1 Juan 5:14 - New Testament Psalms and Proverbs in Mixtec Magdalena Peñasco

¹⁴ Ka kukanu ini o Su'si ma, vaa ka jini o ja nú nawa na jin kakan o sukan kúni ya ma chi niniso'o ya.

1 Juan 5:14 ပူးပေါင်းရင်းမြစ်များ

Salmos 145:19

Te ndaka ñayii ka kandija ja ká'an ya ma chi ndákone'e ya ja ka jikan‑ta'vi i ma, te sa'a ya ja jin kaku i nuu ja u'vi ma, vaa ka ndi ini i ja masu jin sa'a i ja u'vi ma, vaa ka na'a i ja iya ndákan kuenda kúu ya.

Salmos 31:22

Kovaa ni kenda ja ni jani ini sa ja jâ ni xndoo ña'a ni te kúu maa kúu in‑nka sa nkuu. Kovaa nuu ni ndakune'e ña'a sa ja na chindee ña'a ni ma, te maa ni chi ni jiniso'o ni ja ni ka'an sa ma.

Salmos 34:17

Te ñayii ka sa'a ja va'a ja ndaa ma, ora ka ndakune'e jajaa i Su'si ma, te niniso'o ya ja ka jiña'a i ya ma, te sa'a ya ja jin kaku i nuu ndaka tnundo'o tnuneni ka ndo'o ka tna'a i ma.

Salmos 69:33

Vaa Iya Tátnuni ma chi niniso'o ya ja ka jikan‑ta'vi ñayii ka kunda'vi ka kukee ma, te ñatuu na nde saxiko ya ñayii ka ndo'o ka neni ma.

Proverbios 10:24

Tna'a ja yu'u ñayii sa'a ja u'vi ma ja ndo'o i ma, su'va chukan kenda yachi‑ka nuu i ma, kovaa ñayii sa'a ja va'a ja ndaa ma chi ja ñu'u ini i ja ni'i i ma chi kua'a Su'si ma.

Proverbios 15:29

Su'si ma chi iyo jika ya nuu iyo ñayii sa'a ja u'vi ma, kovaa niniso'o ya te jatanuu ya ja jikan‑ta'vi ñayii sa'a ja va'a ja ndaa ma.

Mateo 21:22

Te ndaka ja jin kakan‑ta'vi ni nuu Su'si ma, te nú ka kukanu ini ndija ni ya ja taa ya ma chi jin ni'i ni ―‍kúu ya jiña'a ya.

Juan 11:42

vaa jini sa ja ndimaa jiniso'o ña'a ni, kovaa kuechi ñayii ya'a te ká'an sa sa'a, sukan‑va'a jín kandija ña'a i ja maa ni ni tetniñu ña'a ―‍kúu ya jiña'a ya.

Juan 14:13

Te ndaka ja jin kakan ni ja maa sa nuu Yuva sa ma, te sa'a sa, sukan‑va'a koo jayiñu'u Yuva sa ma, ja sa'a Sa'ya ya ma.

Juan 15:7

’Nú ndijin, te jin koo jin koo‑ni ni ji'in sa, te nú jin ku'un jin ku'un‑ni ini ni tnu'u ká'an sa a, te jin kakan ni nawa ka kuni ni ma chi jin ni'i ni.

Juan 16:24

Onde vitna, masu nawa ka jikan ni ja maa sa. Jin kakan ni, te jin ni'i ni, sukan‑va'a jin ndusii ini ndija ni.

Juan 9:31

Vaa ka jini o ja Su'si ma, masu jiniso'o ya ja ka ka'an ñayii ka ndiso kuechi ma. Yika‑ni ja jiniso'o ya ñayii ka chiñu'u ya ma ji'in ñayii ka sa'a sukan játna ini ya ma.

Efesios 3:12

Te ja maa Cristo ma, te ni ndanune ja kuu jin tu'va sii ini o nuu Su'si ma, te masu nawa jin koyu'u o, vaa ka kandija o ya.

Hebreos 10:35

Chukan kúu ja ndimaa jin kukanu ini ni Su'si ma, vaa kua'a xeen ja ndataa ya ma.

Hebreos 3:14

Vaa yo'o chi jin ni'i o ndaka ja skuta'vi ña'a Cristo ma, nuna jin konukuiñi va'a o te jin kukanu ini o ya, sukan ni ka jini o onde xinañu'u ma,

Hebreos 3:6

Kovaa Cristo ma chi Sa'ya maa Su'si ma kúu ya, te tátnuni ya nuu yo'o ja ka kuu o ñayii ka iyo nuu Su'si ma. Te sukan jin koo o ji'in ya ni‑kani ni‑jika, nuna jin konukuiñi va'a o nuu ya a te jin kanda o te jin kondetu o ya.

Santiago 4:3

Te visi na jin kakan ni, kovaa ma jin ni'i ni, vaa masu va'a‑ni ka jikan ni nuu Su'si ma, vaa ja ka jikan ni ma, yika‑ni ja ka kuni ni ja jin kuatniñu sii ini ni ñuu ñayivi a kúu.

Santiago 5:16

Kanuu ja jin ndaka'an jin ndakachi nuu tna'a o na kuechi ni ka sa'a o ma, sukan‑va'a jín ndakakan‑ta'vi o nuu Su'si ma ja na sakanu ini ña'a ya, te jin nduva'a o. Vaa ja jikan‑ta'vi ñayii iyo va'a nuu Su'si ma kúu ja chíndee xeen ña'a i.

1 Juan 2:28

Vitna vi, sa'ya sa, jín koo ndaa jín koo ndija ni nuu Cristo ma, sukan‑va'a kivi kii ya ma, te ma jin ndakukan‑nuu o, te jin kusaa ini o ja jin koo o jin tna'a o ya.