñayii kúni ja koo va'a i ñuu ñayivi ya chi skenaa i anua i ma. Kovaa nú na in na kûu i ñuu ñayivi ya ja kuechi ja ndikin ña'a i maa sa, te káxtnu'u i tnu'u vii tnu'u va'a ká'an sa a chi ndani'i ta'vi i.

Juan 1:47

Nuu ni jini Jesús ma ja kuan tu'va tee kúu Natanael ma, te jiña'a ya: ―‍Ya'a vee in tee ndija ñuu Israel ya, in tee masu xnda'vi ñayii ma kúu de ―‍kúu ya jiña'a ya.

Juan 12:25

Nú na in ndí ini xeen ja kendoo vii kendoo va'a i ñuu ñayivi ya'a chi skenaa i maa i. Kovaa nú na in ñatuu ndí ini visi na ndo'o na neni i ñuu ñayivi ya'a kuechi ja ndikin ña'a i maa sa, chi sa'a Su'si ma ja koteku i ni‑kani ni‑jika.

Santiago 1:26

Vaa nú na in jani ini ja in ñayii ndikin xeen Su'si ma kúu i ne'un ndaka o a, te chítna'nu i yaa i ma ji'in ndaka tnu'u ká'an i ma. Nú ña'a, te xnda'vi i ini anua i ma, te visi ká'an i ja ndikin i Su'si ma, kovaa ja ká'an i ma masu kétna'a ji'in ja sa'a i ma.

1 Pedro 2:1

Jín skana jín skuita o ndaka ja u'vi ma, ji'in ndaka ja ka xnda'vi tna'a o ma, ji'in ndaka ja ka ka'an o te masu ka sa'a o ma, ji'in ndaka ja ka kukueñu ini o ma, ji'in ndaka ja ka ka'an o tnu'u ja kuu in‑ka ñayii ma.

1 Pedro 2:22

Te maa ya chi masu na ja u'vi ni sa'a ya, te ñatuu nama kuiti ni xnda'vi ya ni‑in ñayii.

Apocalipsis 14:5

Vaa ni ka yo jito va'a de yu'u de ma, te ñatuu ni ka yo ka'an de ja jin xnda'vi de ñayii ma, te ñatuu ni‑in ja u'vi ni ka yo sa'a de nuu Su'si ma nuu núkoo ya ja tátnuni ya ma.