1 Corintios 7:31 - New Testament Psalms and Proverbs in Mixtec Magdalena Peñasco

³¹ Te nde ni ka ni'i ka tna'a ka iyo ni ñuu ñayivi a, te jin kani ini ni ja masu nawa kúu ja ka neva'a ni a. Vaa tna'a ja ka nde'ya o ñuu ñayivi a chi ndaka jin naa.

1 Corintios 7:31 ပူးပေါင်းရင်းမြစ်များ

Salmos 39:6

Vaa sukan kúu kuanda'vi ma‑ni, sukan‑ni kúu ñayii ma. Te chukan kúu ja másu nde jiniñu'u ja xtutu kua'a xeen i xu'un ja koneva'a i ma, vaa masu nde jini i na in kendoo ji'in ja ni xtutu i ma.

Salmos 73:20

Kivi kenda ja ndokuiñi ni ma, vi Su'si chi sukan‑ni kúu in ja jani o ora kixi o ma ja nú ni ndoto o ma sani te ni ndunaa o ma, sukan‑ni jin ko kuu ñayii yukan nuu ni. Vaa visi ka jani ini i ja maa i ka kuu‑ka kovaa maa ni chi su'va saxiko ni i.

Lucas 21:34

’Jin ko koto va'a ni maa ni. Má jin kua'a ni tnu'u ja jin nduso'o jin ndundee ini ni ja kuechi ndaka ja u'vi iyo ñuu ñayivi a, tna'a ja ka ndajini ñayii ma, ji'in ja ka ndi ini ñayii ma ja jin ko ni'i jin ko tna'a i ñuu ñayivi a. Jin ko koto va'a ni maa ni, nasa yukan, te kenda yachi kivi yukan nuu ka iyo ni a.

1 Corintios 7:29

Kovaa nuu ndijin ñani, ká'an sa ja kuechi ja ve kutuu tiempu ya, te jiniñu'u ja nde ni ka iyo ñasi'i ni ma, te jin ndatnu'u tna'a ni, te jin katanuu‑ka ni ja jin kunukuechi ni nuu Su'si ma, te má jin katanuu ni ja jin kuu maa ni.

1 Corintios 7:30

Te nde ni ka kuxii ini te ka nda'yu ni ma, su'va jin koo sii ini ni kuenda tnu'u ja masu nawa kúu. Te nde ni ka kusii ini xen‑xeen ma, má jin kani ini ni ja va'a xeen ka kuu ni ñuu ñayivi ya. Te nde ni ka jaan ndatniñu ja jin koneva'a ni ma, te máko jin kani ini ni ja ja va'a xeen kúu ja ni ni'i ni ma.

1 Corintios 9:18

¿Te nde a kúu ja ni'i sa ja káxtnu'u sa tnu'u vii tnu'u va'a Cristo ma, ka jani ini ni? Saña chi in ja sa'a ja kúsii ini xeen sa kúu ja káxtnu'u sa tnu'u vii tnu'u va'a Cristo ma, te ñatuu nawa ka ndataa ni nuu sa, visi iyo sa ja jin kondetuu ni ja kaa sa.

Hebreos 12:27

Ja ni ka'an ya ma, sa'a kúni ka'an: Ja skanda ya ndaka tu'u ja ni sa'a ya ma, te xtandiyo ya ndaka, sukan‑va'a kendoo maa in‑ni‑nka ndaka ja masu skanda‑ka ya ma.

Santiago 4:14

Te vitna ja ni masu ka jini ni nawa ko kuu yutnee ma. Vaa ¿nawa kúu yo'o? Ja ndaa ja sukan kúu in viko ñu'u ma ja ñuñu'ni‑ni nde'ya o i, sani te náa i, sukan‑ni kúu yo'o ja kúu o ñayii a.

1 Pedro 1:24

Vaa: Ndaka ñayii ma, sukan kúu in yi'i ma kúu i, te ndaka jayiñu'u ñayii ma, sukan kúu ita nuu yi'i ma kúu i. Yi'i ma chi yíchi i, te ita i ma chi jínkava,

1 Pedro 4:7

Te jâ ve kuyatni ja ndi'i ndaka ja iyo ñuu ñayivi a. Chukan kúu ja jin kani va'a ini ni nawa jin sa'a ni, te jin koto va'a ni maa ni, te jin kakan‑ta'vi jin kakan‑ta'vi‑ni ni nuu Su'si ma.

1 Juan 2:17

Kovaa ñuu ñayivi ya ji'in ja játna ini ñayii ma ja sa'a i ma chi ja naa ko kuu nuu Su'si ma, kovaa ñayii sa'a sukan játna ini Su'si ma, koteku i ni‑kani ni‑jika nuu ya ma.